മയക്കുമരുന്നുകൾ മയങ്ങുന്നില്ല

അന്തർ സംസ്ഥാന മയക്കുമരുന്നു സംഘങ്ങൾ ജില്ലയിൽ വിലസുന്നു,പൊലീസും എക്സൈസും കണ്ണുപൊത്തിക്കളിക്കുന്നു

വന്നവഴി കണ്ടെത്താനാവാതെ പരിശോധകർ

ആലപ്പുഴ: പരിശോധകരെ കാഴ്ചക്കാരാക്കി അന്തർസംസ്ഥാന മയക്കുമരുന്നു സംഘം ജില്ലയിൽ ലഹരി ഒഴുക്കുന്നു. നിരോധിക്കുന്നതിനും നിയന്ത്റിക്കുന്നതിനും നിയമം ഉണ്ടെങ്കിലും ട്രെയിനിലൂടെയും അന്തർസംസ്ഥാന സർവീസ് നടത്തുന്ന സ്വകാര്യ ബസുകളിലൂടെയും ജില്ലയിലേക്ക് വൻതോതിൽ ലഹരി ഉത്പന്നങ്ങൾ കൊണ്ടുവരുന്നത്. പൊലീസിനെയും എക്സൈസിനെയും കാഴ്ചക്കാരാക്കിക്കൊണ്ടാണ് മയക്കുമരുന്നു വിതരണ സംഘങ്ങൾ ജില്ലയിൽ വിലസുന്നത്.

തമിഴ്നാട്, കർണ്ണാടക, മഹാരാഷ്ട്ര തുങ്ങിയ സംസ്ഥാനങ്ങളിൽ നിന്നാണ് ജില്ലയിൽ മയക്കുമരുന്ന് എത്തുന്നത്. മയക്കുമരുന്നു കടത്തുന്നതിന് വിദ്യാർത്ഥികളെയും ആഭ്യന്തര ടൂറിസ്റ്റുകളായ വനിതകളെയുമാണ് ഉപയോഗിക്കുന്നത്. പലപ്പോഴും പേരിനുമാത്രം നടത്തുന്ന റെയ്ഡിൽ വൻ ശേഖരമാണ് പിടിച്ചെടുക്കുന്നത്. കഴിഞ്ഞ ദിവസം ഹരിപ്പാട് നിന്ന് രണ്ടു കിലോ ബ്രൗൺഷുഗർ എക്സൈസ് പിടിച്ച സംഭവമാണ് ഒടുവിലത്തേത്. കാസർകോടുള്ള എജന്റ് ബാംഗ്ളൂരിൽ നിന്ന് കൊണ്ടുവന്ന ബ്രൗൺഷുഗർ തിരുവനന്തപുരത്തെ ടൂറിസ്റ്റ് കേന്ദ്രത്തിൽ എത്തിക്കുന്നതിനായി കൊണ്ടുവരുന്ന വഴിയാണ് ഹരിപ്പാട് കെ.എസ്.ആർ.ടി.സി ബസ് സ്റ്റേഷന് സമീപം വെച്ച് രണ്ടുയുവാക്കളെ കസ്റ്റഡിയിൽ എടുത്തത്. ഒന്നര കോടി രൂപ വിലവരുന്ന 1950 ഗ്രാം ബ്രൗൺഷുഗറാണ് യുവാക്കളിൽ നിന്ന് പിടിച്ചെടുത്തത്. എക്സൈസ് സംഘം നടത്തിയ മിന്നൽ പരിശോധനയിലാണ് സംഘം കുടുംങ്ങിയത് കഴിഞ്ഞ ഒന്നര മാസമായി ഇതേസംഘം ആലപ്പുയിലെ ലോഡ്ജിൽ താമസിച്ച് മയക്കമരുന്ന് കടത്തുന്നത് പരിശോധനാസംഘം നിരീക്ഷിച്ചു വരുകയായിരുന്നു.
വിദ്യാലയങ്ങൾ, ആരാധനാലയങ്ങളുടെ പരിസരം, ബീച്ചുകൾ, ടൂറിസ്റ്റ് കേന്ദ്രങ്ങൾ എന്നിവടങ്ങൾ കേന്ദ്രീകരിച്ചാണ് ലഹരി ഉത്പന്നങ്ങൾ വില്പന നടത്തുന്നത്. കഴിഞ്ഞ രണ്ടാഴ്ചക്കുള്ളിൽ ജില്ലയിൽ നർക്കോട്ടിക് വിഭാഗം 65കേസുകൾ രജിസ്റ്റർ ചെയ്തു. കഞ്ചാവ്, പാൻപരാഗ്, ലഹരി അങ്ങിയ പുകയില ഉത്പന്നങ്ങൾ, മയക്കുമരുന്ന്, ബ്രൗൺഷുഗർ എന്നീ ഇനങ്ങളിൽ പെട്ട ലഹരി വസ്തുക്കളും സ്പിരിറ്റുമാണ് എത്തുന്നത്. ഉന്നത രാഷ്ട്രീയ ബന്ധമുള്ള സംഘമാണ് ഇതിന് പിന്നിലുള്ളത്. ഇത് പലപ്പോഴും കേസ് അന്വേഷണത്തെ കാര്യമായി ബാധിക്കാറുണ്ട്.

പ്രതികൾ പലപ്പോഴും കാണാമറയത്ത്

ആറു മാസത്തിനിടെ ആലപ്പുഴ റെയിൽവേ സ്‌റ്റേഷൻ വഴി ജില്ലയിലേക്ക് 2700 കിലോ ലഹരി ഉൽപന്നങ്ങളാണ് കടത്തിയത്. ജില്ലയിൽ വിതരണം ചെയ്യാൻ എത്തിച്ച 450 കിലോ ലഹരി ഉൽപന്നങ്ങളാണ് റെയിൽവേ സംരക്ഷണ പൊലീസ് പിടികൂടിയത്. സംഭവത്തിൽ ഒരു പ്രതിയെ പോലും ഇതുവരെ പിടികൂടാൻ സാധിച്ചിട്ടില്ല.
മറ്റ് സംസ്ഥാനങ്ങളിൽ നിന്നു വരുന്ന ട്രെയിനിലാണ് ലഹരി ഉൽപന്നങ്ങൾ ആലപ്പുഴ ജില്ലയിലേക്ക് കടത്തുന്നത്. ട്രെയിനിൽ പാഴ്‌സലായി കടത്തിയ അഞ്ച് ലക്ഷം രൂപ വിലവരുന്ന പുകയില ഉൾപന്നങ്ങൾ രണ്ടാഴ്ച മുമ്പ് ആലപ്പുഴ റയിൽവേ സ്‌റ്റേഷനിൽ റയിൽവേ സംരക്ഷണസേന പിടികൂടി. ചെന്നൈയിൽ നിന്ന് ആലപ്പുഴയിലേക്ക് കടത്തിയ 407 കിലോ പുകയില ഉൾപ്പന്നങ്ങളാണ് ട്രെയിനിൽ നിന്ന് നേരത്തെ കണ്ടെത്തിയത്. അതിനു പിന്നാലെയാണ് അമൃത്‌സർ-കൊച്ചുവേളി എക്‌സ്പ്റസിൽ നിന്ന് 450 കിലോ പുകയില ഉൽപ്പന്നങ്ങൾ പിടികൂടിയത്. അമ്പാലയിൽ നിന്ന് ആലപ്പുഴയിലേക്ക് കയറ്റി അയച്ചതായിരുന്നു ലഹരി ഉൽപന്നങ്ങൾ. ട്രെയിനിന്റെ പാഴ്‌സൽ ബോഗിയിൽ റയിൽവേ സംരക്ഷണസേന നടത്തിയ പരിശോധനയിലാണ് ഉൽപന്നങ്ങൾ കണ്ടെത്തിയത്. ലഹരി ഉൽപന്നങ്ങളുടെ ദുർഗന്ധം വമിച്ചതിനെ തുടർന്നായിരുന്നു റെയിൽവേ സംരക്ഷണസേനയുടെ പരിശോധന. ആലപ്പുഴ റെയിൽവേ സി.ഐ സാബു ജേക്കബിന്റെ നേതൃത്വത്തിലായിരുന്നു പരിശോധന.
വൻതോതിൽ ലഹരി ഉൽപന്നങ്ങൾ പിടികൂടിയെങ്കിലും ഇവയുടെ ഉറവിടത്തേപ്പറ്റിയോ കൊണ്ടുവന്നവരേക്കുറിച്ചോ യാതൊരു വിവരവുമില്ലാതെ വലയുകയാണ് പൊലീസും ആർ.പി.എഫും.

സിഗരറ്റിന്റെയും മറ്റു പുകയില ഉൽപന്നങ്ങളുടെയും നിയന്ത്റണവും നിരോധനവും ലക്ഷ്യമിട്ട് കേന്ദ്രസർക്കാർ നിയമം ആവിഷ്‌കരിച്ചിട്ടുണ്ടെങ്കിലും ഫലപ്രദമായി ഈ നിയമം നടപ്പിലാക്കിയിട്ടില്ല.

പരിശോധനക്ക് പ്രത്യേക സംഘം

ലഹരി വസ്തുക്കൾ വില്ക്കുന്നവരെ കണ്ടെത്താൻ ജില്ലയിലെ എല്ലാ പൊലീസ് സ്റ്റേഷനിലും ഒരു അഡീഷണൽ എസ്.ഐയും ഒന്നുവീതം വനിത, പുരുഷ സിവിൽ പൊലീസ് ഓഫീസറും ഉൾപ്പെട്ട സ്ക്വാഡിനെ നിയോഗിച്ചിട്ടുണ്ടെന്ന് നർക്കോട്ടിക് സെൽ ഡിവൈ.എസ്.പി പറഞ്ഞു. വിദ്യാലയങ്ങൾ കേന്ദ്രീകരിച്ച് നടത്തിയ പരിശോധനകളിൽ 65 കേസുകൾ രജിസ്റ്റർ ചെയ്തിട്ടുണ്ട്. കഞ്ചാവ് ഉൾപ്പെടെയുള്ള മയക്കു മരുന്നുകൾ കണ്ടെത്തുമ്പോൾ മതിയായ തെളിവുകൾ പലപ്പോഴും കിട്ടാതെ വരുന്നതോടെ പ്രതികൾ രക്ഷപ്പെടുന്ന സാഹചര്യമാണ് നിലവിലുള്ളത്. ലഹരിഉത്പന്നങ്ങൾ വില്പന നടത്തുന്നവർ പിടിക്കപ്പെട്ടാൽ 20വർഷം വരെ ശിക്ഷ ലഭിക്കാം.

ആരോഗ്യമന്ത്രി കാണുന്നില്ലേ ഈ ആശുപത്രിയുടെ അവശത?

മല്ലപ്പള്ളി: അവശതകളുടെ കണക്ക് നിരത്താനായി മാത്രം ഒരു താലൂക്ക് ആശുപത്രി. ഒരുകാലത്ത് ജനങ്ങൾ ഏറെ ആശ്രയിച്ചിരുന്ന ആതുരാലയം ഇപ്പോൾ പേരിൽ മാത്രം ഒതുങ്ങുന്നു. സംസ്ഥാനത്ത് ഒട്ടാകെയുള്ള താലൂക്ക് ആശുപത്രികളിൽ നേട്ടങ്ങളുടെ പട്ടിക താഴെ നിന്ന് എണ്ണിയാൽപോലും അതിലും താഴെയാണ് വികസന കാര്യത്തിൽ ഈ ആശുപത്രിക്കുള്ളത്. ശരാശരി മലയാളിയുടെ ആരോഗ്യംപോലുമില്ലാത്ത അവസ്ഥയിൽ ഒരു ആശുപത്രി എത്തിയിട്ടും തിരിഞ്ഞുനോക്കാൻ ആരുമില്ലെന്നതാണ് ഏറ്റവും പരിതാപകരം.

പദവി ഉയർത്തപ്പട്ടപ്പോൾ

അധോഗതിയിലായിപ്പോയതാണ് ഇവിടുത്തെ ആശുപത്രിയെന്ന് നാട്ടുകാർ ഉറപ്പിച്ചു പറയുന്നു. മൂന്ന് പതിറ്റാണ്ട് മുൻപ് സർക്കാർ മല്ലപ്പള്ളിയെ താലൂക്കായി പ്രഖ്യാപിച്ചു. പിന്നീട് സ്വഭാവികമായി ഉണ്ടായ പരിണാമത്തിൽ പ്രാഥമിക ആരോഗ്യകേന്ദ്രം എന്നത് താലൂക്ക് ആശുപത്രിയായി. അടിസ്ഥാനപരമായി യാതൊരു മാറ്റങ്ങളും വരുത്താതെ ബോർഡിൽ മാത്രം താലൂക്ക് ആശുപത്രി എന്ന് എഴുതുകയായിരുന്നു. ആ ഗതികേട് ഇപ്പോഴും മാറിയിട്ടില്ല. താലൂക്ക് ആശുപത്രിയുടെ സ്റ്റാഫ് പാറ്റേൺ ഇവിടെ നടപ്പിലാക്കിയിട്ടില്ല. അടിയന്തിര ചികിത്സയില്ല, ആംബുലൻസില്ല, വികസന പ്രവർത്തനങ്ങൾ ഒന്നുമില്ല. എങ്കിലും ഇടതു വലതു ആരോഗ്യ മന്ത്രിമാരും എം.പി.മാരും എം.എൽ.എമാരും നിരവധി തവണ ഇവിടെയെത്തി ഉദ്ഘാടനചടങ്ങുകളും പാഴ്പ്രഖ്യാപനങ്ങളും നടത്തിയതിന് കണക്കില്ല.

അൻപതുകളിൽ തു‌ടക്കം

അൻപതുകളിൽ സൗജന്യമായി ലഭിച്ച മൂന്ന് ഏക്കർ ഭൂമിയിൽ ആരംഭിച്ച ആശുപത്രി കോട്ടയം, പത്തനംതിട്ട ജില്ലകളിലുള്ളവർക്ക് ഒരുകാലത്ത് ആതുരരംഗത്തെ അഭയകേന്ദ്രമായിരുന്നു. കിടത്തിചികിത്സക്ക് വിപുലമായ സംവിധാനങ്ങളാണ് അക്കാലത്ത് ഇവിടെയുണ്ടായിരുന്നത്. അത്യാഹിത ചികിത്സക്കും പ്രസവത്തിനും പോസ്റ്റ്‌മോർട്ടത്തിനും അടക്കമുള്ള സംവിധാനങ്ങൾ ഇവിടെ ഉണ്ടായിരുന്നു. കാലാന്തരത്തിൽ അടിസ്ഥാന സൗകര്യങ്ങൾ കുറഞ്ഞുവന്നു. അതോടെ ഈ ആശുപത്രിയെ ജനം ആശ്രയിക്കാതായി.

കുറെക്കാലം പേരിന് മാത്രം നടന്നുവന്ന ആശുപത്രി പിന്നീട് ഒ.പി. സൗകര്യമുള്ള വെറും ക്ലിനിക്കായി മാറി. ഒ.പി.യും ഓഫീസും ഉച്ചവരെ. സന്ധ്യകഴിഞ്ഞാൽ സാമൂഹ്യവിരുദ്ധരുടെ താവളം എന്ന സ്ഥിതിയിലായി. ഇതിനിടെ ആശുപത്രിയുടെ നിലവാരം ഉയർത്തണമെന്ന് ആവശ്യപ്പെട്ട് ചില ചടങ്ങ് സമരങ്ങളും അരങ്ങേറി. താലൂക്ക് ആശുപത്രികളെ വികേന്ദ്രീകരണ ആസൂത്രണത്തിലുടെ ബ്ലോക്ക് പഞ്ചായത്തുകൾക്ക് നൽകിയതോടെ ഇവിടുത്തെ ജനങ്ങളുടെ പ്രതീക്ഷയ്ക്ക് നാമ്പുമുളച്ചെങ്കിലും അതു മുളയിലേ വാടുകയായിരുന്നു.

കറന്റില്ല, വെള്ളമില്ല, വഴിയുമില്ല

വല്ലപ്പോഴുമെത്തുന്ന വൈദ്യുതിക്ക് വോൾട്ടേജില്ല, കാറ്റടിച്ചാൽ ഉള്ള കറന്റുംപോകും, പിന്നീട് എപ്പോഴെങ്കിലും എത്തിയാലായി. താലൂക്ക് വികസന സമിതിയിൽ എം.എൽ.എ ഒരു ട്രാൻസ്‌ഫോമർ നൽകുമെന്ന് കഴിഞ്ഞ ദിവസം വാഗ്ദാനം നൽകി.
സ്വന്തമായി കിണറില്ല, ഉണ്ടായിരുന്ന കിണർ പുതിയ കെട്ടിടം നിർമ്മിക്കുന്നതിനായി നികത്തി. പഞ്ചായത്ത് കിണറിൽ നിന്നും മല്ലപ്പള്ളി കുടിവെള്ള പദ്ധതിയിൽ നിന്നും വല്ലപ്പോഴും ലഭിക്കുന്ന കുടിവെള്ളമാണ് ഇപ്പോഴുള്ള ആശ്രയം.
പൊതുമരാമത്ത് റോഡിൽ നിന്നും ആശുപത്രിയുടെ പ്രവേശനകവാടം വരെയുള്ള കയറ്റത്തിൽ പണ്ട് ടാർ റോഡായിരുന്നെന്ന് പറയപ്പെടുന്നു. ഇപ്പോൾ കുഴികൾ താണ്ടി ആശുപത്രിയിൽ എത്തുമ്പോഴേക്കും രോഗം ഇരട്ടിക്കും.
എം.പി.മാരുടെയും എം.എൽ.എ മാരുടേയും തദ്ദേശ സ്വയം ഭരണ സ്ഥാപനങ്ങളുടെയും മറ്റും പേരെഴുതിവച്ച ആംബുലൻസുകൾ ഇതുവഴി പായുമ്പോൾ നെടുവീർപ്പിടാനേ മല്ലപ്പള്ളിക്കാർക്ക് കഴിയൂ.
ദിവസവേതനക്കാരെ വെച്ച് നടത്തുന്ന എക്‌സറേ യൂണിറ്റ് വല്ലപ്പോഴും പ്രവർത്തിക്കും. യൂണിറ്റ് ഇവിടെ നിന്ന് മാറ്റുവാനുള്ള ശ്രമവും പലതവണ ഉണ്ടായി. ഓപ്പറേഷൻ തീയറ്ററിനായി എം.ജി.പി പദ്ധതി പ്രകാരം കെട്ടിടം പൂർത്തിയായി. ഇതിനിടെ വൈദ്യുതി ഷോർട്ട് സർക്യൂട്ട് സംഭവിച്ച് ഈ കെട്ടിടത്തിൽ അഗ്നിബാധയുണ്ടായി.

ദിവസവേതനക്കാരി ഉൾപ്പെടെ രണ്ട് ലാബ് ടെക്‌നീഷ്യൻമാരുണ്ടെങ്കിലും ചോർന്നൊലിക്കുന്ന കെട്ടിടത്തിൽ രോഗികൾക്ക് ആവശ്യമായ പരിശോധന നടത്താനാകുന്നില്ല.

ദന്തഡോക്ടറുണ്ട്, കൊടിലില്ല!

ആകെയുള്ള 9 ഡോക്ടർമാരുടെ തസ്തികയിൽ നാല് പേരാണ് നിലവിലുള്ളത്. ഇന്നലെ രണ്ട് ഡോക്ടർമാരാണ് ഒ.പി.യിലെത്തിയത്. ഇവരിൽ പലരും എൻ.ആർ.എച്ച്.എമ്മിൽ നിന്നുള്ളവരാണ്. ശരാശരി അഞ്ഞൂറിലധികം രോഗികളെയും കിടത്തി ചികിത്സയിലുള്ള രോഗികളെയും പരിചരിക്കുവാൻ ഡോക്ടർമാർ വിഷമിക്കുകയാണ്. സ്പെഷ്യാലിറ്റി ഡോക്ടർമാരുടെ സേവനപ്പട്ടികയിൽ ദന്തഡോക്ടർ ഉണ്ടെങ്കിലും പല്ലുപറിക്കാനുള്ള കൊടിലുപോലും ഇവിടെയില്ല.

ഐ.പി. വിഭാഗത്തിൽ എത്താറുണ്ടെങ്കിലും ഡോക്ടർമാരുടെ സേവനം 8 വരെ മാത്രമാണ്. ആർ.എം.ഒയുടെ ഒഴിവ് നികത്താത്തതുമൂലം നഴ്‌സുമാരുടെ പരിചരണത്തിൽ അപകടം സംഭവിക്കാൻ സാദ്ധ്യതയില്ലാത്ത രോഗികൾക്ക് മാത്രമാണ് ഇവിടെ കിടത്തി ചികിത്സ ലഭിക്കൂ.

ഇരുനൂറ് കിടക്കകളുള്ള ആശുപത്രി സംവിധാനം നിലവിലുണ്ടെങ്കിലും പല വാർഡുകളും പൂട്ടിയിരിക്കയാണ്. നഴ്‌സുമാരുടെയും മറ്റ് ജീവനക്കാരുടെയും കുറവാണ് വാർഡുകൾ പ്രവർത്തിക്കാതിക്കാൻ കാരണമെന്ന് പറയുമ്പോൾ ഒന്നര പതിറ്റാണ്ട് മുൻപ് സമർപ്പിച്ച ലിസ്റ്റ് ഇപ്പോഴും സർക്കാർ പരിഗണനയിൽ ഇരിക്കുന്നതേയുള്ളൂ എന്നാണ് ഔദ്യോഗിക ഭാഷ്യം.

സ്ത്രീകളുടെയും കുട്ടികളുടെയും
ആശുപത്രി നാടുവിട്ടു?

സംസ്ഥാനത്ത് പത്തനംതിട്ട, വയനാട് ജില്ലകൾക്ക് കേന്ദ്ര സർക്കാർ അനുവദിച്ച സ്ത്രീകളുടെയും കുട്ടികളുടെയും ആശുപത്രികളിൽ ഒരെണ്ണം മല്ലപ്പള്ളിയിൽ തുടങ്ങുവാനുള്ള പ്രാഥമിക നടപടികൾ പൂർത്തിയായിരുന്നു. ജില്ലയിലെ മറ്റ് താലൂക്ക് ആസ്ഥാനങ്ങളിലെല്ലാം സർക്കാരിന്റെ ഉടമസ്ഥതയിലുള്ള ആശുപത്രികൾ ഉണ്ടെന്നിരിക്കെ പ്രഥമ പരിഗണന മല്ലപ്പള്ളിക്ക് നൽകുമെന്ന് ജില്ലാ പഞ്ചായത്ത് ഭാരവാഹികളും ജില്ലാ മെഡിക്കൽ ഓഫീസറും പരിശോധനാവേളയിൽ ഇവിടുത്തെ ജനപ്രതിനിധികൾക്കും മറ്റുള്ളവർക്കും ഉറപ്പ് നൽകിയിരുന്നു. എന്നാൽ സംസ്ഥാനതലത്തിലുള്ള ആലോചനയുടെ ഭാഗമായി ഇത് കോന്നിയിലേക്ക് മാറ്റുവാനുള്ള നീക്കം സജീവമാണെന്ന് പറയപ്പെടുന്നു.

കാവിമുണ്ടുടുക്കാത്ത സന്ന്യാസി

കാവിമുണ്ടുടുക്കാതെയും യോഗദണ്ഡ് കൈയിലേന്താതെയും സന്ന്യാസിയായി ജീവിച്ച സാമൂഹിക വിപ്ലവകാരിയായിരുന്നു ചട്ടമ്പിസ്വാമികൾ. വേദത്തിന്റെ കുത്തകാധികാരത്തെയും സാമൂഹികമായ ഉച്ചനീചത്വങ്ങളെയും അദ്ദേഹം വെല്ലുവിളിച്ചു. ധർമാധർമങ്ങൾ തിരിച്ചറിയാനുള്ള ഉപാധിയാണ് വേദമെങ്കിൽ ജിജ്ഞാസുവായ ഏതൊരാൾക്കും അത് പഠിക്കാൻ അർഹതയുണ്ടെന്നായിരുന്നു സ്വാമിയുടെ വാദം.

ഋഷി, ജ്ഞാനി, ആത്മീയാചാര്യൻ എന്നിങ്ങനെ എത്ര വിശേഷണങ്ങളിലും ഒതുക്കാനാവാത്തതായിരുന്നു ചട്ടമ്പിസ്വാമികളുടെ വ്യക്തിത്വം. അദ്ദേഹത്തിന്റെ അന്വേഷണബുദ്ധി ചെന്നെത്താത്ത വൈജ്ഞാനിക മേഖലകളില്ല. വേദാന്തം, തർക്കം, തന്ത്രവിദ്യ എന്നിവയിൽ മാത്രമല്ല സംഗീതം, ചിത്രരചന, പാചകം എന്നിവയിലും അദ്ദേഹം ഗവേഷണം നടത്തി.

രാജ്യചരിത്രം, സ്ഥലചരിത്രം, നരവംശചരിത്രം, ഭൂമിശാസ്ത്രം, ജ്യോതിശ്ശാസ്ത്രം, ശരീരശാസ്ത്രം, വൈദ്യശാസ്ത്രം, പരിസ്ഥിതിവിജ്ഞാനം തുടങ്ങി സകല കലകളിലും വിജ്ഞാനശാഖകളിലും അദ്ദേഹം ആഴത്തിലുള്ള അറിവുകൾ നേടി.

പരമ്പരാഗതമായ പല ധാരണകളെയും ശാസ്ത്രീയമായ യുക്തിയിലൂടെ അദ്ദേഹം തിരുത്തിക്കുറിച്ചു. 1913-ൽ പ്രസിദ്ധീകരിച്ച ’പ്രാചീനമലയാളം’ എന്ന കൃതിതന്നെ ചരിത്രഗവേഷണരംഗത്ത് വിസ്ഫോടനം സൃഷ്ടിച്ചിരുന്നു. കേരളോത്‌പത്തി സംബന്ധിച്ച പരശുരാമകഥയാണ് അദ്ദേഹം തിരുത്തിക്കുറിച്ചത്. വേദങ്ങളുടെ കുത്തക പൊളിച്ചെഴുതിയ വേദാധികാരനിരൂപണം എന്ന ഗവേഷണപ്രബന്ധം വായിച്ചുകേട്ട നടരാജഗുരു അദ്‌ഭുതംകൂറിയത് ഇതെഴുതിയ കടലാസിന് തീ പിടിച്ചില്ലല്ലോ എന്നാണ്.

മനുഷ്യൻ ഒരു ജാതിയാണെന്നായിരുന്നു അദ്ദേഹത്തിന്റെ ആദർശം. ജാതിവ്യവസ്ഥയ്ക്കും ഉച്ചനീചത്വത്തിനും അനാചാരങ്ങൾക്കുമെതിരേ അദ്ദേഹം ആഞ്ഞടിച്ചു. അന്നത്തെ സമ്പ്രദായപ്രകാരം ജാതീയമായി താഴേക്കിടയിലുള്ളവരായി പരിഗണിക്കപ്പെട്ടിരുന്നവരെ തൊട്ടുണ്ണുന്നതിന് അദ്ദേഹം മടിച്ചിരുന്നില്ല.

സമസ്ത ജീവജാലങ്ങളെയും സമഭാവനയോടെ കണ്ടിരുന്ന സ്വാമികളെ ഉറുമ്പുകൾവന്നുപൊതിഞ്ഞിരുന്നു. തവളകളും എലികളും പാമ്പുകളുമൊക്കെ അദ്ദേഹത്തിന് തോഴന്മാരായിരുന്നു. 1892-ൽ എറണാകുളത്തുവെച്ച് കണ്ടപ്പോൾ സ്വാമി വിവേകാനന്ദന് ചിന്മുദ്രയെക്കുറിച്ച് സംശയനിവൃത്തി വരുത്തിയത് ചട്ടമ്പിസ്വാമികളാണ്. വിവേകാനന്ദൻ ചട്ടമ്പിസ്വാമികളെക്കുറിച്ച് ’ഞാൻ കേരളത്തിൽ ഒരു സവിശേഷ സന്ന്യാസിയെക്കണ്ടു’ എന്നാണ് പിന്നീട് രേഖപ്പെടുത്തിയത്.

സംസ്കാരം കാത്ത് അകാലത്തിൽ മൃതിയടഞ്ഞ ഇലക്ട്രിക് ക്രിമറ്റോറിയം നിർമ്മാണത്തിന് കരാർ നൽകിയതിൽ വൻ ക്രമക്കേട്

@ഫണ്ടിൽ നിന്ന് ലക്ഷങ്ങൾ പറ്റിച്ച് നിർമ്മാണ കമ്പനി മുങ്ങി

കൊല്ലം: പോളയത്തോട് ശ്മശാനത്തിൽ നിർമ്മിച്ച
ഇലക്ട്രിക് ക്രിമറ്റോറിയത്തിന്റെ ചില അവശിഷ്ടങ്ങൾ  ഇന്ന്  സംസ്കാരം കാത്തുകിടക്കുകയാണ്. കമ്മീഷൻ ലക്ഷ്യമിട്ട് അന്നത്തെ നഗരഭരണക്കാർ കടലാസ് കമ്പനിക്ക് നിർമ്മാണ കരാർ നൽകിയതും ആചാരങ്ങൾ മനസിലാക്കാതെ കെട്ടിടം നിർമ്മിച്ചതുമാണ് ഇലക്ട്രിക് ക്രിമറ്റോറിയം ഉപയോഗമില്ലാതായത്.
വൻ  ക്രമക്കേടുകൾ ചൂണ്ടികാട്ടുന്നതാണ്  ഇലക്ട്രിക് ക്രിമറ്റോറിയത്തിന്റെ ചരിത്രം. 40 ലക്ഷം രൂപയുടെ എസ്റ്റിമേറ്റാണ് 1994 ൽ ഇലക്ട്രിക് ക്രിമറ്റോറിയത്തിനായി പദ്ധതി തയ്യാറാക്കിയത്. പദ്ധതിക്കായി അന്ന് കേന്ദ്രമന്ത്രിയായിരുന്ന എസ്. കൃഷ്ണകുമാറും തെന്നല ബാലകൃഷ്ണപിള്ളയും എം.പി ഫണ്ടിൽ നിന്ന് പത്ത് ലക്ഷം രൂപ വീതം നൽകി. ശേഷിക്കുന്ന തുക നഗരസഭയുടെ തനത് ഫണ്ടിൽ നിന്ന് വകയിരുത്തി.

1996ൽ ടെണ്ടർ നടപടികൾ തുടങ്ങി. കെട്ടിട നിർമ്മാണം സർക്കാർ ഏജൻസിയായ നിർമ്മിതിക്ക് നൽകി. വൈദ്യുതി ഫർണസ് സ്ഥാപിക്കാൻ താല്പര്യപത്രം നൽകിയ കമ്പനികളിൽ നിന്ന് മികച്ചതിനെ തിരഞ്ഞെടുക്കാൻ വിദഗ്ദ്ധ സമിതിയെ ചുമതലപ്പെടുത്തി. ഈ സമിതി ശുപാർശ ചെയ്ത ബോംബെ തെർമൽ പ്രോജക്ട് എന്ന സ്ഥാപനത്തെ അവഗണിച്ച് കൊൽക്കത്ത ആസ്ഥാനമായ ട്രൂ വോൾട്ട് എന്ന കടലാസ് കമ്പനിക്ക് നഗരസഭ കരാർ നൽകുകയായിരുന്നുവെന്ന് ഓഡിറ്റ് റിപ്പോർട്ട് പറയുന്നു.

കരാർ സാധൂകരിക്കാൻ ട്രൂ വോൾട്ട് കമ്പനി നിർമ്മിച്ച ക്രിമറ്റോറിയങ്ങൾ സന്ദർശിച്ച് വിലിയിരുത്താൻ നഗരസഭ ജലസേചന വകുപ്പ് ചീഫ് എൻജിനിയറെ ചുമതലപ്പെടുത്തി. അദ്ദേഹം വാക്കാൽ നൽകിയ റിപ്പോർട്ടിന്റെ അടിസ്ഥാനത്തിൽ കരാർ ഒപ്പിടുകയായിരുന്നു. ഇതിനിടെ അന്ന് മന്ത്രിയായിരുന്ന ബാബു ദിവാകരൻ കൊൽക്കത്ത സന്ദർശനത്തിനിടെ ട്രൂ വോൾട്ട് കമ്പനിക്കായി തിരച്ചിൽ നടത്തിയെങ്കിലും പൊടിപോലും കണ്ടെത്താനായില്ല.

കമ്പനിയെക്കുറിച്ച് സംശയം ഉയർന്നതോടെ ബാങ്ക് ഗാരണ്ടി വാങ്ങിയിട്ടേ മുൻകൂർ തുക നൽകാവൂ എന്ന് നഗരസഭാ കൗൺസിൽ തീരുമാനിച്ചു. എന്നാൽ ഇതിന് വിരുദ്ധമായി 10 ലക്ഷം രൂപ മുൻകൂർ നൽകി. ആദ്യഘട്ടമായി ചില ഉപകരണങ്ങൾ സ്ഥാപിച്ച ശേഷം നാല് ലക്ഷം രൂപ കൂടി വാങ്ങിയെടുത്ത് വൈദ്യുത ഫർണസ് സ്ഥാപിച്ചെങ്കിലും പ്രവർത്തന സജ്ജമാക്കാതെ കമ്പനി മുങ്ങി. ക​മ്പ​നി​ ​മു​ങ്ങി​യ​തി​ന് ​ശേ​ഷ​മാ​ണ് ​​​കെ​​​ട്ടി​​​ട​​​ ​​​നി​​​ർ​​​മ്മാ​​​ണ​​​ത്തി​​​ലെ​​​ ​​​അ​​​പാ​​​ക​​​ത​​​ ​​​ക​​​ണ്ടെ​​​ത്തി​​​യ​​​ത്.​​​ ​​​ഹൈ​​​ന്ദ​​​വാ​​​ചാ​​​ര​​​ ​​​പ്ര​​​കാ​​​രം​​​ ​​​തെ​​​ക്ക് ​​​വ​​​ട​​​ക്ക് ​​​മൃ​​​ത​​​ദേ​​​ഹം​​​ ​​​കി​​​ട​​​ത്തി​​​യാ​​​ണ് ​​​ദ​​​ഹി​​​പ്പി​​​ക്കേ​​​ണ്ട​​​ത്.​​​ ​​​എ​​​ന്നാ​​​ൽ​​​ ​​​കി​​​ഴ​​​ക്ക് ​​​പ​​​ടി​​​ഞ്ഞാ​​​റാ​​​യാ​​​ണ് ​​​ഫ​​​ർ​​​ണ​​​സ് ​​​സ്ഥാ​​​പി​​​ച്ച​​​ത്.​​​ ​​​നി​​​ർ​​​മ്മി​​​തി​​​ ​​​കി​​​ഴ​​​ക്ക് ​​​പ​​​ടി​​​ഞ്ഞാ​​​റ് ​​​ഫ​​​ർ​​​ണ​​​സ് ​​​സ്ഥാ​​​പി​​​ക്കാ​​​നു​​​ള്ള​​​ ​​​സൗ​​​ക​​​ര്യ​​​മാ​​​ണ് ​​​സ​​​ജ്ജ​​​മാ​​​ക്കി​​​യി​​​രു​​​ന്ന​​​ത്.​​​ ​​​നി​​​ർ​​​മ്മി​​​തി​​​ക്കും​​​ ​​​ന​​​ഗ​​​ര​​​സ​​​ഭ​​​യ്ക്കു​​​മെ​​​തി​​​രെ​​​ ​​​പ്ര​​​തി​​​ഷേ​​​ധം​​​ ​​​ക​​​ന​​​ത്ത​​​തോ​​​ട​​​ ​​​ന​​​ഗ​​​ര​​​സ​​​ഭാ​​​ധി​​​കൃ​​​ത​​​ർ​​​ ​​​പ​​​റ്റി​​​യ​​​ ​​​അ​​​ബ​​​ദ്ധ​​​ത്തി​​​ൽ​​​ ​​​നി​​​ന്ന് ​​​ത​​​ല​​​യൂ​​​രാ​​​നു​​​ള്ള​​​ ​​​ശ്ര​​​മ​​​ത്തി​​​ലാ​​​യി.​​​ ​​​ഇ​​​തി​​​നി​​​ടെ​​​ ​​​ഇ​​​ന്നേ​​​വ​​​രെ​​​ ​​​ല​​​ക്ഷ​​​ങ്ങ​​​ൾ​​​ ​​​കൈ​​​പ്പ​​​റ്റി​​​ ​​​മു​​​ങ്ങി​​​യ​​​ ​​​ട്രൂ​​​ ​​​വോ​​​ൾ​​​ട്ട് ​​​ക​​​മ്പ​​​നി​​​യെ​​​ ​​​ആ​​​രും​​​ ​​​തി​​​ര​​​ഞ്ഞി​​​ല്ല.​​​ ​​​ക​​​മ്പ​​​നി​​​ ​​​വൈ​​​ദ്യു​​​തി​​​ ​​​ക്രി​​​മ​​​റ്റോ​​​റി​​​യ​​​ത്തി​​​നാ​​​യി​​​ ​​​എ​​​ത്തി​​​ച്ച​​​ ​​​ചി​​​ല​​​ ​​​സാ​​​മ​​​ഗ്രി​​​ക​​​ളാ​​​ക​​​ട്ടെ​​​ ​​​ടൗ​​​ൺ​​​ഹാ​​​ൾ​​​ ​​​വ​​​ള​​​പ്പി​​​ൽ​​​ക്കി​​​ട​​​ന്ന് ​​​ഇ​​​പ്പോ​​​ഴും​​​ ​​​ദ്ര​​​വി​​​ക്കു​​​ക​​​യാ​​​ണ്.

പോളയത്തോട് ഇലക്ട്രിക് ക്രിമറ്റോറിയം

01.

02.

03. എം.പി ഫണ്ടിൽ നിന്ന്: 20 ലക്ഷം

04. ബാക്കി തുക: നഗരസഭയുടേത്

05. ടെണ്ടർ നടപടികൾ: 1996ൽ

06. കരാർ: ട്രൂ വോൾട്ട് എന്ന കമ്പനിക്ക്

പാഴായ ലക്ഷങ്ങൾ

01. രണ്ട് നില കെട്ടിടം 17 ലക്ഷം

02. ഇലക്ട്രിക് ഫർണസ് 14 ലക്ഷം

03, കെട്ടിടത്തിന്റെ ഘടന മാറ്റാൻ 13 ലക്ഷം

ഓണകാലമായി വില നിയന്ത്രിക്കാന്‍ നടപടി വേണം

ഓണകാലമായി  വില നിയന്ത്രിക്കാന്‍ നടപടി വേണം

@വിലകുതിയ്ക്കുന്നു സർക്കാർ നോക്ക് കുത്തി
@വില നിയന്ത്രിക്കാന്‍ നടപടി വേണം

ചാത്തന്നൂർ: നിത്യോപയോഗ വസ്തുക്കളുടെ വിലക്കയറ്റം കൊണ്ട് ജനങ്ങള്‍ വലയാന്‍ തുടങ്ങിയിട്ട് ഏറെക്കാലമായി. ഇതിന് പരിഹാരം കാണാന്‍ ആര്‍ജവത്തോടെയുള്ള ശ്രമം സംസ്ഥാന ഭരണാധികാരികളില്‍ നിന്നുണ്ടാവുന്നില്ല  ജനങ്ങളുടെ എല്ലാ കണക്കുകൂട്ടലുകളും തകിടം മറിക്കുംവിധം വില ഉയര്‍ന്നാലുള്ള സ്ഥിതി ഊഹിക്കാവുന്നതേയുള്ളൂ. കാര്‍ഷിക മേഖലയിലെ പ്രശ്‌നങ്ങള്‍, സംഭരണത്തിലെയും വിതരണത്തിലെയും പോരായ്മകള്‍, ഇടത്തട്ടുകാരുടെ ചൂഷണം, എന്നിവയ്‌ക്കൊപ്പം
സംസ്ഥാന സര്‍ക്കാറിന്റെ നയവൈകല്യങ്ങളും വിലക്കയറ്റത്തിന് കാരണമാകുന്നുണ്ട്. ഉപ്പ് തൊട്ട് കർപ്പൂരം വരെയുള്ള  നിത്യോപയോഗ സാധനങ്ങൾക്ക് പ്രളയസെസ് കൂടി ഏർപെടുത്തിയതോടെ സാധനങ്ങൾക്ക്
വിലയും  ഉയരാനിടയാക്കി. പ്രളയസെസ് ഏറ്റവും കൂടുതൽ ബാധിച്ചത് അടിത്തട്ടിലാണ്. പ്രധാനമായും റീട്ടയിൽ രംഗത്ത് മൊത്തകച്ചവടക്കാർ വില കൂട്ടി ആ നികുതി താഴെ കിടയിൽ നിന്നും ജനങ്ങളിൽ നിന്നും ഈടാക്കുകയാണ്.
ഒപ്പം സാധനങ്ങൾക്ക് വില കുതിച്ചു കയറുകയാണ്.
വിലക്കയറ്റം സ്വാഭാവികമാണ് എന്ന മനോഭാവത്തോടെയാണ് സംസ്ഥാന ഭരണാധികാരികള്‍ നീങ്ങുന്നത്. ഉപഭോക്തൃ സംസ്ഥാനമായതിനാല്‍ കേരളം വിലക്കയറ്റത്തിന്റെ കെടുതികള്‍ കൂടുതലായി അനുഭവിക്കേണ്ടിവരുന്നു. അതുകൊണ്ടുതന്നെ ഈ പ്രശ്‌നം ഗൗരവമായി കാണാന്‍ സംസ്ഥാനസര്‍ക്കാരിന് കഴിയണം. വിപണിയില്‍ സര്‍ക്കാര്‍ കൂടുതലായി ഇടപെട്ടാലേ ജനങ്ങള്‍ക്ക് കുറച്ചെങ്കിലും ആശ്വാസം ലഭിക്കൂ. വിലക്കയറ്റം തടയാനും ഭക്ഷ്യവസ്തുക്കള്‍ അര്‍ഹമായ തോതില്‍ എല്ലാവര്‍ക്കും എല്ലായിടത്തും ലഭ്യമാക്കാനുമുള്ള ഏറ്റവും ഫലപ്രദമായ വഴി പൊതുവിതരണ സമ്പ്രദായം ശക്തമാക്കലാണ്. താരതമ്യേന മെച്ചപ്പെട്ട പൊതുവിതരണ സമ്പ്രദായമാണ് കേരളത്തിലുള്ളതെങ്കിലും അതിന്റെ സാധ്യതകള്‍ പരമാവധി പ്രയോജനപ്പെടുത്താന്‍ കഴിയുന്നില്ല. ഈ സംവിധാനത്തിനു കീഴിലുള്ള വിപണനകേന്ദ്രങ്ങളുടെ പ്രവര്‍ത്തനം കൂടുതല്‍ വിപുലവും കാര്യക്ഷമവുമാക്കണം.  അവശ്യസാധനങ്ങളില്‍ പലതും വിപണനകേന്ദ്രങ്ങളില്‍ പലതിലും കിട്ടാറില്ലെന്നും പരാതിയുണ്ട്. ഇത്തരം പോരായ്മകള്‍ പരിഹരിക്കണം. പച്ചക്കറി, മത്സ്യം, മാംസം തുടങ്ങിയവയ്ക്കും വിപുലമായ വിതരണ സംവിധാനം അത്യാവശ്യമായിരിക്കുന്നു.
നിത്യോപയോഗ സാധനങ്ങള്‍ക്കു പുറമേ കഴിയുന്നത്ര ഇനങ്ങള്‍ പൊതുവിതരണ സമ്പ്രദായത്തിന് കീഴില്‍ കൊണ്ടുവരാന്‍ കഴിയണം. ഹോര്‍ട്ടികോര്‍പ്പ് വിചാരിച്ചാല്‍ സംസ്ഥാനത്തെങ്ങും പച്ചക്കറികള്‍ ന്യായമായ വിലയ്ക്ക് വിതരണം ചെയ്യാനാവും. കര്‍ഷകരില്‍ നിന്ന് നേരിട്ട് പച്ചക്കറി സംഭരിച്ച് വിതരണം ചെയ്യാനുള്ള പദ്ധതിക്ക് കൂടുതല്‍ പ്രാധാന്യം നല്‍കണം. കരിഞ്ചന്ത, പൂഴ്ത്തിവെയ്പ്, പൊതുവിതരണ സമ്പ്രദായത്തിന്റെ ദുരുപയോഗം തുടങ്ങിയവ തടഞ്ഞേ മതിയാകൂ. ഹോട്ടലുകളെ തരം തിരിച്ച് ഭക്ഷണ സാധനങ്ങളുടെ വില ഏകീകരിക്കുമെന്ന് സര്‍ക്കാര്‍ പറഞ്ഞിരുന്നുവെങ്കിലും തുടര്‍നടപടികള്‍ ഉണ്ടായില്ല. വിലവിവരപ്പട്ടിക പ്രദര്‍ശിപ്പിക്കാതിരിക്കുകയോ പട്ടികയില്‍ കാണിച്ചിരിക്കുന്നതിനേക്കാളേറെ വില ഈടാക്കുകയോ ചെയ്യുന്ന ഹോട്ടലുകളും കടകളും ഒട്ടേറെയുണ്ട്. കടകള്‍ക്കു മുന്നില്‍ സാധനങ്ങളുടെ വിലവിവരപ്പട്ടിക പ്രദര്‍ശിപ്പിക്കണമെന്ന ഹര്‍ജിയില്‍ ഹൈക്കോടതി ഉത്തരവ് വർഷങ്ങൾക്ക് മുൻപേ ഉള്ളതാണ്.
സര്‍ക്കാറിന്റെയും സഹകരണ സ്ഥാപനങ്ങളുടെയും കീഴിലുള്ള വിപണന കേന്ദ്രങ്ങളുടെ പ്രയോജനം ലഭിക്കാത്ത വലിയൊരു വിഭാഗം കേരളത്തിലുണ്ട്. ഓണകാലമായി  അവശ്യവസ്തുക്കളെങ്കിലും ചില്ലറവില്പന മേഖലയില്‍ എല്ലാവര്‍ക്കും മിതമായ വിലയ്ക്കു കിട്ടുന്ന സംവിധാനം ഉണ്ടാക്കിയാലേ പ്രശ്‌നത്തിന് പരിഹാരമാകൂ

ചാത്തന്നൂരില്‍ കള്ളനോട്ട് വ്യാപാരം വർദ്ധിക്കുന്നു

ചാത്തന്നൂര്‍ : അന്യസംസ്ഥാന തൊഴിലാളികൾക്ക് പറുദീസയായി മാറുകയാണ് ചാത്തന്നൂരും പരിസര പ്രദേശങ്ങളും . നിർമ്മാണമേഖലയിലും വ്യാപാര സ്ഥാപനങ്ങളിലും തൊഴിലെടുക്കാനായി എത്തുന്നത് ബീഹാര്‍ ഒറീസ്സ, ബംഗാൾ തുടങ്ങിയ സംസ്ഥാനങ്ങളിൽ നിന്നുള്ളവരാണ്.ഇതില്‍ കൂടുതലും ബംഗാള്‍ വഴി വരുന്ന ബംഗ്ലാദേശ് സ്വദേശികള്‍ ആണ് ഇടനിലക്കാർവഴി എത്തുന്ന ഇവരെ നിയമിക്കാൻ നിയമപരമായ ഒരു നടപടിയും സ്വീകരിക്കാറില്ല. അന്യസംസ്ഥാന തൊഴിലാളികളെ തൊഴിലെടുക്കാൻ നിയമിക്കുന്ന ഉടമ അവരുടെ പൂർണ വിവരങ്ങൾ സ്ഥലത്തുള്ള പൊലീസ് സ്റ്റേഷനിൽ രേഖപ്പെടുത്തണമെന്നാണ് നിർദ്ദേശം.
കൂടാതെ തൊഴിലാളിയുടെ ബ്ളഡ് ഗ്രൂപ്പ്, ഐഡന്റിറ്റി കാർഡ് തുടങ്ങിയവ സ്റ്റേഷനിൽ നൽകേണ്ടതാണ്. എന്നാൽ ആയിരത്തോളം അന്യസംസ്ഥാനക്കാർ പണിയെടുക്കുന്ന ചാത്തന്നൂരും പരവൂര്‍ നഗരത്തിലും ഇതര പ്രദേശങ്ങളിലുമായി പൊലീസ് സ്റ്റേഷനിലുള്ളത് നാമമാത്രമായവരുടെ പേരുകൾ മാത്രമാണ്.
വ്യാപാര സ്ഥാപനങ്ങളിൽ പണിയെടുക്കുന്ന അന്യസംസ്ഥാനക്കാരെക്കുറിച്ച് പൊലീസിന് യാതൊരു വിവരവുമില്ല. ഏജന്റുമാർ വഴി നൽകപ്പെടുന്ന തൊഴിലാളികളിൽ പലരും പ്രായപൂർത്തിയാകാത്തവരുമാണ്. ചുരുങ്ങിയ കാലയളവിലേക്ക് എത്തുന്ന ഇക്കൂട്ടർ നടത്തുന്ന അക്രമപ്രവർത്തനങ്ങൾ ഏറെ വലയ്ക്കുന്നതും പൊലീസിനെയാണ്. അക്രമം നടത്തിയ ഉടനേ ഏജന്റുമാർ മുഖേന സ്ഥലം വിടുന്ന ഇവരെക്കുറിച്ച് യാതൊരു വിവരവും പൊലീസിന് ലഭിക്കാറില്ല.ഇ അന്യദേശ തൊഴിലാളികളില്‍ നിന്നും നിരവധി തവണ കള്ളനോട്ടുകള്‍ പിടിച്ചെടുത്ത സംഭവങ്ങള്‍ ഉണ്ടായിട്ടുണ്ട്.
നിർമ്മാണ മേഖലയിൽ പണിയെടുക്കുന്ന തൊഴിലാളികൾ അവധിദിനങ്ങളിൽ മദ്യപിച്ച് അക്രമപ്രവർത്തനങ്ങളിൽ ഏർപ്പെടുന്നതും, കരാർ പണി കഴിയുന്നതോടെ ചുറ്റുപാടുകൾ മനസിലാക്കി വീടുകളിൽ കവർച്ച നടത്തി പോയ സംഭവവും ചാത്തന്നൂരിലും പരവൂരും നിരവധിയാണ്.ഇടയ്ക്കു ബാറില്‍ മദ്യപിച്ചത്തിനു ശേഷം പൈസ കൊടുത്തത് കള്ളനോട്ട് ആണ് എന്ന സംശയം കൊണ്ട് മാനേജര്‍ പോലീസിനെ വിളിച്ചത് കണ്ടു കൊണ്ട് ബാര്‍ തൊഴിലാളികളെ തള്ളിയിട്ട്‌ ഓടിയ സംഭവം ഇയടുത്താണ് നടന്നത്
സംസ്ഥാനത്തെ ഒരു പ്രമുഖ വിപ്ലവ പാര്‍ട്ടിയുടെ ലോക്കല്‍ നേതാക്കന്മാര്‍ പല കേസുകളിലും ഇവരെ സംര്ഷിക്കാന്‍ രംഗത്ത് വരുന്നതും ഇപ്പോള്‍ പോലീസ്സ്റ്റേഷനുകളിലെ സ്ഥിരം കാഴ്ചയാണ്

ചെങ്ങന്നൂർ ആയുർവേദ ആശുപത്രി രോഗശയ്യയിൽ
Posted on: Thursday, 13 March 2014

ചെങ്ങന്നൂർ: അറുപത് വർഷമായി വാടക കെട്ടിടത്തിൽ പ്രവർത്തിക്കുന്ന ആയുർവേദ ആശുപത്രി രോഗികളുടെ ജീവന് ഭീഷണിയായിരിക്കുന്നു. മഴപെയ്താൽ ചോർന്ന് ഒലിച്ച് ചെളിക്കുളമാകും. ഭിത്തികൾപൊട്ടിപ്പൊളിഞ്ഞും മേൽക്കൂര ചിതലരിച്ച് തകർച്ച ഭീഷണിയിലുമാണ്. രോഗികൾക്ക് കിടക്കാൻ കട്ടിലിന്റെ എണ്ണവും പരിമിതമാണ്. ആശുപത്രി പരിസരം കാടുപിടിച്ച് ഇഴജന്തുക്കളുടെ താവളമായി മാറിയിരിക്കുന്നു. വാടക കെട്ടിടമായതിനാൽ സർക്കാർ ആനുകൂല്യത്തിലുള്ള നിർമ്മാണ പ്രവർത്തനങ്ങൾ നട‌ക്കുന്നില്ല. പ്രധാനമായും വൈദ്യുതി മുടങ്ങിയാൽ രോഗികൾ കഷ്ടപ്പെട്ടത് തന്നെ. രോഗികൾക്ക് പ്രാഥമികാവശ്യങ്ങൾ നിറവേറ്റാനുള്ള സൗകര്യം പോലും ഇല്ല. വാടക പുതുക്കി നിശ്ചയിക്കാത്തതിനാൽ കെട്ടിട ഉടമസ്ഥന് ഇതിന്റെ അറ്റകുറ്റപ്പണികൾക്കും തയ്യാറാവുന്നില്ല. കൂടാതെ കെട്ടിടം ഒഴിഞ്ഞുതരണമെന്ന ആവശ്യവും ഉയർന്നിട്ടുണ്ട്. ഇവിടെയുള്ള ഫിസിയോതെറാപ്പിസ്റ്റിന്റെ ഒഴിവ് ഇതുവരെ നികത്തിയിട്ടില്ല. മുമ്പ് രണ്ട് ഫിസിയോതെറാപ്പിസ്റ്റുകൾ ഉണ്ടായിരുന്നെങ്കിലും നാഷണൽ റൂറൽഹെൽത്ത് മിഷന്റെ ഫണ്ടിൽ നിന്നും ശമ്പളം കൊടുക്കാത്തതിനാൽ ഇവർ പിരിഞ്ഞുപോയി. പുരുഷൻമാരായ രോഗികളെ തിരുമ്മാനോ കിഴിയിടാനോ പുരുഷ ജോലിക്കാർ ഇല്ലാത്തതിനാൽ ഇവർക്ക് ചികിത്സ നിഷേധിച്ചതുപോലെയാണ്. സ്വന്തമായി ഒരു കെട്ടിടം ഉണ്ടെങ്കിൽ മാത്രമേ ഇല്ലായ്മകൾക്ക് ഒരുപരിഹാരം ഉണ്ടാവുകയുള്ളൂ

സുരക്ഷിതമാകട്ടെ നിരത്തുകള്‍

എം. ബഷീര്‍

നിരത്തുകളില്‍ ആരുടേയും ജീവന്‍ നഷ്ടപ്പെടാമെന്നതാണ് സ്ഥിതി. ഈ അവസ്ഥയ്ക്ക് നിയന്ത്രണം വരുത്താന്‍ ട്രാന്‍സ്‌പോര്‍ട്ട് കമ്മീഷണറുടെ നേതൃത്വത്തില്‍ തീവ്രശ്രമം തുടങ്ങിയിരിക്കുന്നു. അത് ഏത് ദിശയിലേക്ക് നീങ്ങുന്നു -ഒരന്വേഷണം.

കര്‍ശനമായ ഇടപെടലുകള്‍ റോഡപകടനിരക്ക് കുറയുന്നു

ഏകദേശം ഒരാഴ്ച മുമ്പ്. എറണാകുളം മാധവ ഫാര്‍മസി ജങ്ഷനില്‍ ഒരു സ്വകാര്യബസ് മുമ്പേ പോയ പിക്കപ്പ് വാനിനെ ഇടിച്ചു. ഇടിയുടെ ആഘാതത്തില്‍ പിക്കപ്പ് വാന്‍ അതിനു മുമ്പേ പോയ ഇരുചക്രവാഹനത്തെ ഇടിച്ച് ഏകദേശം 15 മീറ്ററോളം വലിച്ചിഴച്ചു പോയി. വാഹനം നിന്നതും റോഡില്‍ വീണ ബൈക്കിനടിയില്‍ നിന്ന് ബൈക്ക് യാത്രികന്‍ ഹെല്‍മറ്റ് ഊരി റോഡിന് വശത്തേക്ക് മാറിയിരുന്നു. കണ്ടുനിന്നവര്‍ ഓടിക്കൂടി യുവാവിനടുത്തെത്തി. ഭാഗ്യത്തിന് ഒന്നും സംഭവിച്ചില്ല. ഹെല്‍മറ്റ് പൊട്ടിയിരുന്നു. തലയടിച്ചുവീണ യുവാവ് ഹെല്‍മറ്റ് ഉള്ളതുകൊണ്ടുമാത്രം ചെറിയ പോറലുകളോടെ രക്ഷപ്പെട്ടു.
എറണാകുളത്ത് ഇരുചക്ര വാഹനമോടിക്കുന്നവരില്‍ ഏകദേശം എല്ലാവരും ഹെല്‍മറ്റ് ഉപയോഗിക്കുന്നത് ഏതാനും വര്‍ഷം മുമ്പ് തുടങ്ങിയിരുന്നു. മറ്റു ജില്ലകളിലാകട്ടെ പുതിയ ട്രാന്‍സ്‌പോര്‍ട്ട് കമ്മീഷണര്‍ ഋഷിരാജ്‌സിങ്ങിന്റെ വരവോടെ മിക്കവരും ഹെല്‍മറ്റ് ഉപയോഗിച്ചു തുടങ്ങിയിട്ടുമുണ്ട്. ഇത് ഹെല്‍മറ്റിന്റെ മാത്രം കാര്യമല്ല. ഗതാഗത നിയമങ്ങള്‍ പാലിക്കുന്നത് കര്‍ശനമാക്കിയതോടെ സംസ്ഥാനത്തെ റോഡപകടങ്ങളുടെ എണ്ണവും കുറഞ്ഞു വരികയാണ്. കഴിഞ്ഞ വര്‍ഷത്തെ കണക്കുകള്‍ ഇക്കൊല്ലത്തേതുമായി തട്ടിച്ചു നോക്കുമ്പോള്‍ ഇത് ശരിയാണെന്ന്കാണാം.
സംസ്ഥാനത്ത് ഇക്കൊല്ലം സപ്തംബര്‍ 30 വരെ 3172 പേരാണ് വാഹനാപകടങ്ങളില്‍ മരിച്ചത്. 30676 പേര്‍ക്ക് പരിക്കേല്‍ക്കുകയും ചെയ്തു. ഇതില്‍ 19210 പേരുടെ പരിക്കുകള്‍ ഗുരുതരമായിരുന്നു. 11466 പേര്‍ക്ക് നിസ്സാര പരിക്കുമേറ്റു. കഴിഞ്ഞ പത്തുവര്‍ഷത്തെ കണക്കുകള്‍ വെച്ചു നോക്കുകയാണെങ്കില്‍ തീര്‍ച്ചയായും ഈ കുറവ് ഒരു നേട്ടമായിത്തന്നെ കണക്കാക്കാം. അതുപോലെ കഴിഞ്ഞ വര്‍ഷം ജൂണ്‍, ജൂലായ്, ആഗസ്ത്, സപ്തംബര്‍ മാസങ്ങളിലെ കണക്കുകളും ഇക്കൊല്ലത്തെ ഇതേ മാസങ്ങളിലെ കണക്കുകളും താരതമ്യം ചെയ്താലും അപകടങ്ങളുടെയും മരണങ്ങളുടെയും എണ്ണക്കുറവ് പ്രകടമായി മനസ്സിലാക്കാനാകും.
അപകടങ്ങള്‍ക്ക് നിരവധി കാരണങ്ങള്‍ ചൂണ്ടിക്കാട്ടാനാവുന്നതു പോലെ ചെറിയ തോതിലെങ്കിലും അപകടങ്ങളുടെ എണ്ണം കുറഞ്ഞതിനുള്ള കാരണങ്ങളും നമുക്ക് ചൂണ്ടിക്കാട്ടാനാകും. ട്രാന്‍സ്‌പോര്‍ട്ട് കമ്മീഷണറുടെ നേതൃത്വത്തില്‍ മോട്ടോര്‍ വാഹനവകുപ്പായാലും പോലീസായാലും അവര്‍ നടത്തുന്ന സമീപകാല പ്രവര്‍ത്തനങ്ങള്‍ക്ക് ഫലമുണ്ടാകുന്നുവെന്നത് ആശ്വാസകരമാണ്. അപകടത്തിന്റെയും മരണത്തിന്റെയും കണക്കുകള്‍ വന്‍തോതിലല്ല കുറയുന്നതെങ്കിലും ക്രമേണ ഇതു തുടരുമെന്നു തന്നെയാണ് കണക്കുകള്‍ നല്‍കുന്ന സൂചനകള്‍.

കഴിഞ്ഞ വര്‍ഷം സംസ്ഥാനത്ത് നടന്ന 36174 റോഡപകടങ്ങളില്‍ 4286 പേരാണ് കൊല്ലപ്പെട്ടത്. 26034 പേര്‍ക്ക് ഗുരുതരമായി പരിക്കേല്‍ക്കുകയും ചെയ്തിരുന്നു. ഇതില്‍ ഏറ്റവും കൂടുതല്‍ അപകടങ്ങളില്‍പെട്ടത് ഇരുചക്രവാഹനങ്ങള്‍ ആയിരുന്നു. 25445 ഇരുചക്രവാഹനങ്ങളാണ് അപകടത്തില്‍ പെട്ടത്. 3819 സ്വകാര്യ ബസ്സുകള്‍ അപകടത്തില്‍ പെട്ടപ്പോള്‍ 1435 കെ. എസ്. ആര്‍. ടി ബസ്സുകളും അപകടമുണ്ടാക്കി. 10365 കാറുകളാണ് 2012-ല്‍ അപകടത്തില്‍ പെട്ടത്.
രാത്രിയിലുണ്ടായ അപകടങ്ങളുടെ മൂന്നിരട്ടി അപകടങ്ങളായിരുന്നു കഴിഞ്ഞ വര്‍ഷം പകല്‍ സമയത്തുണ്ടായത്. 27145 അപകടങ്ങള്‍ പകല്‍ സമയത്ത് നടന്നപ്പോള്‍ 9029 അപകടങ്ങള്‍ മാത്രമാണ് രാത്രിസമയങ്ങളില്‍ ഉണ്ടായത്. അലക്ഷ്യമായും അതിവേഗത്തിലും വാഹനമോടിച്ചതു തന്നെയാണ് ഭൂരിഭാഗം അപകടങ്ങള്‍ക്കും കാരണമായതെന്നും പോലീസിന്റെ കണക്കുകള്‍ വ്യക്തമാക്കുന്നു. കഴിഞ്ഞവര്‍ഷവും ഈ വര്‍ഷം ഇതുവരെയും ഏറ്റവും കൂടുതല്‍ അപകടമുണ്ടായതും മരണമുണ്ടായതും തിരുവനന്തപുരം ജില്ലയിലാണ്. തൊട്ടുപിന്നില്‍ എറണാകുളവും കോഴിക്കോടും .
സംസ്ഥാനത്ത് കഴിഞ്ഞ വര്‍ഷം ജൂണ്‍, ജൂലായ്, ആഗസ്ത്, സപ്തംബര്‍ മാസങ്ങളില്‍ നടന്ന അപകട മരണങ്ങളും ഇക്കൊല്ലം ഇതേ മാസങ്ങളില്‍ നടന്ന അപകടമരണങ്ങളുടെ കണക്കുകളും തമ്മില്‍ നല്ല വ്യത്യാസം തന്നെയുണ്ട്. 2012 ജൂണില്‍ 330 പേര്‍ മരിച്ച സ്ഥാനത്ത് ഈ വര്‍ഷം ജൂണില്‍ അത് 295 ആയി കുറഞ്ഞു. കഴിഞ്ഞ ജൂലായ്, ആഗസ്ത്, സപ്തംബര്‍ മാസങ്ങളില്‍ യഥാക്രമം 328, 388, 330 പേരാണ് അപകടങ്ങളില്‍ മരിച്ചത്. ഈ വര്‍ഷം ജൂലായ്, ആഗസ്ത്, സപ്തംബര്‍ മാസങ്ങളില്‍ അത് യഥാക്രമം 296, 319, 321 എന്നിങ്ങനെയായിരുന്നു. മോട്ടോര്‍ സൈക്കിള്‍ അപകടങ്ങളിലും ഇത്തരത്തില്‍ ഗണ്യമായ കുറവുണ്ടായിട്ടുണ്ട്.
അപകടത്തില്‍പ്പെടുന്നത് ഏതെങ്കിലും ഒരു വിഭാഗം വാഹനങ്ങള്‍ മാത്രമല്ല. എല്ലാത്തരം വാഹനങ്ങളും അപകടങ്ങളുണ്ടാക്കുന്നുണ്ട്. അവയുടെ എണ്ണം ഏറിയും കുറഞ്ഞുമിരിക്കുന്നു. അവയുടെ കണക്കുകളിലും കാര്യമായ മാറ്റങ്ങളുണ്ടായിട്ടുണ്ട്. ഒപ്പം പരിശോധനകളും കര്‍ശനമായി. അതേക്കുറിച്ചും മറ്റും അടുത്തദിവസം...

ആ ടോയിലറ്റും ഈ ടോയിലറ്റും ഉണ്ട്, പക്ഷേ...കുന്നിക്കോട് എത്തിയാൽ ശങ്ക അരുത്
Posted on: Friday, 03 January 2014

പത്തനാപുരം: ദേശീയ പാതയിലെ പ്രധാന ടൗണുകളിലൊന്നായ കുന്നിക്കോട്ടെത്തുന്നവർ പൂട്ടിക്കിടക്കുന്ന ടോയ് ലററുകൾ കണ്ട് നെടുവീർപ്പിടുകയേ മാർഗമുളളു. വിളക്കുടി പഞ്ചായത്ത് നിർമ്മിച്ച കംഫർട്ട്സ് റേറഷനും ദേശീയപാതക്കരുകിൽ പണിത ഈ ടോയ് ലററും അടഞ്ഞുകിടക്കുന്നതുമൂലം ജംഗ്ഷനിലെത്തുന്നവർ പ്രാഥമികാവശ്യങ്ങൾ നിറവേററാനാവാതെ വലയുകയാണ്. മാർക്കറ്റിനുളളിൽ നിർമ്മിച്ച കംഫർട്ട് സ്‌റേറഷൻ ഭരണസമിതിയുംഗ്രാമപഞ്ചായത്ത് അംഗങ്ങളും നമ്മിലുളള ഭിന്നതമൂലമാണ് തുറക്കാനാവാതായത്. ഉപയോഗശൂന്യമായി കിടന്ന് ഇപ്പോൾ ഇഴജന്തുക്കളുടെ താവളമായി മാറിയിട്ടും അഭിപ്രായ വ്യത്യാസങ്ങൾ പരിഹരിക്കുവാൻ ഭരണക്കാർക്ക് സമയമില്ല. ജനങ്ങളുടെ പരാതി ഏറിയപ്പോൾ ഒരു വർഷം മുന്പ് അഞ്ച് ലക്ഷം രൂപ മുടക്കി ജംഗ്ഷനിൽ വിളക്കുടി പഞ്ചായത്ത് ഒരു ഈ ടോയ് ലററ് നിർമ്മിച്ചു. അനുമതിയിലും നിർമ്മാണത്തിലും അടക്കം അഴിമതിയുണ്ടെന്ന്ആക്ഷേപം ഉയർന്നതിന് പിന്നാലെ ഉദ്ഘാടനം കഴിഞ്ഞ ദിവസം തന്നെ ഇതിന്റെ പ്രവർത്തനവും നിലച്ചു. ഭരണാധികാരികൾ ഉടൻ ഇത് ശരിയാക്കുമെന്ന് പറഞ്ഞിരുന്നുവെങ്കിലും നാളിതുവരെ ഫലവത്തായില്ല. ഇതോടെ അഴിമതി നടന്നുവെന്ന ആക്ഷേപം ശരിയാണെന്നാണ് നാട്ടുകാർ അഭിപ്രായപ്പെടുന്നത്. ഇതിപ്പോൾ സാമൂഹിക വിരുദ്ധരുടെയും മദ്യപസംഘങ്ങളുടേയും കൈപ്പിടിയിലാണ്. കൊല്ലം,കൊട്ടാരക്കര,പത്തനാപുരം,പുനലൂർ തുടങ്ങിയ വിവിധ സ്ഥലങ്ങളിലേക്ക് പോകുവാനായി ഇവിടെ എത്തുന്നവരാണ് പ്രാഥമിക ആവശ്യങ്ങൾ നിർവഹിക്കുവാനാകാതെ ബുദ്ധിമുട്ടുന്നത്. അടിയന്തരമായി ഈ ടോയ് ലററ് പ്രവർത്തന സജ്ജമാക്കുന്നതിനും കംഫർട്ട്സ് റേറഷൻ തുറക്കുന്നതിനും നടപടിയെടുക്കണമെന്ന് ആവശ്യം ശക്തമായിട്ടുണ്ട്.
പടം.ഈ മെയിൽ. പൂട്ടിയിട്ടിരിക്കുന്ന കുന്നിക്കോട് ഈടോയ് ലററ്.

ന്ത്രിമാർ ചന്തയിലും പോകണം
Posted on: Friday, 10 January 2014

വിലക്കയറ്റം സാധാരണക്കാരന്റെ ജീവിതം ദുരിതമയമാക്കുമ്പോഴും ജനങ്ങൾക്ക് ആശ്വാസം നൽകേണ്ട സർക്കാർ അങ്ങേയറ്റം ലാഘവത്തോടെയാണ് പ്രശ്നം കൈകാര്യം ചെയ്യുന്നത്. ഇത് മനസ്സിലാക്കാൻ ബുധനാഴ്ച നിയമസഭയിൽ സിവിൽ സപ്ളൈസിന്റെയും കൃഷിയുടെയും മന്ത്രിമാർ ചെയ്ത പ്രസ്താവനകൾ മതിയായ തെളിവാണ്. വിലക്കയറ്റത്തെക്കുറിച്ച് സഭയിൽ പരാമർശമുണ്ടാകുന്നതുപോലും വിപണിക്ക് തെറ്റായ സന്ദേശം നൽകുമെന്നാണ് സിവിൽസപ്ളൈസ് മന്ത്രി അനൂപ് ജേക്കബിന്റെ ആശങ്ക. സഭയിലെ ചർച്ച കേട്ട് കച്ചവടക്കാർ സാധനവില വീണ്ടും കൂട്ടുമെന്ന് മന്ത്രി കരുതുന്നതുപോലെ തോന്നി. വിപണിയിൽ നടക്കുന്നതൊന്നും അറിയാത്തതുകൊണ്ടാണ് മന്ത്രി ഇങ്ങനെ പറയുന്നതെന്നു വ്യക്തം. അതല്ലെങ്കിൽ പരിചയക്കുറവുകൊണ്ടാകാം. രണ്ടായാലും മന്ത്രി വിപണിയെക്കുറിച്ച് അറിയുകതന്നെ വേണം. വിപണിയിലെ കാര്യങ്ങൾ മാത്രമല്ല, തന്റെ വകുപ്പിൽ ഉദ്യോഗസ്ഥർ കാട്ടിക്കൂട്ടുന്ന കൊള്ളരുതായ്മകളിലേക്കു കൂടി ഇടയ്ക്കിടെ കണ്ണോടിക്കുന്നത് നല്ലതാണ്. നിരന്തരമായ വിപണി ഇടപെടലിനുവേണ്ടി രൂപീകൃതമായ ഹോർട്ടികോർപ്പിനെ തങ്ങളുടെ ദൗത്യത്തിൽനിന്നു വിലക്കുന്ന ഭക്ഷ്യസെക്രട്ടറിയുടെ വിവാദ ഉത്തരവിനെക്കുറിച്ച് നിയമസഭയിൽ പ്രതിപക്ഷത്തുനിന്ന് ചോദ്യം ഉയർന്നപ്പോൾ മന്ത്രി നിന്നു വിയർത്തത് താഴെ നടക്കുന്ന പലതും ശ്രദ്ധിക്കാത്തതുകൊണ്ടാണ്. പ്രത്യേക ഉത്തരവ് ലഭിച്ചാൽ മാത്രമേ ഹോർട്ടികോർപ്പ് വിപണിയിൽ ഇടപെടേണ്ടതുള്ളൂ എന്നായിരുന്നു ഭക്ഷ്യസെക്രട്ടറിയുടെ ഉത്തരവ്. ഹോർട്ടികോർപ്പ് കൃഷിവകുപ്പിന്റെ കീഴിലുള്ള സ്ഥാപനമായിട്ടും ഭക്ഷ്യസെക്രട്ടറി എങ്ങനെ ഈ ഉത്തരവിറക്കി എന്നതാണ് വിസ്മയകരമായ മറ്റൊരു കാര്യം. ഭക്ഷ്യ വസ്തുക്കൾ വാങ്ങി ഉപയോഗിക്കുന്നത് പ്രതിപക്ഷത്തുള്ളവർ മാത്രമല്ല. ഭരണപക്ഷക്കാരും വിലക്കയറ്റത്തിന്റെ രുചി നന്നായി അറിഞ്ഞുതന്നെയാണ് ദിവസങ്ങൾ തള്ളിനീക്കുന്നത്.
ഭക്ഷ്യധാന്യങ്ങൾക്കും പലവ്യഞ്ജനങ്ങൾക്കും പച്ചക്കറികൾക്കും വിലക്കുറവുണ്ടായിട്ടുണ്ടെന്ന സർക്കാരിന്റെ അവകാശവാദം ശരിയല്ല. യാതൊരു കാരണവുമില്ലാതെയാണ് ഈവക സാധനങ്ങൾക്ക് വില കൂടിക്കൊണ്ടിരിക്കുന്നത്. രാജ്യം ഭക്ഷ്യസമൃദ്ധിയാൽ വശംകെട്ടിരിക്കുകയാണെന്ന് പ്രചാരണം നടക്കുന്നതിനിടയിലാണ് ഇവിടെ സർവ സാധനങ്ങൾക്കും വില മാനംമുട്ടെ ഉയരുന്നത്. കേന്ദ്രം കൂടുതൽ ധാന്യങ്ങൾ അനുവദിക്കുന്നു എന്ന് ഇടയ്ക്കും മുറയ്ക്കും കേൾക്കാറുണ്ട്. അനുവദിക്കപ്പെട്ട പലതും കിട്ടുന്നില്ലെന്നാണ് ഭക്ഷ്യമന്ത്രി തന്നെ പറയുന്നത്. റേഷൻ വിതരണത്തിനായി കിട്ടുന്ന അരിയുടെയും ഗോതമ്പിന്റെയും നല്ലൊരു ഭാഗം കരിഞ്ചന്തകളിലേക്കാണ് നേരെ പോകുന്നത്. ഇത് കണ്ടുപിടിക്കാനായി മാത്രം എത്രയേറെ റെയ്ഡുകളാണ് നടന്നത്. ലോറിക്കണക്കിന് അരി പിടികൂടുകയും ചെയ്തു. എത്രപേരുടെ ലൈസൻസ് റദാക്കി, എത്രപേർക്കെതിരെ നടപടി എടുത്തു എന്നും മറ്റുമുള്ള കാര്യങ്ങൾ ആർക്കും അറിഞ്ഞുകൂടാ. റേഷൻ കൊള്ള ഇപ്പോഴും ഒരു മറയുമില്ലാതെ നടക്കുന്നതുമാത്രം അറിയാം. ശക്തമായ വിപണി ഇടപെടലിനുവേണ്ടി സ്ഥാപിതമായ സിവിൽ സപ്ളൈസ് കോർപ്പറേഷനും അതിനു കീഴിലുള്ള മാവേലി സ്റ്റോർ പോലുള്ള വിപണന ശൃംഖലയും ഇന്ന് ഏറക്കുറെ നോക്കുകുത്തികളാണ്. അവശ്യസാധനങ്ങൾ പലപ്പോഴും ഇവിടങ്ങളിൽ ഉണ്ടാകണമെന്നില്ല. ഉണ്ടെങ്കിൽ തന്നെ പരസ്യ വിപണി വിലയിൽ നിന്ന് നേരിയ കുറവേ കാണുകയുള്ളൂ. സാധനങ്ങളുടെ ഗുണനിലവാരമാകട്ടെ, തീരെ മോശവും. കോർപ്പറേഷൻ മേധാവികളും ഉത്പാദനകേന്ദ്രങ്ങളിലെ കച്ചവടക്കാരും തമ്മിലുള്ള ഒത്തുകളിയും ക്വട്ടേഷനുകൾക്ക് പിന്നിലെ അഴിമതിയും വിശ്വപ്രസിദ്ധമാണ്.
ജനങ്ങൾക്ക് അവശ്യം വേണ്ട പച്ചക്കറികൾ ന്യായവിലയ്ക്ക് ലഭ്യമാക്കാൻ വേണ്ടി സ്ഥാപിതമായ ഹോർട്ടികോർപ്പ് ഇപ്പോൾ ചെയ്യുന്നത് തൊട്ടടുത്ത മൊത്തവ്യാപാര കേന്ദ്രത്തിൽ നിന്ന് ചരക്കെടുത്ത് പരസ്യവിപണിയുടേതിൽ നിന്ന് അല്പം വില കുറച്ച് വിൽക്കലാണ്. കൃഷിവകുപ്പിനു കീഴിൽ പ്രവർത്തിക്കുന്ന ഹോർട്ടികോർപ്പും ജനങ്ങൾക്ക് ഒട്ടും ആശ്വാസം നൽകുന്നില്ലെന്നതാണ് യാഥാർത്ഥ്യം. ഇത് മറച്ചുവച്ചുകൊണ്ടാണ് നിയമസഭയിൽ കൃഷിക്കാരൻ കൂടിയായ വകുപ്പുമന്ത്രി പച്ചക്കറികൾക്കെല്ലാം അതിഭയങ്കരമായി വില കുറഞ്ഞിരിക്കുകയാണെന്ന് തട്ടിവിട്ടത്. ആറുമാസം മുമ്പുണ്ടായിരുന്നതിൽ നിന്ന് വില നന്നേ കുറഞ്ഞിട്ടുണ്ടെന്ന അദ്ദേഹത്തിന്റെ അവകാശവാദം വസ്തുതകൾക്ക് നിരക്കുന്നതല്ല.
വിലക്കയറ്റം നിയന്ത്രിക്കണമെങ്കിൽ സർക്കാരിന്റെ നിരന്തരമായ ഇടപെടലുകൾ കൂടിയേ കഴിയൂ. അഴകൊഴമ്പൻ നടപടികൾകൊണ്ട് പ്രശ്നം പരിഹൃതമാകാൻ പോകുന്നില്ല. ഉത്സവ സീസണുകളിൽ മാത്രം പരിമിതമായ തോതിൽ വിപണി ഇടപെടലാണ് ഇപ്പോൾ നടക്കുന്നത്. മനുഷ്യർ നിത്യവും ആഹാരം കഴിച്ചു ശീലിച്ചുപോയതിനാൽ അതിനുള്ള വകകൾ കിട്ടിയേ തീരൂ. താങ്ങാവുന്ന വിലയ്ക്ക് നിത്യോപയോഗ സാധനങ്ങൾ കിട്ടാതെ വരുമ്പോൾ സർക്കാരിനെയാണ് അവർ പ്രതീക്ഷയോടെ നോക്കുന്നത്. ഒന്നിനും ഒരു കുറവുമില്ല, വിലയും കുറവ് എന്ന മട്ടിൽ വകുപ്പു മന്ത്രിമാർ മറുപടി പറയുമ്പോൾ ചന്തയിൽ പോയി കാര്യങ്ങൾ അറിഞ്ഞിട്ടു വരൂ എന്നു പറയാനാണ് തോന്നുന്നത്.

ദേശീയ ദുരന്തം വിലക്കയറ്റമാണ്‌
ഇന്ത്യയിലെ ജനസംഖ്യ 130 കോടിയെങ്കില്‍ അതില്‍ 75 കോടി ജനങ്ങളനുഭവിക്കുന്ന ദുരന്തം വിലക്കയറ്റമാണ്‌. അത്‌ പാചകവാതകത്തിലൂടെയോ ഭക്ഷ്യവസ്തുക്കളിലൂടെയോ മറ്റ്‌ എന്തിലൂടെയാണെങ്കിലും അസഹനീയവും ക്രൂരവുമാണ്‌. അതിനെ ലഘൂകരിക്കുവാന്‍ വേണ്ടി വിലക്കയറ്റത്തെ ആഗോളവല്‍ക്കരിച്ചു രക്ഷപ്പെടുന്ന രാഷ്ട്രീയ ശൈലി ഇനിയും അനുവര്‍ത്തിക്കുന്നതില്‍ കാര്യമില്ല. ഇന്ത്യയിലെ വിലക്കയറ്റം കൃത്രിമമാണ്‌, അല്ലായെന്നാണ്‌ കേന്ദ്ര സര്‍ക്കാര്‍ പറയുന്നതെങ്കില്‍, അവകാശപ്പെടുന്ന പുരോഗതി വെറും പൊള്ളയാണെന്ന്‌ സമ്മതിക്കേണ്ടിവരും. മാത്രമല്ല എന്തടിസ്ഥാനത്തിലാണ്‌ ഭക്ഷ്യസുരക്ഷാ ബില്‍ പാസ്സാക്കിയത്‌, ഭക്ഷ്യവസ്തുക്കള്‍ക്ക്‌ ദൗര്‍ലഭ്യം നിലനില്‍ക്കുമ്പോള്‍ ബില്ലിന്റെ പ്രയോജനമെങ്ങനെ സാധാരണ ജനങ്ങളിലെത്തും? ഇരുട്ടുകൊണ്ട്‌ ഓട്ടയടയ്ക്കുന്ന സമീപനമല്ല നമുക്കിന്നാവശ്യം, കര്‍ശനമായ നടപടികളാണ്‌ വേണ്ടത്‌. അതല്ലാതെയുള്ള ഭരണം ദേശീയ ദുരന്തസമാനമാണ്‌!!

പൂഴ്ത്തിവെപ്പുകാരേയും കരിഞ്ചന്തക്കാരേയും ഇടനിലക്കാരേയും പിടികൂടി തുറങ്കിലടയ്ക്കുകയും ജനങ്ങളെ ചൂഷണം ചെയ്തുണ്ടാക്കിയ സമ്പത്ത്‌ കണ്ടുകെട്ടുവാന്‍ സര്‍ക്കാര്‍ തയ്യാറാവുകയും ചെയ്താല്‍ വിലക്കയറ്റം അതിവേഗം താഴേയ്ക്ക്‌ പതിക്കും. അതിനുള്ള രാഷ്ട്രീയ ആര്‍ജ്ജവം പ്രകടിപ്പിക്കുമ്പോള്‍ മാത്രമേ ഒരു ഭരണാധികാരി ശക്തനാവുന്നുള്ളൂ. വന്‍ കോര്‍പ്പറേറ്റുകളേയും കരിഞ്ചന്തക്കാരേയും മാഫിയകളേയും സംരക്ഷിക്കുകയും സഹായിക്കുകയും ചെയ്യുന്ന അഴിമതിക്കാരായ മന്ത്രിമാരടങ്ങിയ കേന്ദ്രമന്ത്രിസഭയെ നയിക്കുന്നുവെന്നത്‌ കൊണ്ടുമാത്രം മന്‍മോഹന്‍ സിംഗ്‌ ശക്തനാണെന്ന്‌ സ്വയം തോന്നുന്നുണ്ടെങ്കില്‍ എന്തു പറഞ്ഞിട്ടെന്ത്‌ കാര്യം!! ജനങ്ങളോട്‌ പ്രതിബദ്ധതയുണ്ടെങ്കില്‍ മാത്രമേ അതിനുള്ള ധൈര്യം കൈവരിക്കാനാകുകയുള്ളൂ, അതുവഴി ജനാധിപത്യത്തിന്റെ നന്മ ജനങ്ങള്‍ക്ക്‌ അനുഭവവേദ്യമാകുകയുള്ളൂ.

പ്രധാനമന്ത്രിയുടെ ദല്‍ഹി പത്രസമ്മേളനത്തില്‍ ഏറ്റവും വലിയ നേട്ടമായി ചൂണ്ടിക്കാണിച്ചത്‌ ഇന്ത്യ-അമേരിക്ക ആണവകരാറാണ്‌, ഈ കരാര്‍ കൊണ്ട്‌ ഇന്ത്യയ്ക്ക്‌ എന്ത്‌ നേട്ടമാണുണ്ടായതെന്ന്‌ വ്യക്തമല്ല! അമേരിക്ക ചില പ്രത്യേക കാരണങ്ങള്‍ കൊണ്ടു മാത്രം ഇന്ത്യയോടുള്ള സൗഹൃദ മനോഭാവം പ്രകടിപ്പിക്കുന്നുവെന്ന്‌ മാത്രമേയുളളൂ, ആ സൗഹൃദ സമീപനത്തെ അമിത സ്നേഹവായ്പായി കരുതുന്ന പ്രധാനമന്ത്രി ഒരു സാദാ സര്‍ദാരിക്കപ്പുറം മറ്റൊന്നും കാണാന്‍ കഴിയാത്ത വിധം അന്ധനും ബധിരനുമാണ്‌! ഇന്ത്യ പുരോഗമിക്കുന്നതില്‍ അസഹിഷ്ണുത പ്രകടിപ്പിക്കുന്നു അമേരിക്ക ആണവകരാര്‍ പ്രാവര്‍ത്തികമാക്കുവാന്‍ താല്‍പ്പര്യം കാണിച്ചെന്നു വരില്ല. പാശ്ചാത്യരാജ്യങ്ങളെ ഒരുപ്രത്യേക വീക്ഷണത്തില്‍ കണ്ടുകൊണ്ട്‌, കച്ചവടതാല്‍പ്പര്യം വെച്ചുകൊണ്ട്‌ സ്വാതന്ത്ര്യത്തിന്‌ മുമ്പു പിമ്പും കാനഡയിലേക്കും മറ്റും കുടിയേറിയ സിക്കുകാരുടെ വിചാര വികാരം മാത്രമേ മന്‍മോഹന്‍ സിംഗിനുള്ളൂവെന്നാണ്‌ ഈ കരാര്‍ തന്നെ വ്യക്തമാക്കുന്നത്‌! അതുകൊണ്ട്‌ തന്നെ അദ്ദേഹത്തിന്റെ പത്രസമ്മേളനം ഒരു സര്‍ദാരി ഭാഷ്യം മാത്രമായി കാണുകയാണ്‌ വേണ്ടത്‌.

അഴിമതിയാരോപണങ്ങളെല്ലാം തന്നെ കൂട്ടു മന്ത്രിസഭയുടെ ഫലമായി സ്വാഭാവികമായി സംഭവിക്കുന്നതാണെന്നും അതിന്റെ ഉത്തരവാദിത്വം ഘടക കക്ഷി മന്ത്രിമാരുടെ ചുമലില്‍ വെച്ചുകൊടുത്ത്‌ രക്ഷപ്പെടാന്‍ ശ്രമിക്കുന്ന പ്രധാനമന്ത്രി സ്വന്തം ഉത്തരവാദിത്വത്തില്‍ നിന്നും ഒളിച്ചോടുന്നതുപോലെയാണ്‌ തോന്നുന്നത്‌! അങ്ങനെയുള്ള പ്രധാനമന്ത്രിയെ ദുര്‍ബലനായിട്ടല്ലാതെ മറ്റൊരു വിധത്തില്‍ കാണണമെന്ന്‌ പറയുന്നതിലെന്തര്‍ത്ഥമാണുള്ളത്‌. ചരിത്രം ശക്തനെന്ന്‌ രേഖപ്പെടുത്തുമെന്ന്‌ പറയാന്‍ മാത്രം എന്ത്‌ കഴിവാണ്‌ മന്‍മോഹന്‍ സിംഗ്‌ പ്രകടിപ്പിച്ചിട്ടുള്ളത്‌!? തമിഴ്‌നാട്‌ ഭയപ്പെടുത്തിയപ്പോള്‍ ശ്രീലങ്കയില്‍ ചേര്‍ന്ന കോമണ്‍വെല്‍ത്ത്‌ രാജ്യങ്ങളുടെ യോഗത്തില്‍ പോകാതിരുന്നതുപോലുള്ള അനേകായിരം സംഭവങ്ങളെയെല്ലാം കൂട്ടിച്ചേര്‍ക്കുമ്പോള്‍ ശക്തനെന്ന്‌ വിളിക്കുവാന്‍ തക്കവിധം പ്രാപ്തനാകുന്നുണ്ടോയെന്നറിയില്ല! അധികാരം നിലനിര്‍ത്തുവാന്‍ ഏത്‌ ചെകുത്താനേയും കൂടെ നിര്‍ത്തി വളര്‍ത്തിയെടുത്ത അഴിമതി സംസ്ക്കാരത്തിന്റെ കര്‍ത്താവ്‌ താന്‍ തന്നെയാണെന്ന സത്യം ഏറ്റുപറയുവാനുള്ള ധൈര്യമെങ്കിലും മന്‍മോഹന്‍ സിംഗ്‌ പ്രകടിപ്പിച്ചിരുന്നെങ്കില്‍ അത്രയെങ്കിലും ആശ്വസിക്കാമായിരുന്നു.

ത്തന്നൂരില്‍ കര്‍ഷകദിനം ആചരിച്ചു
===================
ചാത്തന്നൂര്‍: ;കൃഷിഭവന്റെ ആഭിമുഖ്യത്തില്‍ ചാത്തന്നൂര്‍ ഗ്രാമപ്പഞ്ചായത്ത് അങ്കണത്തില്‍ നടന്ന കര്‍ഷകദിനാഘോഷ പരിപാടികള്‍ ജി.എസ്.ജയലാല്‍ എം.എല്‍.എ. ഉദ്ഘാടനം ചെയ്തു. പഞ്ചായത്ത് പ്രസിഡന്റ് എ.സുരേഷ് അധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് പി.വി.സത്യന്‍, ജില്ലാ പഞ്ചായത്ത് അംഗം മായ സുരേഷ്, എന്നിവര്‍ പ്രസംഗിച്ചു. കൃഷി ഓഫീസര്‍ മഹേഷ് സ്വാഗതവും രമാഭായി അമ്മ നന്ദിയും പറഞ്ഞു. കര്‍ഷകരായ മികച്ച നെല്‍ കര്‍ഷക അയ ഷിജി, രാധാമണി, ക്ഷീര കര്‍ഷക സുമ, മികച്ച പച്ചകറി കര്‍ഷക പ്രഭാവതി, ടി.മുരളീധരന്‍ പിള്ള എന്നിവരെ പൊന്നാടയണിയിച്ച് ആദരിച്ചു.

കല്ലുംകുന്ന് സുനാമി കോളനിക്കാര്‍ക്ക് കുടിവെള്ളം കിട്ടാനില്ല
Posted on: 18 Aug 2013

പരവൂര്‍:റെക്കോഡ് മഴ പെയ്തിട്ടും പരവൂര്‍ കല്ലുംകുന്ന് സുമാനി ഫ്‌ളാറ്റിലെ താമസക്കാര്‍ക്ക് കുടിവെള്ളം കിട്ടാനില്ല. 268 ഫ്‌ളാറ്റുകളുള്ള കല്ലുംകുന്നില്‍ 452 പേര്‍ക്കാണ് ഇതുവരെ വീട് നല്‍കിയതെങ്കിലും ഇപ്പോള്‍ 31വീട്ടുകാരാണ് ഇവിടെ താമസിക്കുന്നത്. വെള്ളവും വെളിച്ചവുമടക്കമുള്ള സൗകര്യങ്ങള്‍ ഇല്ലാത്തതുകൊണ്ടാണ് പലരും ഫ്‌ളാറ്റിലേക്ക് വരാന്‍ മടിക്കുന്നത്.

കുഴല്‍ക്കിണറും പമ്പ്ഹൗസും ഓവര്‍ ഹെഡ് ടാങ്കുമെല്ലാം ഫ്‌ളാറ്റ് സമുച്ചയവളപ്പിലുണ്ടെങ്കിലും കുഴല്‍ക്കിണറ്റില്‍നിന്ന് വെള്ളം പമ്പ് ചെയ്യാനുള്ള സംവിധാനം ഇല്ലാത്തതാണ് കാരണം. ഇതുമൂലം കോടികള്‍ ചെലവിട്ട് നിര്‍മ്മിച്ച ഫ്‌ളാറ്റുകള്‍ തകര്‍ച്ചയിലാണ്. പരാതിയുമായി ജല അതോറിറ്റി അധികൃതരെ സമീപിച്ച കോളനി നിവാസികളോട് ഫ്‌ളാറ്റ് നിര്‍മ്മിച്ച കമ്പനിക്കാരോട് പറയാനാണ് ഇവരുടെ മറുപടി.

സുനാമി പുനരധിവാസപദ്ധതിപ്രകാരം കോടികള്‍ ചെലവിട്ട് നിര്‍മ്മിച്ച ഫ്‌ളാറ്റുകള്‍ ആരും തിരിഞ്ഞു നോക്കാനില്ലാത്ത സ്ഥിതിയാണ്. അനുവദിക്കാത്ത മിക്ക ഫ്‌ളാറ്റുകളുടെയും കതകും ജനാലകളുമെല്ലാം സാമൂഹികവിരുദ്ധര്‍ തകര്‍ത്ത നിലയിലാണ്. ഒഴിഞ്ഞുകിടക്കുന്ന പല ഫ്‌ളാറ്റുകളും പകലും സാമൂഹികവിരുദ്ധരുടെ താവളമാണ്.

പല ഫ്‌ളാറ്റുകളിലും മദ്യപാനവും ചീട്ടുകളിയും ലഹരിവസ്തുക്കളുടെ ഉപയോഗവും നടക്കുന്നതായാണ് പരാതി. ഭൂരിഭാഗം ഫ്‌ളാറ്റുകള്‍ക്കും പൂട്ടില്ല. വാട്ടര്‍ ടാപ്പ് അടക്കം മോഷ്ടിച്ച സ്ഥിതിയിലാണ്.

ഫ്‌ളാറ്റ് വളപ്പില്‍ തെരുവ് വിളക്കുകളില്ല. അക്രമികള്‍ക്ക് കാറിലും ഓട്ടോയിലും മറ്റും യഥേഷ്ടം വന്നുപോകാന്‍ സൗകര്യമുണ്ട്. കോളനിനിവാസികള്‍ ഇതേക്കുറിച്ചെല്ലാം അധികാരികളോടും എം.എല്‍.എ.യോടും പറഞ്ഞെങ്കിലും വെള്ളത്തിനും വെളിച്ചത്തിനും ഒരു നടപടിയുമുണ്ടായില്ല. ഫ്‌ളാറ്റ് സമുച്ചയം സ്ഥിതി ചെയ്യുന്ന കല്ലുംകുന്ന് വാര്‍ഡിലെ കൗണ്‍സിലര്‍ ഗീതയും അധികാരികളെ നിരവധി തവണ കണ്ടെങ്കിലും ഒരു പ്രയോജനവുമുണ്ടായില്ല.

ത്ര പരിസരത്ത് മൃഗാവശിഷ്ടള്‍ ഇട്ടു
Posted on: 20 Aug 2013

ചാത്തന്നൂര്‍: ക്ഷേത്രപരിസരത്ത് മാലിന്യങ്ങള്‍ ഇടുന്നതിനെതിരെ നാട്ടുകാര്‍ രംഗത്തെത്തി. മാലിന്യവുമായെത്തിയ വാഹനം നാട്ടുകാര്‍ തടഞ്ഞിട്ടു. പോലീസ് എത്തുന്നതിനുമുമ്പ് ഡ്രൈവര്‍ വണ്ടിയുമായി കടന്നുകളഞ്ഞു. കുമ്മല്ലൂര്‍ പാലത്തിന് സമീപം സര്‍പ്പക്കാവ് കളരി ഭഗവതിക്ഷേത്രത്തിന്റെ മുന്‍വശത്താണ് മൃഗാവശിഷ്ടങ്ങള്‍ ഉള്‍പ്പെടെയുള്ള മാലിന്യങ്ങള്‍ ഇടുന്നത്. ഇവിടെ ഉപേക്ഷിക്കുന്ന മൃഗാവശിഷ്ടങ്ങളും മറ്റും കാക്ക കൊത്തിയെടുത്ത് ക്ഷേത്രാങ്കണത്തില്‍കൊണ്ടിട്ട് അശുദ്ധി വരുത്താറുണ്ട്.

കഴിഞ്ഞദിവസം മാലിന്യവുമായെത്തിയ ചാത്തന്നൂര്‍ സ്റ്റാന്‍ഡിലെ വാഹനമാണ് നാട്ടുകാര്‍ തടഞ്ഞുവച്ചത്. പോലീസ് എത്തുമെന്ന ഘട്ടത്തിലാണ് ഡ്രൈവര്‍ നാട്ടുകാരുടെ കണ്ണുവെട്ടിച്ച് കടന്നുകളഞ്ഞത്. ക്ഷേത്രഭരണസമിതി സെക്രട്ടറി 

കൃഷ്ണഭക്തി നിറഞ്ഞ് വീഥികളില്‍ ശോഭായാത്ര
Posted on: 29 Aug 2013

പരവൂര്‍: കൃഷ്ണനും രാധയും ഗോപികമാരും ഒക്കെയായി വേഷമിട്ട ബാലികാബാലന്മാര്‍ നഗരവീഥികളെ അമ്പാടിയാക്കി നിറപ്പകിട്ടാര്‍ന്ന ശോഭായാത്ര ശ്രീകൃഷ്ണജയന്തിയാഘോഷത്തിന്റെ ഭാഗമായി നടന്നു. വൈകീട്ട് 5 മണിയോടെയാണ് വിവിധ പ്രദേശങ്ങളില്‍നിന്ന് ബാലഗോകുലങ്ങളുടെ നേതൃത്വത്തിലുള്ള ശോഭായാത്രകള്‍ പരവൂര്‍ കവലയിലെത്തിയത്. വാദ്യമേളങ്ങളുടെ ലഹരിയില്‍ കോലക്കുഴലൂതി പീലിത്തിരുമുടി വച്ച വര്‍ണ്ണക്കിരീടം ധരിച്ച് കൃഷ്ണവേഷധാരികളായ കുരുന്നുകള്‍ വീഥികള്‍ കൈയടക്കി. സ്ത്രീകള്‍ വായ്ക്കുരവയിട്ട് ഘോഷയാത്രയ്ക്ക് വരവേല്പ് നല്‍കി.

ജങ്ഷനില്‍ കാര്‍വര്‍ണ്ണ വേഷമിട്ട കുട്ടികള്‍ ഉറിയടിച്ച് കളിച്ചു. തുടര്‍ന്ന് ജങ്ഷനില്‍ സംഗമിച്ച ശോഭായാത്രകള്‍ മഞ്ചാടിമൂട് ചുറ്റി പുറ്റിംഗല്‍ ദേവീക്ഷേത്രത്തില്‍ എത്തിയതോടെയാണ് ശോഭായാത്ര സമാപിച്ചത്. ഒല്ലാല്‍ ക്ഷേത്രം, ക്ലാവറ ശ്രീകൃഷ്ണക്ഷേത്രം എന്നിവിടങ്ങളില്‍നിന്നും പൊഴിക്കരയില്‍നിന്നും ശോഭായാത്രകള്‍ പരവൂരിലെത്തിയിരുന്നു. വഴിനീളേ നിറപറയും നിലവിളക്കും വച്ച് ശോഭായാത്രയ്ക്ക് ഭക്തജനങ്ങള്‍ വമ്പിച്ച വരവേല്പാണ് നല്‍കിയത്.

ഭാഗവതസപ്താഹയജ്ഞം നടക്കുന്ന പൂതക്കുളം ഇടയാടി വേക്കുളം മാടന്‍നട ക്ഷേത്രത്തിലും അഷ്ടമിരോഹിണി ഉത്സവം ഉണ്ണിക്കണ്ണന്മാരുടെ ശോഭായാത്രയോടും കൂട്ട ഉറിയടിയോടും സമാപിച്ചു. തുടര്‍ന്ന് ദീപക്കാഴ്ചയും വിളക്കും രാത്രി സമൂഹ അഖണ്ഡനാമജപയജ്ഞവും അവതാരപൂജകളും ജന്മാഷ്ടമി അഭിഷേകവും നടന്നു. ശോഭായാത്രയിലും കൂട്ട ഉറിയടിയിലും അനേകര്‍ പങ്കെടുത്തു.

ഓണക്കാലം അടുത്തിട്ടും വഴികളില്‍ ഇരുട്ടും ചപ്പുചവറുകളും വശങ്ങളില്‍ കാടും
Posted on: 05 Sep 2013

പൂതക്കുളം: ഓണക്കാലമായിട്ടും തെരുവുവിളക്കുകള്‍ ഭൂരിഭാഗവും കത്താതെ കിടക്കുന്ന പൂതക്കുളം പഞ്ചായത്തിലെ വഴികളില്‍ ചപ്പുചവറുകളും വശങ്ങളില്‍ കാടുമെന്ന് പരാതി.

തെരുവുവിളക്കുകള്‍ കേടായാല്‍ അത് മാറ്റിയിടാനുള്ള ജോലി രണ്ടുവര്‍ഷം മുമ്പാണ് കരാര്‍ അടിസ്ഥാനത്തിലാക്കിയത്. എന്നാല്‍ ഇതിനുള്ള നടപടികള്‍ പഞ്ചായത്തില്‍ ഇനിയും പൂര്‍ത്തീകരിച്ചിട്ടില്ലെന്ന് മണ്ഡലം കോണ്‍ഗ്രസ് കമ്മിറ്റി യോഗം ആരോപിച്ചു. ഇപ്പോള്‍ ഓരോ വാര്‍ഡിലും കത്താത്ത കുറച്ച് വിളക്കുകള്‍വീതം കത്തിച്ച് വിളക്കുകളെല്ലാം കത്തിച്ചെന്ന് വരുത്താനുള്ള നീക്കത്തിലാണ് പഞ്ചായത്ത് അധികൃതരെന്ന് മണ്ഡലം പ്രസിഡന്റ് വി.കെ.സുനില്‍കുമാര്‍ അരോപിച്ചു.

കോട്ടുവന്‍കോണം, മുക്കട, പഞ്ചായത്ത് ഓഫീസ് പരിസരം, ഡോക്ടര്‍മുക്ക്, അമ്മാരത്ത്മുക്ക്, പുത്തന്‍കുളം, ബ്ലോക്ക്മരം മുക്ക്, ഊന്നിന്‍മൂട്, പൂതക്കുളം, കലയേ്ക്കാട് എന്നിവിടങ്ങളില്‍ കവലയും റോഡുകളും ശുചീകരിച്ചിട്ട് മാസങ്ങളായി. മാര്‍ക്കറ്റ് പരിസരവും വൃത്തിഹീനമാണ്.

ഓണമുണ്ണാൻ കാണം വില്ക്കേണ്ടിവരും
Posted on: Wednesday, 07 August 2013

പുത്തൂർ : കർക്കിടകം പഞ്ഞമാസമെന്ന് പഴമക്കാർ പറഞ്ഞത് ഇക്കുറി ശരിക്കും അന്വർത്ഥമാക്കി വറുതിയുടെ നാളുകൾ സമ്മാനിച്ചാണ് കളളക്കർക്കിടകത്തിന്റെ മുക്കാൽ പങ്കും കടന്നുപോയത്. കൃഷി-തൊഴിൽ മേഖലകളിലെ ദുരിതം ആവണിപ്പിറപ്പിന് ദിവസങ്ങൾ മാത്രം ശേഷിക്കുമ്പോഴും വിട്ടൊഴിയുന്ന ലക്ഷണമില്ല. അഷ്ടിക്കു വകയില്ലാതെ തൊഴിലാളി കുടുംബങ്ങൾ വലയുകയാണ്.

തോട്ടംമേഖലയിൽ തൊഴിൽ നിലച്ചിട്ട് മാസങ്ങളായി. തിളച്ചുമറിഞ്ഞ പൊരിവെയിലത്ത് നിർത്തിയ റബ്ബർടാപ്പിംഗ് ഇനിയും ആരംഭിക്കാൻ കഴിഞ്ഞിട്ടില്ല. കനത്തമഴ കാർഷിക മേഖലയാകെ പിടിച്ചുലച്ചുകഴിഞ്ഞു. കൃഷിവിളകൾക്ക് സാരമായ നാശനഷ്ടങ്ങളുണ്ടായിട്ടുണ്ട്. ഓണത്തിന് വേണ്ടി നിർത്തിയിരുന്ന വാഴക്കുലകളുൾപ്പടെ ഒടിഞ്ഞു വീണു. മരച്ചീനി കൃഷിക്ക് കെട്ടിനിൽക്കുന്ന വെളളമാണ് ദോഷം. കാലവർഷക്കെടുതിയിൽ വീടുകൾ നഷ്ടപ്പെട്ട ഒട്ടനവധി പേരുണ്ട്.. വട്ടിപ്പലിശക്കാരെ ആശ്രയിച്ചാണ് പല തൊഴിലാളി കുടുംബങ്ങളും അടുപ്പിൽ തീപുകയ്ക്കുന്നത്. ഈ നില തുടർന്നാൽ വരുന്ന ഓണക്കാലവും വറുതിയുടേതാകും. പൊരിവെയിലത്ത് വെളളം കോരി കിളിർപ്പിച്ച് പ്രതീക്ഷയോടെ വളർത്തിയെടുത്ത കാർഷിക വിളകൾ നശിച്ചത് ഓണത്തെ കാര്യമായി ബാധിക്കും. കാണംവിറ്റും ഓണം ഉണ്ണണമെന്ന പഴമൊഴിയും ഇക്കുറി അന്വർത്ഥമായേക്കുമെന്നാണ് കണക്കുകൂട്ടൽ. ഇടക്ക് മഴമാറി മാനം തെളിഞ്ഞപ്പോൾ അല്പം പ്രതീക്ഷ കൈവന്നതാണ്. എന്നാൽ കഴിഞ്ഞ രണ്ടുമൂന്നു ദിവസങ്ങളിലെ പെരുമഴ ദുരിതം കൂട്ടുകയാണ്. ഇനിയൊന്ന് തെളിച്ചം കണ്ടാലും പ്രതീക്ഷ വേണ്ടെന്നാണ് കാലാവസ്ഥാ നിരീക്ഷകരും പറയുന്നത്. ഒരാഴ്ച കഴിയുമ്പോൾ മഴ തിരിച്ചുവരുമത്രെ. വിരലിലെണ്ണാവുന്ന ദിവസങ്ങൾ മാത്രമാണ് ചിങ്ങമാസമെത്താൻ ബാക്കിനിൽക്കുന്നത്. ഈ നില തുടർന്നാൽ ചിങ്ങവും പഞ്ഞമാകുമോയെന്ന ആശങ്കയുമുണ്ട്. പലിശക്കാശും കൊണ്ട് പലരും ഇപ്പോൾ റംസാൻ - ഓണം വിപണിക്ക് മുന്നിൽ വരിനിൽക്കാൻ തുടങ്ങിയിട്ടുണ്ട്.

വിലക്കുറവും വൃത്തിയും: ശശിധരൻപിള്ളയുടെ ചായക്കടയിൽ തിരക്കോടുതിരക്ക്
Posted on: Tuesday, 06 August 2013

കൊല്ലം: പാരിപ്പള്ളി മുക്കട ജംഗ്ഷനിലെ ശശിധരൻപിള്ളയുടെ ചായക്കടയിൽ തിരക്കൊഴിഞ്ഞ നേരമില്ല. ഇവിടെ എന്തുണ്ടാക്കിയാലും എത്രയുണ്ടാക്കിയാലും ബാക്കിവരാറില്ല. മായം ചേർക്കാതെ , മാലിന്യമില്ലാതെ രുചികരമായ ദോശയും പൊറോട്ടയും കറികളുമൊക്കെ വിലക്കുറവിൽ നൽകുന്നുവെന്നതു മാത്രമാണ് ഇതിനു പിന്നിലെ മാജിക്ക്. കൊള്ളലാഭം കൊതിച്ച് പഴകിയതും മായം ചേർത്തതുമായ ഭക്ഷണം വിറ്റ് പല ഹോട്ടലുടമകളും കേസിൽ പെടുമ്പോൾശശിധരൻപിള്ള ഉത്തമമാതൃകയാകുന്നത് അങ്ങനെയാണ്. കുറഞ്ഞ വിലയ്ക്ക് നല്ല ഭക്ഷണം നല്കി കച്ചവടത്തെ സേവനത്തിന്റെ തലത്തിലേക്കുയർത്തുന്ന രീതി പിള്ളയ്ക്ക് പാരമ്പര്യമായി കിട്ടിയതാണ്.

കാൽനൂറ്റാണ്ടുകാലം ഈ കട നടത്തിയിരുന്നത് അച്ഛൻ ജനാർദ്ദനൻനായരായിരുന്നു. ആറ് ആൺമക്കളും അഞ്ച് പെൺമക്കളും അടങ്ങുന്ന കുടുംബത്തെ നന്നായി പാലിച്ചത് ഈ കടകൊണ്ടായിരുന്നു. ശശിധരൻപിള്ള കട ഏറ്റെടുത്തിട്ട് 26 വർഷം കഴിയുന്നു. രണ്ടുമക്കളെ പഠിപ്പിച്ചു. മകൻ സനിൽകുമാർ എം.കോം. കഴിഞ്ഞു. മകൾ സിനിയെ നല്ലനിലയിൽ വിവാഹം ചെയ്തയച്ചു. ബി.എസ്.സി നഴ്സിംഗ് പാസായ സിനി ഇപ്പോൾ സ്വകാര്യ ആശുപത്രിയിൽ ജോലിചെയ്യുന്നു.

മറ്റുഹോട്ടലുകളിൽ കുറഞ്ഞത് 60 രൂപയാകുന്ന ഭക്ഷണത്തിന് ശശിധരൻ പിള്ളയുടെ ഹോട്ടലിൽ 20 രൂപ മതിയാകും. രാസവസ്തുക്കളോ നിരോധിതനിറങ്ങളോ ചേർക്കുന്നില്ലെന്ന അധികഗുണവുമുണ്ട്. 'രാവിലെ 3 മണിക്ക് ഉണർന്ന് കടയിലെ ജോലി മുഴുവൻ സ്വന്തമായാണ് ചെയ്യുന്നത്. ആദ്യകാലത്ത് ദോശയ്ക്ക് അരിയാട്ടുന്നതുപോലും സ്വയം ആട്ടുകല്ലിലായിരുന്നു. വീടിനോടു ചേർന്നുള്ള സ്വന്തം കെട്ടിടത്തിലായതിനാൽ വാടക നൽകേണ്ട. ആർക്കും ജോലിക്കൂലിയും നൽകേണ്ട. ലാഭമെടുത്തുതന്നെയാണ് കച്ചവടം നടത്തുന്നത്. നല്ല ഭക്ഷണം വിലകുറച്ചു നൽകുന്നതുകൊണ്ട് കൂടുതൽ വിറ്റുപോകുന്നു. കൂടുതൽ വിൽക്കുന്നതുകൊണ്ട് കൊള്ളയടിക്കാതെ കൂടുതൽ ലാഭവുമുണ്ടാകുന്നു.' ഇതാണ് ശശിധരൻപിള്ളയുടെ ധനതത്വശാസ്ത്രം. നിത്യവും നന്നായി അദ്ധ്വാനിക്കുന്നതിനാൽ ആരോഗ്യമെന്ന ലാഭം കൂടിയുണ്ട് പിള്ളയ്ക്ക്.
സമീപത്തെ തടിമില്ലിലേയും ഫാക്ടറിയിലേയും തൊഴിലാളികളും കെ.എസ്.ഇ.ബി. പാരിപ്പള്ളി സെക് ഷനിലെ ഉദ്യോഗസ്ഥരുമൊക്കെ കടയിലെ സ്ഥിരം ഉപഭോക്താക്കളാണ്. കിലോമീറ്ററുകൾക്കപ്പുറത്തുനിന്നുപോലും സ്ഥിരമായി എത്തുന്നവരുമുണ്ട്. ഒരിക്കൽ വന്നവർ പിന്നെയും വരും- പിള്ള പറയുന്നു

ജമ്മു കാശ്‌മീരിന്റെ പ്രത്യേക പദവി റദ്ദാക്കി, കാശ്മീരിനെ രണ്ടായി വിഭജിച്ചു

ജമ്മുകാശ്മീരിന് പ്രത്യേക അധികാരം നൽകുന്ന ഭരണഘടനയുടെ 370ാം വകുപ്പ് റദ്ദാക്കി, ഇതുമായി ബന്ധപ്പെട്ട ഉത്തരവിൽ രാഷ്ട്രപതി രാംനാഥ് കോവിന്ദ് ഒപ്പുവച്ചു.സംസ്ഥാനത്തെ രണ്ടായി വിഭജിക്കാനുമുള്ള ബിൽ കേന്ദ്ര ആഭ്യന്തരവകുപ്പ് മന്ത്രി അമിത് ഷാ അവതരിപ്പിച്ചു. ജമ്മു കാശ്മീരിന്റെ സവിശേഷ പദവി സംബന്ധിച്ചതാണ് 370ാം വകുപ്പ്. കോൺഗ്രസിന്റെ നേതൃത്വത്തിൽ പ്രതിപക്ഷ പാർട്ടികളുടെ കനത്ത പ്രതിഷേധം വക വയ്ക്കാതെയാണു ബിൽ അവതരിപ്പിച്ചത്. പ്രധാനമന്ത്രി നരേന്ദ്ര മോദിയുടെ വസതിയിൽ ചേർന്ന കേന്ദ്ര മന്ത്രിസഭയുടെ പ്രത്യേക യോഗത്തിനുശേഷമാണു നിർണായ നീക്കം നടത്തിയത്.

കാശ്മീരിന്റെ പ്രത്യേക പദവിക്കെതിരെ ബി.ജെ.പി നേരത്തെ രംഗത്തെത്തിയിരുന്നു. തിരഞ്ഞെടുപ്പ് പത്രികയിലും ബി.ജെ.പി ഇക്കാര്യം പ്രഖ്യാപിച്ചിരുന്നു. കാശ്മീരിന് പ്രത്യേകാധികാരം നൽകുന്ന നിയമങ്ങൾ പിൻവലിച്ചേക്കുമെന്ന് കഴിഞ്ഞ ദിവസളിൽ അഭ്യൂഹം നിലനിന്നിരുന്നു. ഇതിന്റെ ഭാഗമായി കാശ്മീരിലെ സുരക്ഷാക്രമീകരണങ്ങൾ കേന്ദ്രം ശക്തമാക്കുകയും കൂടുതൽ സൈന്യത്തെ വിന്യസിക്കുകയും ചെയ്തിരുന്നു