പോളച്ചിറ ഏലായുടെ തണ്ണീർതടങ്ങൾ കൈയ്യേറുന്നതായി പരാതി.
ചാത്തന്നൂർ : അനധികൃത നിർമ്മാണങ്ങൾ നടത്തി പോളച്ചിറ ഏലയുടെ സമീപത്തുള്ള തണ്ണീർത്തടങ്ങൾ കൈയേറുന്നതായി പരാതി. ഏലയുടെ തെക്കുഭാഗത്തുള്ള തെക്കേ തോടിന്റെ തീരങ്ങളാണ് ഭരണ സ്വാധീനം ഉപയോഗിച്ച് കൊണ്ട് വില്ലേജ് അധികൃതരുടെ ഒത്താശയോടെ ഭൂമാഫിയ കൈയ്യേറുന്നത് പരിസ്ഥിതി ലോല പ്രദേശമായ ഇവിടെ നെൽവയൽ സംരഷിത മേഖല കൂടിയാണ്.
മീനാട് ഭാഗത്തുള്ള വസ്തു ഉടമകളാണ് യാതൊരു അളവോ മറ്റ് നിയമനടപടികളോ നടത്താതെ തെക്കേതോടിന്റെ ഭാഗത്തെ രണ്ടു ഏക്കറോളം ഭാഗത്തെ തണ്ണീർത്തടങ്ങളാണ്
മണ്ണിട്ട് നികത്തി കൈയേറിയിരിക്കുന്നത്.
പരവൂർ - ചാത്തന്നൂർ റോഡിന്റെ
കുറുകെയുള്ള ചെറിയ പാലത്തിന് അടിയിലൂടെയുള്ള ഭാഗവും
ഏലായിലെ ഭാഗവും പമ്പ് ചെയ്യുബോൾ വെള്ളം ഒഴുകിപ്പോകുന്ന ചതുപ്പ് പ്രദേശവും കൈയേറ്റത്താൽ അടഞ്ഞ് പോയതായി നാട്ടുകാർ പറയുന്നു. നെൽവയൽ നികത്തിയ വസ്തു വാങ്ങിയ ഭൂമാഫിയ സംഘങ്ങൾ
നടത്തുന്ന അനധികൃത
നിർമ്മാണ പ്രവർത്തനങ്ങളാണ് ചതുപ്പുനിലം നികത്തി നടന്നുകൊണ്ടിരിക്കുന്നത്.
കൂടാതെ മീനാട് പ്രവർത്തിക്കുന്ന ക്രഷർ യൂണിറ്റിന്റെ
കൈയേറ്റങ്ങളും തണ്ണീർത്തടങ്ങളെ ഇല്ലാതാക്കുന്നു. ചിറക്കര പഞ്ചായത്തിന്റെ കൺമുന്നിൽ നടക്കുന്ന അനധികൃത നിർമ്മാണം പൊടിപൊടിക്കുമ്പോഴും അധികൃതർ ഒന്നും കണ്ടില്ലെന്നു നടിക്കുന്നു.
തണ്ണീർത്തടങ്ങൾ മണ്ണിട്ട് നികത്തിയും കരിങ്കൽഭിത്തി നിർമ്മിച്ചും മറ്റാവശ്യങ്ങൾക്ക് ഉപയോഗിക്കുന്നതിനെതിരെ പ്രദേശവാസികളുടെയും പരിസ്ഥിതി പ്രവർത്തകരുടെയും എതിർപ്പിനെ അവഗണിച്ചാണ് അധികൃതരുടെ മൗനാനുവാദം.
@ ജില്ലയിലെ പ്രധാന നെല്ലറയായ പോളച്ചിറ ഏലായുടെ നീർച്ചാലുകളും നടവരമ്പും കൈയേറ്റം കാരണം നാൾക്കുനാൾ അപ്രത്യക്ഷമാവുകയാണ്. പോളച്ചിറ ഏലായുടെ പാടശേഖരവും ചതുപ്പ് പ്രദേശങ്ങളും തണ്ണീർതടങ്ങളും
ഗ്രീൻ ബെൽറ്റിൽ ഉൾപ്പെട്ട പ്രദേശമാണ്. തണ്ണീർത്തട സംരക്ഷണത്തിനായി പഞ്ചായത്തുതല ജനകീയസമിതികൾ നിലവിലുണ്ട്. പഞ്ചായത്ത് സെക്രട്ടറിയും പ്രസിഡന്റും കൃഷി ഓഫീസറും ജനകീയ കമ്മിറ്റിയിൽ അംഗങ്ങളാണ്. കൈയേറ്റങ്ങളെ ചെറുത്ത് തണ്ണീർത്തടങ്ങളും ചതുപ്പുകളും നീർച്ചാലുകളും സംരക്ഷിക്കുകയാണ് സമിതിയുടെ ഉത്തരവാദിത്വം. ഇതിനായുള്ള നിയമങ്ങളും നിലവിലുണ്ട്. ആയതിനാൽ കൈയേറ്റം വ്യാപകമാകുന്നത് തടഞ്ഞ് തണ്ണീർത്തടങ്ങളും ചതുപ്പുകളും സംരക്ഷിക്കണമെന്നാണ് നാട്ടുകാരുടെ അഭ്യർത്ഥന.
@ പഞ്ചായത്ത് അധികൃതരുടെയും എം എൽ എയുടെയും അനാസ്ഥ മൂലം കൃഷി മുടങ്ങി കിടക്കുന്ന പോളച്ചിറ ഏലായിൽ
കൃഷിയോഗ്യമല്ല എന്ന കാരണത്താൽ
തരിശ് ഭൂമി ചുളുവിലയ്ക്ക് തട്ടിയെടുക്കാൻ പ്രദേശത്ത് റിയൽ എസ്റ്റേറ്റ് ലോബികൾ സജീവമായതാണ് കൈയേറ്റം വ്യാപകമാകാൻ ഇടയാക്കിയത്. ഇത്തരക്കാർ വാങ്ങിക്കൂട്ടിയ ഭൂമികളിൽ ആദ്യം മറ്റ് കൃഷി ആരംഭിക്കും. പിന്നീട് ഭൂമിക്ക് ചുറ്റും വേലി നിർമ്മിച്ച് മറ്റു നിർമ്മാണ പ്രവർത്തനങ്ങൾ നടത്തും. ഭൂമി മതിൽകെട്ടി മറ്റ് നിർമ്മാണങ്ങൾ ആരംഭിക്കുന്നതോടെ പ്രദേശത്തെ നീരൊഴുക്കും നിലക്കും. ഇതോടെ സമീപത്ത് കൃഷി ചെയ്തിരുന്ന അവസാനത്തെ കർഷകരും കൃഷി ഉപേക്ഷിക്കാൻ നിർബന്ധിതരാകും. നെൽവയലുകളായിരുന്ന സ്ഥലങ്ങളിലെല്ലാം ഇന്ന് വീടുകളും മറ്റ് സ്ഥാപനങ്ങളുമാണ്. കൈത്തോടുകളും നടവരമ്പുകളും നശിച്ചതോടെ കൃഷി പൂർണമായും ഉപേക്ഷിക്കേണ്ട നിലയായി ചതുപ്പുകൾ മൂടിയതോടെ മഴവെള്ളം ഒലിച്ചുപോകാൻ കഴിയാതെ കൃഷി പ്രതിസന്ധിയിലായി. സമീപത്ത് കൂടെ കൃഷി ചെയവർ പാഴിയുടെയും കീടങ്ങളുടെയും ആക്രമണത്തിൽ നഷ്ടത്തിന് നടുവിലായി. കൃഷിക്കാവശ്യമായ സമയങ്ങളിൽ പഞ്ചായത്തിൽ നിന്നുള്ല സഹായങ്ങൾ കൃഷി ഓഫീസ് മുഖേന ലഭിക്കാതായതോടെ കർഷകർ കൃഷി പാടേ ഉപേക്ഷിച്ചു. വെള്ളക്കെട്ട് പ്രദേശമായതിനാൽ മറ്റ് കൃഷികളും നടത്താൻ കഴിയാതെയായി. ഈ ചതുപ്പുകളാണ് റിയൽ എസ്റ്റേറ്റ് ലോബികൾ വാങ്ങിക്കൂട്ടുന്നത്.
ജീവിതത്തിൽ പൊരുതി വീഴാത്ത അമ്മയ്ക്ക് കൂട്ടാകാൻ എസ്.
