@കേന്ദ്ര പദ്ധതികൾ എല്ലാം അട്ടിമറിച്ചു
@ കൈത്തറി സംഘങ്ങൾ എല്ലാം കടലാസ് സംഘങ്ങളാക്കി പോക്കറ്റിൽ ഒതുക്കി ഇടതു നേതാക്കൾ
ചാത്തന്നൂർ: ഒരു വലിയ വിഭാഗം ജനങ്ങളുടെ പട്ടിണി മാറ്റിയിരുന്ന
കൈത്തറി കളങ്ങളില്‍നിന്ന് ഉയരുന്നത് തൊഴിലാളികളുടെ ദീനരോദനം. കേരളം മാറി മാറി ഭരിച്ചിരുന്ന എൽ.ഡി.എഫ്
യുഡിഎഫ് സര്‍ക്കാരുകൾ തകര്‍ത്തെറിഞ്ഞ പരമ്പരാഗത വ്യവസായങ്ങളുടെ പട്ടികയില്‍ പ്രഥമസ്ഥാനത്താണ് കൈത്തറി വ്യവസായം. മുതലാളിമാരുടെ ചൂഷണത്തിൽ നിന്നും ഒഴിവാക്കാൻ
തൊഴിലാളികൾ രൂപികരിച്ച കൈത്തറി സംഘങ്ങൾ ഇന്ന് ഇടത് മുന്നണി നേതാക്കളുടെ പോക്കറ്റ് സംഘങ്ങളായി മാറി എല്ലാം കടലാസിൽ ഒതുങ്ങി നേതാക്കന്മാരുടെയും സെക്രട്ടറിമാരുടെയും കീശയിൽ എത്തിയപ്പോൾ തൊഴിലാളികൾ പട്ടിണിയിലായി. മുഖ്യ ഉദാഹരണമായി
ചാത്തന്നൂർ പഞ്ചായത്തിലെ ഇടതുമുന്നണി ഭരിക്കുന്ന വരിഞ്ഞo കൈത്തറിയിൽ സിപിഎം നേതാവായിരുന്ന
സെക്രട്ടറി അടിച്ചുമാറ്റിയത് ലക്ഷങ്ങൾ ഇന്ന് ഇ കേസ് അട്ടിമറിക്കാനുള്ള ശ്രമമാണ് നടക്കുന്നത്. ഇതെല്ലാം കൊണ്ട് തന്നെ കൊല്ലം ജില്ലയിലെ കൈത്തറി സംഘങ്ങള്‍ എല്ലാം കടക്കെണിയിലായി. കൈത്തറി സംഘങ്ങളെ കൈപിടിച്ചുയര്‍ത്താന്‍ സംസ്ഥാന സര്‍ക്കാരിന്റെ ഭാഗത്തുനിന്നു ഒരു ഇടപെടലും ഉണ്ടാകുന്നില്ല. കേന്ദ്രസർക്കാരിന്റെ പദ്ധതികൾ എല്ലാം സംസ്ഥാന സർക്കാരുകൾ അട്ടിമറിച്ചു.
കൊല്ലം ജില്ലയിലെ മയ്യനാട്, കൊല്ലം, കൊട്ടാരക്കര, ചാത്തന്നൂര്‍ സര്‍ക്കിളുകളിലായി
36 കൈത്തറി സംഘങ്ങള്‍ ഉണ്ടായിരുന്നു. ഇന്ന് ആ സംഘങ്ങളുടെ എണ്ണം ഇന്ന് 22 ആയി ചുരുങ്ങി. ഇതിൽ പ്രവർത്തനവും ഇല്ലാത്ത അവസ്ഥയിലാണ്.
സംഘങ്ങളില്‍ പലതും അടച്ചുപൂട്ടലിന്റെ വക്കിലാണ്. ബാങ്കുകള്‍ സംഘങ്ങള്‍ക്ക് നല്‍കിയ വായ്പ പലിശയും കൂട്ടുപലിശയുമൊക്കെയായി ജപ്തിയുടെ വക്കിലെത്തി.
പ്രവര്‍ത്തിക്കുന്ന സംഘങ്ങളില്‍ വൃദ്ധരായ തൊഴിലാളികളാണ് ജോലി ചെയ്യുന്നത്. ഒരു മീറ്റര്‍ തുണി നെയ്യാന്‍ 30 രൂപയില്‍ താഴെയാണ് കൂലി ലഭിക്കുന്നത്. വിദഗ്ദ്ധതൊഴിലാളിക്കുപോലും ദിവസം നാലോ അഞ്ചാ മീറ്റര്‍ മാത്രമെ നെയ്യാന്‍ കഴിയൂ. അതിനാല്‍ പുതിയ തലമുറ ഈ തൊഴിലിലേക്ക് കടന്നുവരാന്‍ മടിക്കുന്നു. തൊഴിലാളികളുടെ വ്യവസായ നവീകരണത്തിനോ സര്‍ക്കാരിനു താല്‍പ്പര്യമില്ല. കൈത്തറി നെയ്ത്തില്‍ സര്‍ക്കാര്‍ പരിശീലനപദ്ധതികളുമില്ല. ആധുനിക തറികളില്‍ പരശീലനം ലഭിച്ചയാള്‍ പരമ്പരാഗത തറികള്‍ മാത്രമുള്ള സംഘങ്ങളില്‍ ജോലി നോക്കേണ്ട അവസ്ഥയാണ്.
കേന്ദ്രത്തിൽ ബിജെപി സര്‍ക്കാര്‍ അധികാരത്തിലെത്തിയ നാൾ മുതൽ കൈത്തറി വ്യവസായത്തെ പ്രോത്സാഹിപ്പിക്കാന്‍ വലിയ ഇടപെടലുകള്‍ നടത്തിയിരുന്നു. അതെല്ലാം തന്നെ സംസ്ഥാന സർക്കാർ അട്ടിമറിച്ചു.
ഓണം പോലുള്ള വിശേഷാവസരങ്ങളില്‍ കൈത്തറിസംഘങ്ങള്‍ 20 ശതമാനത്തിലധികം റിബേറ്റ് നല്‍കിയാണ് തുണികള്‍ വില്‍ക്കുന്നത്.
എന്നാല്‍ പലപ്പോഴും സർക്കാർ ഇ തുക നൽകാറില്ല ചില സമയത്ത് സംഘങ്ങള്‍ക്ക് സർക്കാർ റിബേറ്റ് തുക നല്‍കുന്നില്ല. കൈത്തറി സംഘങ്ങള്‍ക്ക് ഹാന്‍ഡക്സ് നല്‍കാനുള്ള തുകയും പലപ്പോഴും കുടിശികയാണ്. കുടിശിക നല്‍കിയാല്‍തന്നെ സംഘങ്ങള്‍ക്ക് ആശ്വാസമാകും. അടിയന്തരമായി സർക്കാർ ഇടപെടല്‍ ഉണ്ടായില്ലെങ്കില്‍ കൈത്തറി വ്യവസായവും ചരിത്രത്തില്‍ ഇടം നേടുന്ന കാലം വിദൂരമല്ല.
No comments:
Post a Comment