സഹകരണബാങ്ക് ക്രമകേട് ഉദ്യോഗസ്ഥരെ ബലിയാടാക്കി നേതാക്കൾ രക്ഷപ്പെടുന്നു - ബി.ബി.ഗോപകുമാർ

സഹകരണബാങ്ക് ക്രമകേട് 

ഉദ്യോഗസ്ഥരെ ബലിയാടാക്കി നേതാക്കൾ രക്ഷപ്പെടുന്നു - ബി.ബി.ഗോപകുമാർ 

പരവൂർ : സഹകരണ ബാങ്കുകളിൽ

നടന്ന ക്രമകേടുകളിൽ 

പാർട്ടിയുടെ ലേബലിൽ ജോലി കിട്ടിയ ഉദ്യോഗസ്ഥരെ ബലിയാടാക്കി നേതാക്കൾ കേസുകളിൽ നിന്നും രക്ഷപെടുകയാണ് എന്ന് ബിജെപി ജില്ലാ പ്രസിഡന്റ്‌ ബി.ബി.ഗോപകുമാർ പറഞ്ഞു. ബി.ബി. ഗോപകുമാർ പറഞ്ഞു ബിജെപി ചാത്തന്നൂർ മണ്ഡലം കമ്മിറ്റിയുടെ ആഭിമുഖ്യത്തിൽ നടന്ന സഹകരണ സംരക്ഷണ സദസ് ഉത്ഘാടനം ചെയ്തു സംസാരിക്കുകയായിരുന്നു. നെടുങ്ങോലം സർവീസ് സഹകരണ ബാങ്കിൽ ജോലി ചെയ്തിരുന്ന സിപിഎം ലോക്കൽ കമ്മിറ്റി അംഗമായിരുന്ന കുട്ടൻസുരേഷിന്റെ ആത്മഹത്യ അതിന്റെ മുഖ്യഉദാഹരണമാണ് എന്നും അദ്ദേഹം പറഞ്ഞു. ഇപ്പോഴും ഒരു ഉദ്യോഗസ്ഥനെ കേസിൽപ്പെടുത്തി 

ബലിയാടാക്കി നേതാക്കൾ രക്ഷപെടാൻ ശ്രമിക്കുകയാണ് എന്നും അദ്ദേഹം പറഞ്ഞു. മുൻ ഭരണസമിതിയുടെ കാലത്ത് സിപിഎം നേതാക്കൾ നെടുങ്ങോലം ബാങ്കിൽ നടത്തിയ സാമ്പത്തിക ഇടപാടുകൾ സിബിഐ അന്വേഷണം അനിവാര്യമാണ് ഉദ്യോഗസ്ഥർ മാത്രമല്ല ഭരണസമിതി അംഗങ്ങളും ഒരേ പോലെ പ്രതികളാണ് നേതാക്കൾ നടത്തിയ ക്രമക്കേടുകൾ പുറത്തു കൊണ്ട് വരാൻ സത്യസന്ധമായ അന്വേഷണം അനിവാര്യമാണ് അത് കൊണ്ട് തന്നെ നെടുങ്ങോലം ബാങ്കിൽ നടന്ന ക്രമകേടുകളെ കുറിച്ച് സിബിഐ അന്വേഷണം അനിവാര്യമാണ് എന്ന് ഗോപകുമാർ പറഞ്ഞു. ബിജെപി ചാത്തന്നൂർ മണ്ഡലം പ്രസിഡന്റ്‌ ശ്യാംപ്രവീൺ അധ്യക്ഷത വഹിച്ചു, കളിയാക്കുളം ഉണ്ണി,സഹകരണസെൽ ജില്ലാ കൺവീനർ എസ്.വി അനിത്ത്, നവീൻ.ജി.കൃഷ്ണ, ഗ്രാമപഞ്ചായത്ത്‌ അംഗം എൽ. രാഗിണി, രാജൻ പിള്ള, എസ്. കെ. ഉദയകുമാർ,ശരത് ചന്ദ്രൻ

മണ്ഡലം വൈസ് പ്രസിഡന്റ്‌ രാധാകൃഷ്ണൻ, സജീവ് എന്നിവർ സംസാരിച്ചു.

ദേശിയപാത അടിപാത നിർമാണം ശീമാട്ടി ജംഗഷൻ അപകടമേഖലയായി മാറുന്നു

ചാത്തന്നൂർ: ദേശിയപാത അടിപാത 

നിർമാണം ശീമാട്ടി ജംഗഷൻ അപകടമേഖലയായി മാറുന്നു ട്രാഫിക് സംവിധാനം ഒരുക്കണമെന്ന ആവശ്യം ശക്തമാകുന്നു.കഴിഞ്ഞ. ദിവസം നടന്ന അപകടത്തിൽ സ്കൂട്ടർ യാത്രക്കാരി മരിച്ചതോടെയാണ് നാട്ടുകാരും വ്യാപാരി വ്യവസായികളും ട്രാഫിക് സംവിധാനം ഒരുക്കണമെന്ന ആവശ്യവുമായി രംഗത്ത് എത്തിയത്. യാതൊരുവിധ സുരക്ഷാസംവിധാനവും ഒരുക്കാതെയാണ്  നിർമ്മാണപ്രവർത്തനങ്ങൾ നടത്തുന്നത്. തിരുവനന്തപുരം ഭാഗത്തേക്കുള്ള വാഹനങ്ങൾ പോകുന്നത് ശീമാട്ടി ജംഗഷനിലൂടെയുള്ള പൊട്ടിപൊളിഞ്ഞ റോഡിലൂടെയാണ്.

ബസുകൾ നിർത്താൻ ബസ് സ്റ്റോപ്പിനായി പ്രതേകം സ്ഥലം അനുവദിക്കാത്തത് മൂലം 

ആളിനെ കയറ്റാൻ ബസ് നിർത്തിയാൽ റോഡ് ബ്ലോക്ക് ആയി രൂക്ഷമായ ഗതാഗതകുരുക്ക് ഉണ്ടാകുകയാണ്. കൊല്ലം ഭാഗത്തേക്ക് പോകുന്ന ബസുകളും ഡ്രൈവർമാർക്ക് തോന്നിയപോലെ നിർത്തി ആളിനെ എടുക്കുകയാണ് അങ്ങനെ ഉണ്ടായ അപകടമാണ് ഇന്നലെ നടന്നത് കെ എസ് ആർ ടി സി ബസ് ആളിനെ കയറ്റിയിറക്കി കൊല്ലം ഭാഗത്തേക്ക് പോകുവാൻ 

റോഡിൽ കയറുമ്പോൾ ആണ് അപകടം ഉണ്ടായത്.നിർമ്മാണകമ്പനി അധികൃതരുടെ ആൾക്കാർ രാത്രിയിൽ ഗതാഗതം നിയന്ത്രിക്കാൻ ഉണ്ടെ ണ്ങ്കിലും പകൽ സമയം ഇല്ല പോലിസ് അധികൃതരും പഞ്ചായത്ത്‌ അധികൃതരും തിരിഞ്ഞു നോക്കുന്നില്ല എന്നാണ് പരാതി. യാതൊരു ഗതാഗത നിയന്ത്രണവും ഇല്ലാതെയുള്ള നിർമ്മാണപ്രവർത്തികൾ അപകടങ്ങൾക്ക് കാരണമാകുന്നുവെന്ന് നാട്ടുകാർ പറയുന്നു. ഇനിയും അപകടങ്ങൾ ഉണ്ടാവാതിരിക്കാനുള്ള മുൻകരുതലുകൾ അടിയന്തിരമായി 

ഉണ്ടാവണമെന്ന് വ്യാപരിവ്യവസായികളും നാട്ടുകാരും പറയുന്നു

ഫോട്ടോ: അപകടകെണിയായി മാറിയ ശീമാട്ടി ജംഗഷനിലെ നിർമ്മാണപ്രവർത്തികൾ നടക്കുന്ന സ്ഥലം 

ചാത്തന്നൂർ : സഹകരണവകുപ്പിലെ ഓഡിറ്റ് വിഭാഗം നടത്തിയ പരിശോധനയിൽ ഗുരുതര സാമ്പത്തിക ക്രമകേടുകൾ

ചാത്തന്നൂർ : സഹകരണവകുപ്പിലെ 

ഓഡിറ്റ് വിഭാഗം നടത്തിയ പരിശോധനയിൽ ഗുരുതര സാമ്പത്തിക ക്രമകേടുകൾ ഇടത് മുന്നണി ഭരിക്കുന്ന 

ചാത്തന്നൂർ നിയോജക മണ്ഡലത്തിലെ നാല് സഹകരണ ബാങ്കുകൾക്ക് എതിരെ സഹകരണ വകുപ്പിലെ ഓഡിറ്റ് വിഭാഗത്തിന്റെ പരാതിയുടെ അടിസ്ഥാനത്തിൽ പോലിസ് കേസെടുത്തു സിപിഎം ഭരിക്കുന്ന നടയ്ക്കൽ സഹകരണബാങ്ക്, നെടുങ്ങോലം സർവീസ് സഹകരണ ബാങ്ക്, ചാത്തന്നൂർ റീജിയണൽ സഹകരണ ബാങ്ക്, സിപിഐ ഭരിക്കുന്ന കലയ്ക്കോട് സർവീസ് സഹകരണ ബാങ്ക് എന്നീ സഹകരണ ബാങ്കുകൾക്കെതിരെയാണ് സഹകരണ ബാങ്കുകൾക്ക് എതിരെ സഹകരണ വകുപ്പിലെ ഓഡിറ്റ് വിഭാഗത്തിന്റെ പരാതിയുടെ അടിസ്ഥാനത്തിൽ പാരിപ്പള്ളി, ചാത്തന്നൂർ, പരവൂർ പോലിസ് സ്റ്റേഷനുകളിൽ പോലിസ് എഫ് ഐ ആർ ഇട്ട് കേസ് എടുത്തിരിക്കുന്നത്.

സഹകരണ റെജിസ്ടാർ രേഖമൂലം തപാൽ വഴി രജിസ്‌ട്രേഡ് ആയി

അയച്ച പരാതിയുടെ അടിസ്ഥാനത്തിലാണ് പോലിസ് കേസ് രെജിസ്റ്റർ ചെയ്തത്. നാല് ബാങ്കുകളിലും ഗുരുതരമായ സാമ്പത്തിക കുറ്റകൃത്യങ്ങളാണ് നടന്നത് സഹകരണ രജിസ്ട്രാർ അയച്ച പരാതിയിൽ ചൂണ്ടികാട്ടുന്നു. ഇ പരാതിയുടെ അടിസ്ഥാനത്തിലാണ് പോലിസ് കേസെടുത്ത് കേസ് രെജിസ്റ്റർ ചെയ്തിരിക്കുന്നത്. തുടർ നടപടികൾ കൈകൊണ്ട് കുറ്റാരോപിതർക്ക് എതിരെ അറസ്റ്റ് ഉൾപ്പെടെയുള്ള നടപടികളുമായി പോലിസ് മുന്നോട്ട് പോകുമെന്ന് പോലിസ് വൃത്തങ്ങൾ പറഞ്ഞു.

@ നെടുങ്ങോലം സർവീസ് സഹകരണബാങ്കിൽ നടന്നത് നിരവധി സാമ്പത്തിക ക്രമകേടുകൾ 

ഗുരുതരമായ സാമ്പത്തികക്രമകേടുകൾ നടന്നിട്ടുള്ള 

നെടുങ്ങോലം സർവീസ് സഹകരണ ബാങ്കിൽ സിപിഎം നേതാവായിരുന്ന അനിൽകുമാർ നേതൃത്വം കൊടുത്ത

 മുൻ ഭരണസമിതിയെ ഒന്നാകെ മാറ്റി പുതിയഭരണസമിതിയാണ് ഇപ്പോൾ ഭരിക്കുന്നത് സാമ്പത്തിക ക്രമകേടുകളുടെ പേരിൽ സിപിഎം ലോക്കൽ കമ്മിറ്റി അംഗമായ ജീവനക്കാരൻ ആത്മഹത്യ ചെയ്യുകയും മറ്റൊരു ഡി വൈ എഫ് ഐ നേതാവ് സസ്പെൻഷൻ ആയ സാഹചര്യവും നിലവിൽ ഉണ്ട്.

@ നടയ്ക്കൽ സഹകരണ ബാങ്കിൽ നടന്നിട്ടുള്ളത് കോടികണക്കിന് രൂപയുടെ ക്രമകേട്

ഗുരുതരമായ സാമ്പത്തിക ക്രമകേടുകളാണ് നടയ്ക്കൽ സർവീസ് സഹകരണ ബാങ്കിൽ നടന്നിട്ടുള്ളത് എന്ന് പരാതിയിൽ ചൂണ്ടികാണിക്കുന്നു. ലോൺ നടപടികളുടെ പേരിൽ ഗുരുതരമായ സാമ്പത്തിക തിരിമറികൾ ഭൂമാഫിയയായുമായി ചേർന്ന് നടത്തിയത് ഉൾപ്പടെ വൻക്രമകേടുകളാണ് ആഡിറ്റ് റിപ്പോർട്ടിൽ ചൂണ്ടി കാണിച്ചിട്ടുള്ളത്.

@ പോലിസ് നടപടികളിലേക്ക് നീങ്ങുന്ന 

സഹകരണ ബാങ്കുകളെ നയിക്കുന്നത് പ്രമുഖ സിപിഎം,സിപിഐ നേതാക്കളാണ്.

സിപിഎം ചാത്തന്നൂർ ഏരിയ കമ്മിറ്റി അംഗവും ലോയേഴ്സ് യൂണിയൻ നേതാവുമായ അഡ്വ. പി. കെ. ഷിബുവാണ് ചാത്തന്നൂർ സഹകരണ അർബൻ ബാങ്ക് പ്രസിഡന്റ്‌,

സിപിഎം ഏരിയ കമ്മിറ്റി അംഗവും മുൻ പാരിപ്പള്ളി ലോക്കൽ കമ്മിറ്റി സെക്രട്ടറിയുമായ പ്രമുഖ സിപിഎം നേതാവ് എൽ.ഗണേശൻ ആണ് പ്രസിഡന്റ്‌, നെടുങ്ങോലം സർവീസ് സഹകരണ ബാങ്കിൽ സിപിഎം നേതാവായ ആണ് പ്രസിഡന്റ്‌, കലയ്‌ക്കോട് സർവീസ് സഹകരണ ബാങ്കിൽ സിപിഐ മണ്ഡലം കമ്മിറ്റി അംഗമായ എസ്. സുഭാഷ് ആണ് പ്രസിഡന്റ്‌.ഇ നാല് ബാങ്കുകളിലും സെക്രട്ടറിമാരും സിപിഎം സിപിഐ അനുഭാവികളുമാണ്. പാർട്ടി അംഗങ്ങൾ വരെ സെക്രട്ടറിമാരായി ഉണ്ട് സിപിഎം ഏരിയ ലോക്കൽ കമ്മിറ്റി അംഗങ്ങൾ. സിപിഐ മണ്ഡലം ലോക്കൽ കമ്മിറ്റി അംഗങ്ങളാണ് ഡയറക്ടർ ബോർഡ് അംഗങ്ങൾ സ്റ്റാഫുകൾ പൂർണ്ണമായും സിപിഎംന്റെയും യുവജനസംഘടനകളുടെയും നോമിനികൾ തന്നെയാണ് എന്നിരിക്കെ പാർട്ടി തന്നെയാണ് ഇ ഗുരുതരമായ സാമ്പത്തിക ക്രമകേടുകൾ നടത്തിയിരിക്കുന്നത് എന്നത് വ്യക്തമാക്കുന്നതാണ് സിപിഎം ഭരണത്തിൽ സിപിഎം സിപിഐ നേതാക്കൾ നിയന്ത്രിക്കുന്ന ബാങ്കുകൾക്ക് നേരെയുണ്ടായ നടപടി.

നമുക്ക് പൂർണ്ണ മനസ്സാൽ നന്മ നിറഞ്ഞ പ്രവർത്തനങ്ങൾ ചെയ്യാം... ഫലത്തിൽ ഒട്ടും പ്രതീക്ഷ വെക്കാതെ... നന്മ കൈവിടാതെ...!

ഒരിക്കൽ ഒരു ജ്ഞാനി ഒരരുവിയിൽ സ്നാനം ചെയ്യുകയായിരുന്നു.. വെള്ളത്തിൽ കിടന്ന്,  മരണവെപ്രാളത്തിൽ പിടയുന്ന ഒരു തേളിനെ ജ്ഞാനികണ്ടു.

അദ്ദേഹം ഇരു കരങ്ങളിൽ അതിനെ കോരിയെടുത്ത്, കരയിലേക്കെറിഞ്ഞു. രക്ഷപ്പെടുത്താൻ ശ്രമിച്ചപ്പോൾ, തേൾ ജ്ഞാനിയുടെ  കൈവെള്ളയിൽ കുത്തി.

ജ്ഞാനിക്ക് അസഹ്യമായ വേദനയനുഭവപ്പെട്ടപ്പോൾ, അദ്ദേഹം കൈകുടഞ്ഞു.

അപ്പോൾ ആ ക്ഷുദ്രജീവി വെള്ളത്തിൽ വീണ്  താഴ്ന്നു പോകുമ്പോൾ ജ്ഞാനി വീണ്ടും അതിനെ കോരിയെടുത്തു. 

രണ്ടാം തവണയും അത് ജ്ഞാനിയെ കുത്തി വേദനിപ്പിച്ചു.

ജ്ഞാനി വീണ്ടും കൈ കുടഞ്ഞു. വീണ്ടും അത് വെള്ളത്തിൽ വീണു.

മൂന്നാം തവണയും ജ്ഞാനി അതിനെ രക്ഷപ്പെടുത്താൻ ശ്രമിച്ചപ്പോൾ അനുചരന്മാർ സംശയത്തോടെ ചോദിച്ചു..

സ്വാമിൻ, അങ്ങ് അതിനെ രക്ഷപ്പെടുത്താൻ ശ്രമിക്കുമ്പാഴൊക്കെ അത് അങ്ങയെ ഉപദ്രവിക്കുകയാണുണ്ടായത്. അതിനെ ഉപേക്ഷിച്ചു കളഞ്ഞൂടെ...?

ജ്ഞാനി മൂന്നാമത്തെ പരിശ്രമത്തിൽ അതിനെ കോരിയെടുത്ത് കരയിലേക്കെറിഞ്ഞു രക്ഷപ്പെടുത്തി. 

വേദന കൊണ്ട് പുളഞ്ഞ ജ്ഞാനി അനുചരരോട് ചോദിച്ച ഒരു ചോദ്യമുണ്ട്.

പതിനാല് നൂറ്റാണ്ടിപ്പുറവും ആ ചോദ്യം മുഴങ്ങുകയാണ്

ആ ജീവി അതിന്റെ തിന്മ ഉപേക്ഷിക്കുന്നില്ലെങ്കിൽ, ഞാൻ എന്തിന് എന്റെ നന്മ ഉപേക്ഷിക്കണം?

സംഘര്‍ഷ കലുഷിതമായ സമകാലിക സാഹചര്യത്തില്‍ എല്ലാ മനുഷ്യരും ഉറക്കെ വിളിച്ചു പറയേണ്ട സ്‌നേഹ ശബ്ദമാണത്‌. 

ഒരാള്‍ അയാളുടെ തിന്മ ഉപേക്ഷിക്കുന്നില്ലെങ്കില്‍,  

നാം എന്തിന്‌ നമ്മുടെ നന്മ ഉപേക്ഷിക്കണം.

നമുക്ക്  പൂർണ്ണ മനസ്സാൽ നന്മ നിറഞ്ഞ പ്രവർത്തനങ്ങൾ ചെയ്യാം... ഫലത്തിൽ ഒട്ടും പ്രതീക്ഷ വെക്കാതെ... 

നന്മ കൈവിടാതെ...!

കടപ്പാട് : സനാതന ധർമ്മം.

🌹ഉത്തമ ഭക്തൻ🙏

🌹ഉത്തമ ഭക്തൻ🙏

♥️♥️♥️♥️♥️♥️♥️♥️♥️♥️♥️♥️

ഏതു അമ്പലത്തിൽ പോയാലും കാണാം താൻ ഉത്തമ ഭക്തനാണെന്നു കാണിക്കാനുള്ള ചിലരുടെ ശ്രമം .അവരിൽ ചിലർ പറയും "ദിവസവും വരും ,ഭഗവാനെ കാണാതെ ഒരു തുള്ളി വെള്ളം പോലും കുടിക്കില്ല." മാത്രമല്ല അവിടെ യാ ദൃശ്ചികമായി കണ്ടുമുട്ടുന്ന സുഹൃത്തുക്കളോടൊ ബന്ധുക്കളോടോ വീട്ടുകാര്യങ്ങൾ സംസാരിച്ചു നില്ക്കാനാണ് അവർ കൂടുതൻ സമയവും ചിലവഴിക്കുക . ഭഗവാനെ പറ്റി ചിന്തിക്കാൻ അവർക്ക് നേരം ഇല്ല. തന്നെ പറ്റി സ്വയം പുകഴ്ത്തി പറയാനാണ് അവർ  എപ്പോഴും ശ്രമിക്കുക.

വലിയനാരായണ ഭക്തനായ നാരദമഹർഷി പോലും താൻ വലിയ ഭക്തനാണെന്ന് ചിന്തിച്ച ഒരു കഥ ഉണ്ട്.

  

ഒരിക്കൽ, താനാണ് ലോകത്തിലെ ഏറ്റവും വലിയഭക്തന്‍ എന്ന ഭാവത്തില്‍ നില്‍ക്കുന്ന നാരദരെ കണ്ട ഭഗവാൻ നാരദരോട് പറഞ്ഞു "നാരദരെ, ഭൂമിയില്‍ എന്റെ ഏറ്റവും വലിയ ഒരു ഭക്തന്‍ ഉണ്ട്. അദ്ദേഹത്തെ  പരിചയപ്പെട്ടു വരൂ". നാരദര്‍ ഇത് കേട്ടു വല്ലാതെ അത്ഭുതപ്പെട്ടു. "തന്നെക്കാള്‍ വലിയ ഭക്തനോ ?" ഭഗവാനോട് ഒന്നും പറയാതെ നാരദര്‍ ഭൂമിയിലെത്തി.

ഭഗവാന്‍ പറഞ്ഞ ഭക്തനെകണ്ടെത്തി. ഒരു സാധാരണ കര്‍ഷകന്‍. കലപ്പയുമായി വീട്ടില്‍ നിന്ന് ഇറങ്ങിയപ്പോള്‍ അയാള്‍ 'ഹരി 'എന്നു പറഞ്ഞു . വയലില്‍ കന്നുപൂട്ടിയപ്പോള്‍ കര്‍ഷകന്‍ വീണ്ടും 'ഹരി 'എന്ന് പറഞ്ഞു . ജോലി എല്ലാം കഴിഞ്ഞുരാത്രി ഉറങ്ങാന്‍ കിടക്കുമ്പോള്‍ അയാള്‍ വീണ്ടും 'ഹരി' എന്ന് പറഞ്ഞു. ഇരുപത്തിനാല് മണിക്കൂറിനുള്ളില്‍ മൂന്ന് തവണ മാത്രം ഭഗവാനെവിളിക്കുന്ന ഇയാളാണോ ഇത്ര വലിയ ഭക്തന്‍. താനാനെങ്കില്‍ സാദാ സമയവും ഹരിനാമകീര്‍ത്തനം ചൊല്ലിനടക്കുന്നു...

നാരദര്‍ തിരിച്ചു ചെന്ന് മഹാവിഷ്ണുവിനോട്‌ ചോദിച്ചു.. "മൂന്നു പ്രാവശ്യം ഹരിനാമം സ്മരിക്കുന്നവനാണോ ഏറ്റവും വലിയഭക്തന്‍...?" ഭഗവാന്‍ മറുപടി പറഞ്ഞില്ല. പകരം ഒരു ചെറിയ ഭരണിയില്‍ നിറഞ്ഞു തുളുമ്പും വിധംഎണ്ണ നല്‍കിയിട്ട് വൈകുണ്ഠത്തിനു ചുറ്റും ഒരു പ്രദക്ഷിണം വയ്ക്കാന്‍ ആവശ്യപ്പെട്ടു. എണ്ണ ഒരു തുള്ളി പോലും തുളുമ്പി പോകരുതെന്നും നിർദ്ദേശിച്ചു. നാരദര്‍ അത് അനുസരിച്ചു .

ഒരു വട്ടം പ്രദക്ഷിണം ചെയ്തു വന്ന നാരദരോട് ഭഗവാന്‍ ചോദിച്ചു : " നാരദരെ , പ്രദക്ഷിണം ചെയ്യുമ്പോള്‍ അങ്ങ് എത്ര പ്രാവശ്യം നാമംജപിച്ചു ? "എങ്ങനെ ജപിക്കാനാ ഭഗവാനെ ? എന്റെ ശ്രദ്ധ മുഴുവന്‍ എണ്ണ ഭരണിയില്‍ ആയിരുന്നു .  നാരദരെ, സാദാ നാമജപത്തില്‍ മുഴുകി ഇരിക്കുന്ന താങ്കളുടെ ശ്രദ്ധയെ അതില്‍ നിന്നും മാറ്റുവാന്‍   ഈ എണ്ണ ഭരണിക്ക് കഴിഞ്ഞു. ഒരു പ്രാവശ്യം പോലും അങ്ങ് എന്നെ സ്മരിച്ചില്ല .

അപ്പോള്‍ ജീവിതത്തിലെ കഷ്ട്ടപ്പാടുകള്‍ക്കിടയിലും ആ പാവം കര്‍ഷകന്‍ മൂന്ന് പ്രാവശ്യം എന്നെ എന്നും മുടങ്ങാതെ സ്മരിക്കാന്‍ മറക്കുന്നില്ല. അത്തരക്കാരാണ് ശരിയായ ഭക്തർ. നാം ഒന്ന് മനസ്സിലാകുക ഏതു സാഹചര്യത്തിലും ചിട്ടയോടെ ഈശ്വരസ്മരണ ചെയ്യാന്‍ കഴിയുന്ന ആളാണ് യഥാര്‍ത്ഥ ഭക്തന്‍. താൻ വലിയ ഭക്തനാണെന്ന് പറഞ്ഞു നടക്കുന്നതിലല്ല കാര്യം. മറ്റു ഭക്തർക്ക്‌ ഒരു തരത്തിലും ബുദ്ധിമുട്ടുകൾ സൃഷ്ടിക്കാതെ, ആരെയും താഴ്ത്തി കെട്ടാതെ. മനസ്സിൽ  ഈശ്വര നാമങ്ങൾ ജപിച്ചു, മാത്രം ജീവിക്കുക .🙏

              🙏 ഓം നമോ നാരായണ 🙏

♥️♥️♥️♥️♥️♥️♥️♥️♥️♥️♥️♥️♥️♥️♥️

ദേശിയപാത നിർമാണത്തിലെ ശുദ്ധജല വിതരണത്തിനുള്ള പൈപ്പ് ലൈൻ വിതരണം അശാസ്ത്രിയമായി പരാതിയുമായി നാട്ടുകാർ.

ചാത്തന്നൂർ : ദേശിയപാത നിർമാണത്തിലെ ശുദ്ധജല വിതരണത്തിനുള്ള പൈപ്പ് ലൈൻ വിതരണം അശാസ്ത്രിയമായി പരാതിയുമായി നാട്ടുകാർ. ചാത്തന്നൂർ സ്പിന്നിംഗ് മില്ലിന് സമീപമാണ് ഓടയുടെ മറു സൈഡിൽ ട്രയിനേജ് ക്രോസ്സ് ചെയ്തു കൊണ്ട് സർവീസ് റോഡിന്റെ ഭാഗത്ത് കയറി പ്രധാന പൈപ്പ് ലൈനും സർവീസ് ലൈനും ഇട്ട് കോൺക്രീറ്റ് ഇട്ട് സർവീസ് റോഡ് നിർമ്മാണവും പൂർത്തിയാക്കിയത്. ദേശിയപാത കരാറുകാരുടെ സബ് എടുത്തിരിക്കുന്ന കരാറുകാർ തമ്മിലുള്ള ഏകോപനമില്ലായ്മയാണ് അപാകതയുണ്ടാവാൻ കാരണമെന്ന് വിദ്ഗ്ദർ പറയുന്നു.നിലവിലുള്ള സ്കെച്ചും പ്ലാനും അനുസരിച്ചു നിർമ്മാണ നടക്കുന്നത് സർവീസ് റോഡിൽ കൂടി യാതൊരു വിധ കേബിൾ പൈപ്പ് ലൈൻ എന്നിവ കടത്തിവിട്ട് കൂടാ എന്നാണ് എന്നാൽ ഇതെല്ലാം അട്ടിമറിച്ചു കൊണ്ടാണ് നിർമ്മാണപ്രവർത്തികൾ നടക്കുന്നത്. പൈപ്പ് പൊട്ടിയാൽ സർവീസ് റോഡ് വെട്ടിപൊളിക്കേണ്ട സ്ഥിതിയിൽ കാര്യങ്ങൾ എത്തും അങ്ങനെ വന്നാൽ ഗതാഗത സ്തഭനം ഉണ്ടാകും ഇതെല്ലാം അട്ടിമറിച്ചു കൊണ്ടാണ് ദേശിയപാത നിർമ്മാണപ്രവർത്തനങ്ങൾ നടക്കുന്നത്. അടിയന്തിരമായി ദേശിയപാത അതോറിറ്റി ഉദ്യോഗസ്ഥർ ഇടപെടൽ നടത്തണമെന്നാണ് ജനങ്ങളുടെ ആവശ്യം.

ചിറക്കര സഹകരണബാങ്ക് നിയമന വിവാദം സിപിഐ ലോക്കൽ കമ്മിറ്റി അംഗത്തിന് വെട്ടേറ്റു

ചിറക്കര സഹകരണബാങ്ക് നിയമന വിവാദം സിപിഐ ലോക്കൽ കമ്മിറ്റി അംഗത്തിന് വെട്ടേറ്റു 

ചാത്തന്നൂർ: ചിറക്കര സർവീസ് ബാങ്കിൽ നിയമന വിവാദം സിപിഐ ലോക്കൽ കമ്മിറ്റി അംഗത്തിനെ വീട് കയറി വെട്ടി പരിക്കേല്പ്പ്പിച്ചു. സിപിഐ ഉളിയനാട് ബ്രാഞ്ച് സെക്രട്ടറിയും ലോക്കൽ കമ്മിറ്റി അംഗവുമായ ബിനുകുമാറി(45)നെ മറ്റൊരു ലോക്കൽകമ്മിറ്റി അംഗമായ 

 മറുത സുനി എന്ന് വിളിക്കുന്ന സുനിൽ ആണ് ഇന്നലെ ഉച്ചയ്ക്ക് ഒന്നരയോടെ ബിനുകുമാർ വീട്ടിൽ നിൽക്കുമ്പോൾ യാതൊരു പ്രകോപനവും കൂടാതെ ആക്രമിക്കുകയും കൊടുവാൾ ഉപയോഗിച്ച് തലയ്ക്ക് വെട്ടുകയും ചെയ്തത്. ബിനുവിന്റെ നിലവിളി കേട്ട് വീട്ടുകാരും നാട്ടുകാരും ഓടികൂടിയതോടെ സുനിൽ ഓടി രക്ഷപെട്ടെങ്കിലും പോലിസ് അറസ്റ്റ് ചെയ്യുകയായിരുന്നു. ചിറക്കര സഹകരണ ബാങ്ക് നിയമനത്തിൽ ബിനുകുമാറിന്റെ ഭാര്യയ്ക്കും സിപിഐ വനിതാ നേതാവ് മായസുരേഷിന്റെ മകൾക്കും ജോലി ലഭിച്ചിരുന്നു ഇതിനെ തുടർന്ന് ഉണ്ടായ തർക്കമാണ് ആക്രമണത്തിൽ കലാശിച്ചത്.നിരവധി ചർച്ചകൾ സിപിഐ മണ്ഡലം തലത്തിൽ ചർച്ചകൾ നടത്തിയെങ്കിലും പ്രശ്നം പരിഹാരമാകാത്തതിനെ തുടർന്ന് 

 ജില്ലാ സെക്രട്ടറി സൂപാലിന്റെ സാന്നിധ്യത്തിൽ ചർച്ച നടത്താൻ ഇരിക്കവേയാണ് ഇന്നലെ സിപിഐ ലോക്കൽ കമ്മിറ്റി അംഗങ്ങൾ തമ്മിൽ ഏറ്റുമുട്ടിയത്. സുനിലിനെ ചാത്തന്നൂർ പോലിസ് അറസ്റ്റ് ചെയ്തു

കേസ് രെജിസ്റ്റർ ചെയ്തു 

കോടതിയിൽ ഹാജരാക്കി ബിനുകുമാറിനെ നെടുങ്ങോലം താലൂക്ക് ആശുപത്രിയിൽ പ്രവേശിപ്പിക്കുകയും 

പരിക്ക് ഗുരുതരമായതിനാൽ 

അവിടെ നിന്നും പാരിപ്പള്ളി മെഡിക്കൽ കോളേജിലേക്കും മാറ്റി ചാത്തന്നൂർ പോലിസ് കേസെടുത്തു.

കൊല്ലം നഗരത്തിൽ തെരുവ് വിളക്കുകൾ കത്തുന്നില്ല ഭീതിയൊഴിയാതെ ജനം

കൊല്ലം നഗരത്തിൽ തെരുവ് വിളക്കുകൾ കത്തുന്നില്ല 

ഭീതിയൊഴിയാതെ ജനം 

കൊല്ലം: നഗരത്തിന്റെ  തിരക്കേറിയ  പ്രധാന ഭാഗങ്ങളിൽ തെരുവ് വിളക്കുകൾ പ്രകാശിക്കാത്തത് മൂലം  ജനങ്ങളുടെ രാത്രി യാത്ര  ഭീതിജനകമായി മാറുന്നു. രാപകൽ ഭേദമില്ലാതെ ട്രയിനുകൾ വരികയും പോകുകയും ചെയ്യുന്ന കൊല്ലം റെയിൽവെ സ്റ്റേഷന് മുൻവശത്തെ റോഡിലൊരിടത്തും തെരുവ് വിളക്കുകൾ കത്തുന്നില്ല. പോസ്റ്റുകളിൽ  വിളക്കുകൾ 

സ്ഥാപിച്ചിട്ടുണ്ടെങ്കിലും ഇവയൊന്നും പ്രകാശിക്കുന്നവയല്ല.

റെയിൽവെ സ്റ്റേഷന് മുൻവശത്തും പോസ്റ്റ് ഓഫീസിന് മുൻ വശത്തും രാത്രി പത്ത് മണി വരെ സ്ത്രീകൾ ഉൾപ്പെടെയുള്ളവർ ബസ് കാത്ത് നിൽക്കുന്നത് കൂരിരുട്ടത്താണ്. റെയിൽവെ സ്റ്റേഷന് മുൻവശം മുതൽ ചെമ്മാൻമുക്ക് വരെയുള്ള ഭാഗങ്ങളിലും തെരുവ് വിളക്കുകളൊന്നും പ്രകാശിക്കുന്നില്ല. ഈ റോഡിൽ കാറുകളും ബൈക്കും പാർക്ക് ചെയ്തിരിക്കുന്നവരും വെളിച്ചമില്ലാത്തത് മൂലം ഏറെ ബുദ്ധിമുട്ടുന്നുണ്ട്. സ്ത്രീകളും കുട്ടികളുമായി എത്തുന്നവരാണ് വെളിച്ചമില്ലാത്തതിന്റെ ബുദ്ധിമുട്ട് ഏറെ അനുഭവിക്കുന്നത്. സന്ധ്യയായിക്കഴിഞ്ഞാൽ സാമൂഹ്യവിരുദ്ധരും പിടിച്ചുപറിക്കാരും വെളിച്ചമില്ലായ്മ മുതലെടുത്ത് ഈ പ്രദേശങ്ങളിൽ തമ്പടിക്കുന്നുമുണ്ട്. റെയിൽവെ സ്റ്റേഷന് മുൻവശത്ത് രാത്രി വാഹനങ്ങളുടെ വെളിച്ചവും ചില പരസ്യബോർഡുകളിലെ അരണ്ട വെളിച്ചവും മാത്രമാണ് ആളുകൾക്ക് സഹായകമാകുന്നത്. ചിന്നക്കട മേൽപ്പാലത്തിലേയും മിക്ക ലൈറ്റുകളും പ്രകാശിക്കാത്തവയാണ്. റെയിൽവെ സ്റ്റേഷൻ റോ‌ഡിൽ നിന്ന് എ ആർ ക്യാമ്പലേയ്ക്കുള്ള ക്യു എ സി. റോഡിലും മിക്ക തെരുവ് വിളക്കുകളും പ്രകാശിക്കുന്നില്ല. ക്യാമ്പിന് സമീപത്തെ ടി കെ ദിവാകരൻ സ്മാരക നെഹ്‌റു പാർക്കും കൂരിരുട്ടിലാണ്. ഈ വെളിച്ചമില്ലായ്മ മുതലെടുത്ത് ഇവിടെ അനാശാസ്യപ്രവർത്തനങ്ങളും മദ്യപാനവും പതിവുമാണ്. ഈ ഭാഗത്ത്   റെയിൽവെ ഓവർ ബ്രിഡ്ജിലും തെരുവ് വിളക്കുകൾ സ്ഥാപിച്ചിട്ടില്ല. ഈ ഭാഗത്ത് ട്രാഫിക് ഐലന്റും അനുബന്ധ റോഡുകളിലും തെരുവ് വിളക്കുകൾ കത്തുന്നില്ല 

കഴിഞ്ഞ മാസം എ  ആർ. ക്യാമ്പ് മുതൽ അയ്യൻകാളി പ്രതിമ നിൽക്കുന്ന സ്ഥലം വരെയുള്ള  പോസ്റ്റുകളിൽ അറ്റകുറ്റപണികൾ നടത്തിയെങ്കിലും ദിവസങ്ങൾക്കകം അണഞ്ഞു.

തിരക്കേറിയ കടപ്പാക്കട ജംഗ്ഷനിലും സമീപങ്ങളിലും. ലൈറ്റുകൾ കാത്തുന്നുണ്ട് എങ്കിലും ദേശിയപാതയോരങ്ങളിൽ 

പലയിടത്തും അണഞ്ഞു തന്നെ 

 ചിന്നക്കടയിൽ അടിപ്പാതയിൽ ഉൾപ്പടെ  തെരുവ് വിളക്കുകളില്ലാത്തതിനാൽ രാത്രി ചിലയാളുകൾക്ക് ദുരിതവും മറ്റ് ചിലർക്ക് അനുഗ്രഹവുമാണ്. തെരുവ് വിളക്കുകൾ പ്രകാശിക്കാത്തതിനെപ്പറ്റി പരാതി പറയുമ്പോൾ വ്യക്തമായ മറുപടി നൽകാൻ കോർപ്പറേഷൻ അധികൃതർ തയ്യാറാകുന്നുമില്ല. ആവശ്യമായ പണമടച്ചാലും വൈദ്യുതി വകുപ്പ് ഫലപ്രദമായി പ്രവർത്തിക്കുന്നില്ലെന്നാണ് ഒരാക്ഷേപം. പരസ്യ നികുതി പിരിക്കുന്നതിന് പകരമായി നഗരത്തിലെ തെരുവ് വിളക്കുകൾ സ്ഥാപിച്ച് കൊള്ളാമെന്ന വ്യവസ്ഥയിൽ ഒരു സ്വകാര്യ സ്ഥാപനത്തിന് തെരുവ് വിളക്കുകൾ സ്ഥാപിച്ച് പ്രകാശിപ്പിക്കുന്നതിനുള്ള കരാർ ഉണ്ടാക്കിയിട്ടുണ്ട്.  എന്നാൽ ആ സ്ഥാപനവും കാര്യക്ഷമമായി പ്രവർത്തിക്കുന്നില്ല. ഇതേപ്പറ്റി ചോദിക്കുമ്പോൾ കിട്ടാനുള്ള പണത്തിന്റെ കണക്ക് ചൂണ്ടിക്കാട്ടി ഓരോ ഒഴിവ്കഴിവുകൾ പറയുകയാണ് കോർപ്പറേഷനിലെ ബന്ധപ്പെട്ട ഉദ്യോഗസ്ഥർ. ഇത്തരം ആക്ഷേപങ്ങൾക്കും തർക്കങ്ങൾക്കുമിടയിൽ രാത്രി ഇരുട്ടിൽത്തപ്പാനാണ് കൊല്ലത്തെത്തുന്നവരുടെ വിധി.

പരവൂരിൽ നിന്നും രാത്രി ബസുകൾ മുടങ്ങുന്നു, യാത്രക്കാർ വലയുന്നു

പരവൂരിൽ നിന്നും 

രാത്രി ബസുകൾ മുടങ്ങുന്നു, യാത്രക്കാർ വലയുന്നു 

പരവൂർ : സന്ധ്യ കഴിഞ്ഞാൽ പരവൂരിൽ 

മറ്റ് സ്ഥലങ്ങളിലേക്ക് പോകുന്ന 

രാത്രി ബസുകൾ മുടങ്ങുന്നതുകാരണം  യാത്രക്കാർ വലയുന്നു.രാത്രി ഒൻപത് 

മണി വരെ പരവൂരിൽ നിന്നും വിവിധ ഭാഗങ്ങളിലേക്കും തിരിച്ചു പരവൂരിലേക്കും പ്രൈവറ്റ് ബസ് സർവീസുകൾ ഉണ്ട്. പക്ഷെ ഏഴ് മണിക്ക് മുൻപ് ട്രിപ്പ്‌ അവസാനിപ്പിക്കുന്നത് പതിവായി മാറിയിരിക്കുകയാണ്.

ഇതുകാരണം പരവൂരിൽ നിന്നും സമീപപ്രദേശങ്ങളിലേക്കും മറ്റും ജോലിക്ക് പോയിവരുന്ന തൊഴിലാളികൾ തിരികെയെത്താൻ കഷ്ടപ്പെടുന്നു.തിരിച്ചു പരവൂരിൽ നിന്നും ചാത്തന്നൂർ, പാരിപ്പള്ളി, വർക്കല എന്നീ ഭാഗങ്ങളിലേക്ക് പോകുന്ന 

രാത്രി ബസുകളും കൊറോണകാലഘട്ടത്തിന് ശേഷം പുന:സ്ഥാപിച്ചിട്ടില്ല. ഇ ബസുകൾ പകൽ സമയത്ത് ട്രിപ്പ് നടത്തുമെങ്കിലും വൈകുന്നേരം 6.30ന് ട്രിപ്പ്‌ അവസാനിപ്പിക്കുകയാണ്.

ഇത് മൂലം 

കാർ, ഓട്ടോ എന്നിവ വിളിച്ച് വീടുകളിൽ എത്തേണ്ട ഗതികേടിലാണ് യാത്രക്കാർ.

ഇരുപത്തിനാല് മണിക്കൂർ ചികിത്സയുള്ള 

നെടുങ്ങോലം താലൂക്ക് ആശുപത്രിയിലേക്ക് ചികിത്സതേടി വരുന്നവർക്ക് രാത്രി വൈകി പോകുന്നത്തിനും ദൂരസ്ഥലങ്ങളിൽ പഠനത്തിന് പോയി തിരിച്ചു വരുന്ന വിദ്യാർത്ഥികളും ജോലിക്ക് പോയി തിരികെ വരുന്നവരും യാത്രദുരിതത്തിലാണ്.

ഉത്സവകാലമായതിനാൽ ഇ ക്ഷേത്ര നഗരിയിലേക്ക് ദൂരദേശങ്ങളിൽ നിന്ന് പോലും ഭക്തജനങ്ങൾ എത്തുകയാണ് ഒപ്പം ക്ഷേത്രകലാകാരന്മാരും ഇവിടേക്ക് വരുന്നുണ്ട് ഇവരെല്ലാം ബസുകൾ ഇല്ലാത്തത് മൂലം വലയുകയാണ് 

@ ജനങ്ങൾ രാത്രിയാത്ര ഒഴിവാക്കുന്നു.

മുൻസിപ്പാലിറ്റിയായ പരവൂരിൽ നിന്നും പൂതക്കുളം, കലയ്ക്കോട്, നെല്ലേറ്റിൽ, പാരിപ്പള്ളി മെഡിക്കൽ കോളേജ്, കാപ്പിൽ ഇടവാ വഴി വർക്കല തുടങ്ങിയ സ്ഥലങ്ങളിലേക്കും മറ്റും ജനങ്ങൾ രാത്രി കാലങ്ങളിൽ യാത്ര ചെയ്യുന്നുണ്ട് ബസുകൾ ഇല്ലാത്തത് മൂലം പലരും രാത്രിയാത്ര ഒഴിവാക്കുകയാണ്. സാധാരണക്കാരായ ജനങ്ങളാണ് ഇത് മൂലം വലയുന്നത്. രാത്രിയിൽ പാരിപ്പള്ളി മെഡിക്കൽ കോളേജിലും നെടുങ്ങോലം ആശുപത്രിയിയിലും ചികിത്സയ്ക്കായി എത്തണമെങ്കിൽ ആട്ടോയും കാറും തന്നെയാണ് ശരണം. പ്രൈവറ്റ് ബസുകൾ മുഴുവൻ ട്രിപ്പുകളും ഓടിച്ചു കൊണ്ട് ജനങ്ങളുടെ യാത്രദുരിതത്തിന് പരിഹാരം ഉണ്ടാക്കണമെന്ന ആവശ്യമാണ് ഉയരുന്നത്.

@ പരവൂരിനെ അവഗണിച്ചു 

കെ എസ് ആർ ടി സിയും 

കെ എസ് ആർ ടി സിയുടെ ചാത്തന്നൂർ 

ഡിപ്പോയിൽനിന്ന് ചെയിൻ സർവീസ് അടക്കം നടത്തികൊണ്ടിരുന്ന ഇ റൂട്ടിൽ പേരിന് വേണ്ടി ഒന്നോ രണ്ടോ ബസുകൾ ഉണ്ട് പരവൂരിനെ അവഗണിക്കുന്ന സമീപനമാണ് കെ എസ് ആർ ടി സിയുടെ എന്ന് നാട്ടുകാർ ആരോപിക്കുന്നു. രാത്രിയിൽ കൂടുതൽ ബസുകൾ ഓടിക്കണമെന്ന് നാട്ടുകാർ ആവശ്യപ്പെട്ടു. കൊറോണ സമയത്തിന് മുൻപ് രാത്രി ഓടികൊണ്ടിരുന്ന സർവീസുകൾ പുന:സ്ഥാപിക്കണമെന്ന ആവശ്യമാണ് ഉയരുന്നത്.