വരികുളം ഏലാ പൂർണ്ണമായും മണ്ണിട്ടു നികത്തുന്നു. ചാത്തന്നൂർ നിയോജക മണ്ഡലത്തിലെ പ്രധാന തണ്ണീർതടങ്ങളിൽ ഒന്നാണ് കോയിപ്പാട് വാർഡിലെ വരികുളം ഏലായും
ഇത്തിക്കരയാറ്റിൽ അവസാനിക്കുന്ന
ഏലാതോടും. കൊടുംചൂടിൽ വെള്ളം കുറഞ്ഞതോടെയാണ് ഭൂമാഫിയസംഘങ്ങൾ ഏലാതോട് മണ്ണിട്ട് നികത്തി കൊണ്ട് ഏലായ്ക്ക് സമീപത്ത് കൂടിയും ഏലായ്ക്ക്
കുറുകെയും വഴി വെട്ടി കൊണ്ട് വരികുളം തോടിന്റെ നീരോഴുക്ക് തടസപ്പെടുത്തിയിരിക്കുന്നത്.
തിരഞ്ഞെടുപ്പിന്റെ മറവിൽ
കഴിഞ്ഞ ദിവസങ്ങളിൽ രാത്രിയിൽ അധികാരികളുടെ ഒത്താശയോടെ മണ്ണിട്ടു നികത്തി തുടങ്ങിയത്. ഇപ്പോൾ തൊഴിലുറപ്പ് തൊഴിലാളികളെ ഉപയോഗിച്ച് സിപിഎം നേതാവ് കൂടിയായ പഞ്ചായത്ത്‌ വൈസ് പ്രസിഡന്റിന്റെ ഒത്താശയോടെ ഭൂമാഫിയ സംഘമാണ് ഏല നികത്തുന്നതിന്റെ പിന്നിൽ പ്രവർത്തിക്കുന്നത്.
വരികുളം ഏലാ റോഡിൽ വരികുളം തോടിന് സമീപമുള്ള ഏലായിലേക്കിറങ്ങാനായി റോഡരുകിലുള്ള പഴയകാലത്തെ ഒരു മീറ്റർ നടവരമ്പ് പുരയിടമായി രേഖപ്പെടുത്തിയതിന്റെ മറവിലാണ് നിലവും തണ്ണീർ തടങ്ങളും
നികത്തിയത്. ഇ പ്രദേശത്തെ
പല നിലങ്ങളും രണ്ടായിരമാണ്ടിനു മുൻപ് ഭാഗികമായി നികത്തിയിരുന്നു. ഇതിൽ കുറെ നിലങ്ങൾ 2005 നു
ശേഷമുള്ള റീ സർവ്വേയിൽ
നികന്ന പുരയിടമായി മാറിയിട്ടുണ്ട്. ഇതിൻ്റെ മറവിൽ കൂടുതൽ സ്ഥലം നികത്തിയതിന് ചിലരുടെ പേരിൽ കോടതിയിൽ കേസ്സും നിലവിലുണ്ട്.വരികുളം തോടും ഇപ്പോൾ കൈയേറ്റം മൂലം ഇല്ലാതായിരിക്കുന്നു. കഴിഞ്ഞ സമയത്തും വെള്ളം കയറി ഇവിടെയുള്ള കുടുംബങ്ങൾ അഭയാർത്തി ക്യാമ്പുകളിൽ അഭയം തേടിയിരുന്നു. തുടർന്ന് പഞ്ചായത്ത്‌ തോട് വീതികൂട്ടി പൂർവ്വസ്ഥിതിയിലാക്കുമെന്ന് പറഞ്ഞുവെങ്കിലും ഒന്നും നടന്നില്ല അതിന് പിന്നാലെയാണ് ഭൂമി മണ്ണിട്ട് നികത്തുന്നത്. ഇത്തരത്തിൽ നിലങ്ങൾ നികത്തി നൽകുന്നതിന് മണ്ണു മാഫിയ വൻ തുകകളാണ് കൈപ്പറ്റുന്നത്.
പുലർച്ചെ ഒരുമണിക്ക് തുടങ്ങുന്ന നികത്തൽ നാലുമണിയോടെ അവസാനിക്കും. പോലീസിനെയും മറ്റ് ഉദ്ദ്യോഗസ്ഥരെയും പടികൊടുത്ത് വശത്താക്കിയ ശേഷമാണ് നികത്തൽ ആരംഭിക്കുന്നത്. വഴങ്ങാത്തവരെ നിരീക്ഷിക്കാൻ പ്രത്യക വാളണ്ടിയരെയും ബൈക്കുകളിലായി ടിപ്പറിനും മുന്നിലും പിന്നിലും നിരത്തിയാണ് മണ്ണടി. എതിർക്കുന്നവരെ ഏതു രീതിയിലും സ്വാധീനിക്കാനും വേണ്ടി വന്നാൽ 'ഭീഷണിപ്പടുത്തി ഒതുക്കിയുമാണ് നിലം നികത്തൽ നിർബാധം നടക്കുന്നത്.
ഫോട്ടോ :വരികുളം ഏലയുടെ തണ്ണീർതടങ്ങൾ മണ്ണിട്ട് നികത്തുന്നു നിലയിൽ.
No comments:
Post a Comment