പരവൂർ : കമ്മ്യുണിസ്റ്റ് ഭരണകൂട ഭീകരതയുടെ ക്രൂരമുഖം കാണണമെങ്കിൽ ചിറക്കര പഞ്ചായത്തിലെ താവണംപൊയ്കയിൽ എത്തണം.
കല്ലുവാതുക്കൽ ജംക്‌ഷനിൽ നിന്നും അഞ്ച് കിലോമീറ്റർ മാറി ചിറക്കര ഗ്രാമപഞ്ചായത്തിലെ എട്ടാം വാർഡിലെ താവണംപൊയ്ക എന്ന സ്ഥലത്ത് കാട്ടിക്കട പ്രദേശത്ത് സ്ഥിതി ചെയ്യുന്ന ടാർ മിക്സിങ് പ്ലാന്റ് പ്രദേശത്ത് മരണം വിതച്ചു കൊണ്ട് ഭരണകൂട ഭീകരതയുടെ കപടവും ക്രൂരവുമായ മുഖമായി മാറിയിരിക്കുന്നു.
ബ്രാഞ്ച് സെക്രട്ടറി കൂടിയായ പ്രമുഖ സിപിഎം നേതാവിന്റെ ഭൂമിയിൽ
2005 ൽ ആണ് പ്ലാന്റിന്റെ പ്രവർത്തനം ആരംഭിച്ചത്. കശുവണ്ടി ഫാക്ടറി ആരംഭിക്കാൻ പോകുന്നു എന്ന വ്യാജേനയാണ് ഫാക്ടറി ആരംഭിക്കുന്നത്.
കശുവണ്ടി ഫാക്ടറി ആരംഭിക്കുകയും പ്രദേശത്തെ ജനങ്ങൾക്ക് അതിലൂടെ ജോലി നൽകാമെന്ന് വാഗ്ദാനം നൽകുകയും ചെയ്തു. പ്ലാന്റ് ഉടമസ്ഥരുടെ വാക്ക് വിശ്വസിച്ച് പ്രദേശവാസികൾ നിരവധി പേപ്പറുകളിൽ കൈയൊപ്പും വിരലടയാളവും രേഖപ്പെടുത്തി.
എന്നാൽ ദിവസങ്ങൾ കഴിഞ്ഞപ്പോൾ പ്രദേശവാസികളുടെ കണ്ണിൽ കശുവണ്ടി ഫാക്ടറിയിലേക്ക് ആവശ്യമില്ലാത്ത യന്ത്രങ്ങൾ ശ്രദ്ധയിൽ‍പെട്ടപ്പോഴാണ് ജനങ്ങൾ കബളിപ്പിക്കപ്പെട്ടു എന്ന സത്യം തിരിച്ചറിയുന്നത്.
ഫാക്ടറിക്ക് എതിരെ ജനങ്ങൾ നിരവധി സമരങ്ങൾ നടത്തിയെങ്കിലും പരാജയപ്പെട്ടു.
ഫാക്ടറി നിൽക്കുന്നത് ചിറക്കര ഗ്രാമപഞ്ചായത്ത് അതിർത്തിയിലും ഫാക്ടറിക്കു എതിർവശം പൂതക്കുളം പഞ്ചായത്തുമാണ്. രണ്ടു പഞ്ചായത്തുൾപ്പടെ ആയിരത്തിലേറെ കുടുംബങ്ങൾ ദിവസവും മരണത്തോട് മല്ലിടുകയാണ്. കാൻസർ, ശ്വാസംമുട്ട്, ചുമ, ചെന്നി, ത്വക്ക് രോഗങ്ങൾ എന്നിവ ഇവിടുത്തെ ജനങ്ങളിൽ പടർന്നു പിടിച്ചു കഴിഞ്ഞു. പ്രദേശത്തെ മനുഷ്യർ മാത്രമല്ല ഈ ദുരിതം അനുഭവിക്കുന്നത്. കന്നുകാലികൾ, കോഴികൾ, താറാവ്, നായ തുടങ്ങിയ വളർത്തു മൃഗങ്ങൾ എല്ലാം ഒരു പോലെ ഇവിടെ ദുരിതം അനുഭവിക്കുന്നു അത് കൊണ്ട് തന്നെ ഐതീഹ്യങ്ങൾ നിറഞ്ഞ രാവണൻപൊയ്ക ഇപ്പോൾ വിഷ ഭൂമിയായി മാറികഴിഞ്ഞു. പ്രദേശത്തെ കിണറുകളിൽ പാറപ്പൊടിയുടെയുടെയും കെമിക്കലിന്റെയും അംശവുമുണ്ട്.
വർഷങ്ങൾക്കു മുൻപ് ചെറിയ പ്ലാന്റ് ആയി തുടങ്ങിയപ്പോൾ ജനങ്ങളോട് പറഞ്ഞത്
പരവൂർ പാരിപ്പള്ളി റോഡിന്റെ ടാറിങ് പണികൾക്കായി സ്ഥാപിച്ച മിക്സിങ് യൂണിറ്റാണിത് എന്നാണ്
ഒരാഴ്ച കഴിയുമ്പോൾ റോഡിന്റെ പണി പൂർത്തിയാകുമെന്നും അതിനുശേഷം യൂണിറ്റ് ഇവിടെ നിന്നും മാറ്റാം എന്നുമാണ് അന്ന് പ്ലാന്റ് അധികൃതർ നാട്ടുകാരോട് പറഞ്ഞത്. ഇപ്പോൾ ആ പ്ലാന്റ് സ്ഥിരമായി മാറിയിരിക്കുന്ന അവസ്ഥയിൽ കാര്യങ്ങൾ എത്തിചേർന്നിരിക്കുന്നു.
തോപ്പിൽ കൺസ്ട്രക്‌ഷൻ എന്ന സ്വകാര്യ കമ്പനിയുടെ ഉടമസ്ഥതയിലാണു ടാർ മിക്സിങ് യൂണിറ്റ് ഏകദേശം മൂന്ന് ഏക്കറിലാണ് പ്ലാന്റ് സ്ഥിതി ചെയ്യുന്നത്. പുലർച്ചെ രണ്ട് മണിക്കാണ് ചില ദിവസങ്ങളിൽ പ്ലാന്റിന്റെ പ്രവർത്തനം ആരംഭിക്കുന്നത്. യന്ത്രങ്ങളുടെ പ്രവർത്തനം ആരംഭിക്കുമ്പോൾ കാതടപ്പിക്കുന്ന ശബ്ദമായതിനാൽ നാട്ടുകാരുടെ ഉറക്കം നഷ്ടപ്പെടുന്നു.
പ്രദേശത്തെ വിദ്യാർഥികൾ സ്കൂളുകളിൽ പോകുന്നത് വളരെ കുറച്ചു ദിവസങ്ങൾ മാത്രമാണ്.
ദിവസവും പനിയും മറ്റ് ശാരീരിക അസ്വസ്ഥത മൂലം ആശുപത്രികളിൽ അഡ്മിറ്റാകും. പതിനഞ്ച് വർഷങ്ങൾക്കു മുൻപ് പ്രദേശം കല്ലുവെട്ടാംകുഴി ആയിരുന്നു. പല പ്രാവശ്യം പരാതിയും സമരങ്ങളും ചെയ്യുമ്പോഴും പ്ലാന്റിന്റെ പുക കുഴൽ ഉയർത്താൻ അധികൃതർ ആവശ്യപ്പെടും.
എന്നാൽ കുഴൽ ഉയർത്തുമ്പോൾ പ്ലാന്റിനു മുകളിലെ ഭൂമിയിൽ താമസിക്കുന്നവർക്കും താഴയുള്ളവർക്കും ഒരുപോലെ അപകടമാകുന്നു. പ്രവർത്തനം ആരംഭിക്കുമ്പോൾ ഉയരുന്ന വിഷ പുകയാണ് ഇന്ന് ഈ നാടിനെ മരണത്തിലെത്തിക്കുന്നത്. ശരീരത്തെ തൊലി മുഴുവൻ അടർന്ന് കണ്ടാൽ അറപ്പ് തോനുന്ന വിധമായി ഇവിടുത്തെ നാട്ടുകാരുടെ ശരീരം.
പ്ലാന്റിന്റെ ചുറ്റും മാത്രം നൂറ്റി ഇരുപതോളം കുടുംബങ്ങൾ താമസിക്കുന്നുണ്ട്. കൂടാതെ സ്കൂളുകൾ, അങ്കണവാടികൾ, പ്രാഥമിക ആരോഗ്യകേന്ദ്രം തുടങ്ങിയ നിരവധി സ്ഥാപനങ്ങൾ ഇവിടെ ഉണ്ട്. കൂടുതലും പട്ടികജാതി വിഭാഗത്തിലുള്ളവർ ആണ്.
ഇവർ നിരവധി സമരങ്ങൾ ഇവിടെ നടത്തി. പഞ്ചായത്ത് ഭരിക്കുന്ന ഇടതുപക്ഷം തിരിഞ്ഞു നിന്നു ചാത്തന്നൂർ എം.എൽ.എ ജി.എസ്.ജയലാൽ എം.എൽ. എ യുടെ വീട്ടിൽ നിന്നും മൂന്ന് കിലോമീറ്റർ മാത്രം ദൂരം ഇവരെല്ലാം നാളിതുവരെ ഇ സമരത്തെ അവഗണിച്ചു.
രക്ഷയില്ലാതെ വന്നപ്പോൾ കലക്‌ടറേറ്റിനു മുന്നിൽ വരെ സമരം നടത്തി ജനങ്ങൾ. വേണ്ട നടപടികൾ സ്വീകരിക്കാം എന്നുള്ള മറുപടി മാത്രമാണ് അധികാരികളിൽ നിന്നും ലഭിച്ചത്. പ്രദേശത്തെ പ്രമുഖ രാഷ്ട്രീയ നേതാക്കളടക്കമുള്ളവർക്ക് പണവും മറ്റ് ആനുകൂല്യങ്ങളും നൽകി അവരുടെ അവശ്യ വസ്തുവാക്കി മാറ്റിയിരിക്കുന്നു എന്നാണ് ജനങ്ങൾ പറയുന്നത്. കൂടാതെ പ്ലാന്റിനെതിരെ ശബ്ദം ഉയർത്തുന്നവർക്ക് നേരെ ഭീഷണിയുയർത്തുന്നു. അവരെ ഫോണിൽ കൂടി ഭീഷണിപ്പെടുത്തുകയും ചെയ്യാറുണ്ട്. സമരത്തിൽ നിന്നും പിൻമാറിയില്ല എങ്കിൽ അതിന്റെ ഭവിഷ്യത്ത് നിങ്ങൾ അനുഭവിക്കേണ്ടിവരും എന്നായിരുന്നു ഭീഷണി. ചിലരെ വിളിച്ച ശേഷം വൻ തുക വാഗ്ദാനം ചെയ്യുകയും ചെയ്തു. ഉയർന്ന രാഷ്ട്രീയ ഇടപെടൽ ഇതിലുണ്ടെന്നു ഇതിലൂടെ വ്യക്തമാണ്.
പ്രദേശവാസികൾ രോഗം ബാധിച്ച് വലയുന്നു
പ്രദേശവാസികൾ വിവിധ രോഗങ്ങൾ പിടിപെട്ട് വലയുന്നു.കാൻസർ രോഗികൾ,ത്വക്ക് രോഗങ്ങൾ ഉള്ളവർ ,ശ്വാസകോശ രോഗികൾ, ശ്വാസംമുട്ട് ത്വക്ക് രോഗങ്ങൾ ഉള്ള കുഞ്ഞുങ്ങൾ,അലർജി ഉള്ളവർ,ഹൃദ്രോഗികൾ,അസുഖങ്ങൾ ഉള്ള ഗർഭിണികൾ ,കാഴ്ചയ്ക്കു പ്രശ്നമുള്ളവർ
എന്നിവ ബാധിച്ച് വളരെ കേശിക്കുന്നുജീവിക്കാൻ നിവർത്തിയില്ല വലിയ ബുദ്ധിമുട്ടിലാണ് ഈ തുടർന്നാൽ ഇവർ ആത്മഹത്യ ചെയ്യേണ്ടിവരുമെന്നാണ് നാട്ടുകാർ പറയുന്നത്.
ഓക്സിജൻ സിലണ്ടർ ഉപയോഗിച്ച് ശ്വസിക്കുന്നു
മനുഷ്യ ശരീരത്തിൽ 70 % ആണ് ഓക്സിജന്റെ അളവ് വേണ്ടത്. എന്നാൽ 50 % പോലും ഓക്സിജന്റെ അളവ് ശരീരത്ത് ഇല്ലാത്ത ആളുകൾ ഇവിടെ ഉണ്ട്. തൊട്ടടുത്ത താമസക്കാരായ സ്വാതന്ത്ര്യ സമരസേനാനി കെ. കരുണാകരന്റെ ഭാര്യ കല്യാണി കരുണാകരന്റെ (85) ശരീരത്തിൽ 20% മാത്രമാണ് ഓക്സിജന്റെ അളവ്. ഈ വീട്ടിലെ മറ്റ് അംഗങ്ങളും ശ്വസിക്കുന്നത് ഓക്സിജൻ സിലണ്ടർ ഉപയോഗിച്ചാണ്.വീട്ടിനു പുറത്തേക്ക് ഇറങ്ങാൻ കഴിയാത്ത അവസ്ഥയാണ്.
പ്ലാസ്റ്റിക് കലർത്തുന്നു.
ഒരു ദിവസം നാട്ടുകാർ പുലർച്ചെ പുറത്തിറങ്ങിയപ്പോൾ പ്രദേശത്ത് മഞ്ഞു മൂടികിടക്കുന്ന പോലെ തോന്നി. എന്നാൽ വെയിലു വന്നിട്ടും അന്തരീക്ഷത്തിനു മാറ്റം സംഭവിക്കാതിരുന്നപ്പോൾ ശ്രദ്ധിച്ചപ്പോഴാണ് മിക്സിങ് യൂണിറ്റിൽ പ്ലാസ്റ്റിക് കലർത്തിയത് അറിഞ്ഞത്. വീട്ടുമുറ്റത്തു കിടന്ന കാറുകളിൽ പ്ലാസ്റ്റിക്കിന്റെ അംശം പറ്റിയിരിക്കുന്നു. അതുപോലെ വീടുകളുടെ ജനാലകളിലും. അന്നു തന്നെ പ്ലാന്റിനോടു ചേർന്നുള്ള വീട്ടിലെ രണ്ട് ആടുകളും ചത്തു. ആട് കഴിച്ച പ്ലാവിലയിൽ പ്ലാസ്റ്റിക് ഉണ്ടായിരുന്നതാണ് കാരണം. കിണറുകളും, തോടുകളും, കുളങ്ങളും എല്ലാം ഒരു ദിവസം കൊണ്ട് വിഷമായി മാറി.
വസ്ത്രങ്ങൾ വൈകിട്ട് തിരിച്ചെടുക്കുമ്പോൾ കരി പിടിച്ച അവസ്ഥയിലാണ്
ഒരു മാസം ഈ പ്രദേശത്ത് കുറഞ്ഞത് പത്തോളം കന്നുകാലികൾ ചത്തൊടുങ്ങുന്നുണ്ട്. നിലവിൽ നെൽകൃഷി നടത്തുന്ന പുത്തൻകുളം, ചിറയ്ക്കരത്താഴം ഏലാ വയലുകൾ എന്നിവിടങ്ങളിലെ മണ്ണിലും അന്തരീക്ഷത്തിലും വിഷാംശം കലർന്നു കഴിഞ്ഞു. പ്രദേശത്ത് കന്നുകാലികളെ കൊണ്ടും, പൗൾട്രീ ഫാമുകള്‍ നടത്തി കൊണ്ടും ഉപജീവന മാർഗം നയിക്കുന്നവർ ഇപ്പോൾ ദുരിതമനുഭവിക്കുന്നു. വീടുകളിൽ പാചകം ചെയ്യാനും, വസ്ത്രങ്ങൾ അലക്കി പുറത്ത് വിരിക്കാനും ഒന്നും നാട്ടുകാർക്ക് സാധിക്കുന്നില്ല. പുറത്ത് വിരിക്കുന്ന വസ്ത്രങ്ങൾ വൈകിട്ട് തിരിച്ചെടുക്കുമ്പോൾ കരി പിടിച്ച അവസ്ഥയിലാണ്. പ്രദേശവാസികൾ അനുഭവിക്കുന്ന കഷ്ടതകൾ നേരിട്ട് ബോധ്യപ്പെടുത്താൻ പഞ്ചായത്ത് അധികൃതരോട് പറഞ്ഞിട്ട് ആരും വന്ന് സ്ഥലം സന്ദർശിച്ചിട്ടില്ല. പ്ലാന്റിൽ നിന്നും രണ്ട് കിലോമീറ്റർ മാത്രം ദൂരമാണ് പഞ്ചായത്തുമായി ഉള്ളത്.
