കുത്തനെയുള്ള മൈലക്കാട് ഇറക്കത്ത്വയൽ ഭൂമിയായ ഇവിടെ ദേശീയപാതയ്ക്ക് കുറുകെയുള്ള തോടിന് പാലവും പണി ഞ്ഞിട്ടുണ്ട്. ഇറക്കം കുറയ്ക്കുന്നതിനായി നിർമ്മിച്ച അടിപാതയ്ക്ക് പടിഞ്ഞാറേ ഭാഗത്തെ പ്രധാന പാതയാണ് ഇടിഞ്ഞു താണത്..

കൊട്ടിയം :  കുത്തനെയുള്ള മൈലക്കാട് ഇറക്കത്ത്

വയൽ ഭൂമിയായ ഇവിടെ ദേശീയപാതയ്ക്ക് കുറുകെയുള്ള തോടിന് പാലവും പണി ഞ്ഞിട്ടുണ്ട്. ഇറക്കം കുറയ്ക്കുന്നതിനായി നിർമ്മിച്ച അടിപാതയ്ക്ക് പടിഞ്ഞാറേ ഭാഗത്തെ പ്രധാന പാതയാണ് ഇടിഞ്ഞു താണത്..ഇരുപത് അടിയോളം ഉയരത്തിലൂടെയാണ് ദേശീയപാത കടന്നുപോകുന്നത്. താഴെയുള്ള സർവീസ് റോഡിൽനിന്ന് ഉയരത്തിൽ പാർശ്വഭിത്തികെട്ടി വേർതിരിച്ചിട്ടുമുണ്ട്. എന്നാൽ, ദേശീയപാതയിൽ വിള്ളൽ രൂപപ്പെട്ട് മണ്ണിടിയുകയായിരുന്നു.ഇതിന്റെ ആഘാതത്തിൽ തോടിന് കുറുകെയുള്ള പാലം തകർന്ന് വെള്ളമോഴുകിയതോടെ കൂടുതലായി മണ്ണ് ഇടിയുകയായിരുന്നു.തോടിന് കുറുകെയുള്ള പാലത്തിൽ മണ്ണിന്റെ ഭാരം താങ്ങാൻ കഴിയാഞ്ഞത് മൂലം തകർന്നതാണ് പാലം തകരാൻ കാരണമെന്ന് വിദ്ഗ്ദർ ചൂണ്ടി കാട്ടുന്നു.

@ വയലിൽ മണ്ണിട്ട് ഉയർത്തി റോഡ് നിർമിച്ചപ്പോൾ അടിത്തറയ്ക്ക് ആവശ്യമായ വീതിയുണ്ടായിരുന്നില്ലെന്നത് ഗുരുതര വീഴ്ച്ച യാണ് ഇതു റോഡ് തകരാൻ കാരണമായെന്നുമാണ് പ്രാത്മിക നിഗമനം ഭൂമി ഏറ്റെടുത്തപ്പോൾ ഇതിനാവശ്യമായ ഇടം കണക്കാക്കിയിരുന്നില്ല. അടിത്തറ വീതി കൂട്ടിയാൽ സർവീസ് റോഡിന്റെ വീതി കുറയുമെന്നതിനാൽ അതിൽ വിട്ടുവീഴ്ച വരുത്തി. മണ്ണിന് ഉറപ്പില്ലാത്തതും നീരൊഴുക്കും കാരണം അടിത്തറ തകർന്നത് റോഡ് ഇടിയാൻ കാരണമായി.

@ ദേശീയപാത തകർന്ന സംഭവത്തിൽ വിദഗ്ധ സംഘം ഇന്ന് പരിശോധന നടത്തും. ദേശീയ പാത അതോറിറ്റി നിർദേശിച്ച പ്രകാരമാണ് പരിശോധന നടത്തുന്നത്. ജില്ലാ കളക്ടറുടെ നേതൃത്വത്തിൽ ഇന്ന് യോഗം ചേരും. ദേശീയ പാത കരാർ കമ്പനി പ്രതിനിധികൾ, ജനപ്രതിനിധികൾ എന്നിവർ പങ്കെടുക്കും. . 

@ നിർമാണത്തിലെ അശാസ്ത്രീയത പരിഹരിക്കാൻ പാടം നികത്തി ഉയർത്തുന്നതിനു പകരം പാലങ്ങൾ ഉൾപ്പെടെയുള്ള വയഡക്ട് രീതി വേണമെന്ന ആവശ്യമാണ് ഉയരുന്നത്.

വയഡക്ട് ആണു മൈലക്കാട്

ഉചിതമെന്നു വിവിധ വിദഗ്ധരും പറയുന്നു.

@ ദേശീയപാതയുമായി ബന്ധപ്പെട്ട് സംസ്ഥാനങ്ങളിൽ മരാമത്ത് വകുപ്പുകളോ റോഡ് നിർമാണ വിഭാഗങ്ങളോ ചെയ്യുന്ന പ്രവൃത്തികൾ കൃത്യമായി നിരീക്ഷിക്കാൻ റീജനൽ ഓഫിസുകളോട് കേന്ദ്ര ഉപരിതല ഗതാഗത മന്ത്രാലയം നിർദേശിച്ചതായി ഉദ്യോഗസ്ഥർ അറിയിച്ചു.

നിർമാണ വിഭാഗങ്ങൾ ചെയ്‌ത പ്രവൃത്തികളിൽ ഗുരുതര വീഴ്ചകൾ കണ്ടെത്തിയ സാഹചര്യത്തിലാണ് പരിശോധന വിപുലമാക്കാൻ നിർദേശിച്ചതെന്ന് സർക്കുലറിൽ പറയുന്നു. ദേശീയപാത നിർമാണം നിരീക്ഷിക്കുന്നതിനൊപ്പം ദേശീയപാതയുമായി ബന്ധപ്പെട്ട് നിർമ്മാണകമ്പനികൾ ചെയ്യുന്ന പ്രവർത്തികളും പരിശോധന നടത്തും.