അയ്യങ്കാളിയുടെ പ്രതിമയില്‍ പുഷ്പാര്‍ച്ചന, പിന്നീട് വേദിയിലേക്ക്
ബിജെപി ദേശീയ അദ്ധ്യക്ഷന്‍ ഇന്നലെ കൊല്ലത്തെ നവോത്ഥാന സംഗമത്തില്‍ പ്രസംഗിക്കുന്നതിന് മുമ്പ് ആദ്യമെത്തിയത് അയ്യങ്കാളി പ്രതിമയ്ക്ക് മുന്നില്‍. പീരങ്കിമൈതാനത്തിന് സമീപത്തായി നിലനില്‍ക്കുന്ന അയ്യങ്കാളി പ്രതിമയില്‍ പുഷ്പാര്‍ച്ചന നടത്തിയ ശേഷമായിരുന്നു അദ്ദേഹം പരിപാടി സ്ഥലത്തേക്ക് എത്തിയത്. വേദിയിലെത്തിയ അദ്ദേഹത്തെ ബിജെപി ജില്ലാ പ്രസിഡന്റ് എം.സുനില്‍, ജനറല്‍ സെക്രട്ടറിമാരായ മാലുമേല്‍ സുരേഷ്, വെള്ളിമണ്‍ദിലീപ്, എസ്.ദിനേഷ്‌കുമാര്‍ എന്നിവര്‍ ചേര്‍ന്ന് സ്വീകരിച്ചു. പൂമാലയിട്ട് പുഷ്പകീരിടം തലപ്പാവായി അണിയിച്ച് അദ്ദേഹത്തിന് ദേശിംഗനാടിന്റെ സ്വീകരണം. പിന്നീട് മണ്ഡലം പ്രസിഡന്റുമാരായ അഡ്വ.വിനോദ്, ഭരണിക്കാവ് രാജന്‍, അനില്‍വാഴപ്പള്ളി, സുനില്‍കുമാര്‍, മനോജ്, സുഭാഷ് പട്ടാഴി, ആലഞ്ചേരി ജയചന്ദ്രന്‍, കൊട്ടാരക്കര മണ്ഡലം കണ്‍വീനര്‍ രമേശ്, സജീവ്ചന്ദ്രന്‍ എന്നിവര്‍ ഷാളണിയിച്ച് സ്വീകരിച്ചു. തുടര്‍ന്ന് യുവമോര്‍ച്ച ജില്ലാ കമ്മിറ്റിയുടെ നേതൃത്വത്തില്‍ ഹാരവും പുഷ്പങ്ങളാല്‍ തീര്‍ത്ത ഖഡ്ഗവും നല്‍കി സ്വീകരിച്ചു. ജില്ലാ പ്രസിഡന്റ് അഡ്വ.ആര്‍.എസ്.പ്രശാന്ത്, സംസ്ഥാന സെക്രട്ടറി സജി കരവാളൂര്‍, ജില്ലാ ജനറല്‍സെക്രട്ടറി സി.ബി.പ്രതീഷ്, രാജ്‌മോഹന്‍, രതീഷ് എന്നിവരായിരുന്നു സ്വീകരിച്ചത്. മഹിളാമോര്‍ച്ചക്കായി ജില്ലാപ്രസിഡന്റ് വസന്താ ബാലചന്ദ്രനും കര്‍ഷകമോര്‍ച്ചക്ക് വേണ്ടി ബൈജുചെറുപൊയ്കയും പട്ടികജാതിമോര്‍ച്ചക്ക് വേണ്ടി ജില്ലാ പ്രസിഡന്റ് മഠത്തില്‍ ശശിയും സ്വീകരിച്ചു. സ്വീകരണത്തില്‍ ബിജെപി മേഖല ജനറല്‍സെക്രട്ടറി എം.എസ്.ശ്യാംകുമാര്‍, സംഘടനസെക്രട്ടറി ഗോപി, കണ്ണാട്ട് രാജേന്ദ്രന്‍, രൂപബാബു, ദേവകിയമ്മ, എസ്.ഷീല, സെക്രട്ടറിമാരായ പൂന്തോട്ട സത്യന്‍, പി.ശിവന്‍, ലതാമോഹന്‍, സുമാദേവി, ബിജു നീലാംബരന്‍ എന്നിവര്‍ പങ്കെടുത്തു.
No comments:
Post a Comment