കേരളത്തില്‍ ഒരിടത്തും ശവ്വാല്‍ മാസപ്പിറവി കാണാത്തതിനാല്‍ ചൊവ്വാഴ്ചയായിരിക്കും ഈദുല്‍ ഫിത്തറെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ അടക്കമുള്ള ഖാസിമാര്‍ അറിയിച്ചു.
തിങ്കളാഴ്ച രാത്രിയോടെ നാടും നഗരവും തക്ബീര്‍ ധ്വനികളാല്‍ മുഖരിതമാകും. അരുതായ്മകളില്‍നിന്ന് മനസ്സും ശരീരവും അടര്‍ത്തിയെടുത്തതിന്റെ നിര്‍വൃതിയിലാണ് വിശ്വാസികള്‍ ഈദുല്‍ഫിത്തറിനെ വരവേല്‍ക്കുക.
പള്ളികളും വീടുകളും കേന്ദ്രീകരിച്ചുള്ള ഫിത്തര്‍ സക്കാത്ത് വിതരണം നടന്നുവരുന്നുണ്ട്. പെരുന്നാള്‍ദിനത്തില്‍ ലോകത്ത് ഒരാള്‍പോലും പട്ടിണി കിടക്കുന്ന സാഹചര്യം ഉണ്ടാകരുതെന്നാണ് ഫിത്തര്‍ സക്കാത്തിന്റെ താത്പര്യം. ഒപ്പം, നോമ്പുകാരന്റെ വീഴ്ചകള്‍ക്കുള്ള പരിഹാരം കൂടിയാണത്. പെരുന്നാള്‍ നമസ്‌കാരത്തിനായി വിശ്വാസികള്‍ ചൊവ്വാഴ്ച രാവിലെ ഈദ്ഗാഹുകളിലും പള്ളികളിലും ഒരുമിച്ചുകൂടും.
No comments:
Post a Comment