എല്ലാ രാഷ്ട്രീയ നേതാക്കളും അനുയായികളും മാതൃക ആക്കേണ്ട ഒരു രാഷ്ട്രീയ നേതാവായിരുന്നു മാരാർജി.പ്രത്യേകിച്ച് ഇന്നത്തെ ആധുനിക രാഷ്ട്രീയ നേതാക്കളും അനുയായികളും .വ്യക്തി ജീവിതത്തിൽ എളിമയും അതേപോലെ വാക്കും പ്രവര്ത്തിയും ഒരുമിപ്പിച്ചു കൊണ്ടായിരുന്നു മാരാര്ജിയുടെ പ്രവര്ത്തനം , മാരാർജി എവിടെയെങ്കിലും പൊതുയോഗത്തിന് പ്രസംഗിക്കാൻ വരുന്നു എന്നറിഞ്ഞാൽ എതിർ രാഷ്ട്രീയക്കാർ പോലും അദ്ദേഹത്തിൻറെ ഭാഷണം കേള്ക്കാൻ തടിച്ചു കൂടുമായിരുന്നു അത്രയും നര്മ്മം കലര്ന്ന രീതിയിലായിരുന്നു കാര്യങ്ങൾ അവതരിപ്പിച്ചിരുന്നത് .മാത്രമല്ല ധാർമ്മികതയും ,സ്നേഹവും അതേപോലെ സമന്വയത്തിന്റെ പാതയുമായിരുന്നു അദ്ദേഹത്തിൻറെ പ്രവര്ത്തന ശൈലിയിൽ ഇത് എതിർ രാഷ്ട്രീയക്കാരിൽ പോലും അദ്ദേഹത്തെ ആദരണീയനാക്കിയിരുന്നു .സംഘടനയുടെ ഇന്നത്തെ വളര്ച്ചയ്ക്ക് മാരാർജിയെ പോലുള്ള പഴയ പ്രവര്ത്തകരുടെ സ്തുതിയർഹമായ പ്രവര്ത്തനം തന്നെയാണ് എന്നതിൽ യാതൊരു സംശയവുമില്ല .ഓരോ പ്രവര്ത്തകരും മുന്നോട്ടു പ്രയാണം ചെയ്യുമ്പോൾ അവരെ പോലുള്ളവർ കൊളുത്തിവെച്ച ആദർശത്തിൽ വെള്ളം ചേര്ക്കാതെ തനതായ ശൈലിയിൽ തന്നെ മുന്നോട്ടു കൊണ്ട് പോവുകയും, പ്രവര്ത്തനം എത്താത്ത മേഖലകളിൽ എത്തിക്കുകയും ഉള്ള സ്ഥലങ്ങളിൽ വ്യാപിപ്പിക്കുകയും ചെയ്യുക എന്നുള്ളതാണ് ഓരോരുത്തരുടെയും കടമ, അത് തന്നെയാണ് മാരാര്ജിയെപോലുള്ള വരുടെ സ്മരണ പുതുക്കുമ്പോൾ എല്ലാവര്ക്കും ചെയ്യാനുള്ളതും ,,,,ചെയ്യേണ്ടതും ,,,,,, ആദര്ശ രാഷ്ട്രീയത്തിന്റെ ഉദാത്ത മാതൃകയായ മാരാര്ജിക്ക് ആത്മ പ്രണാമം ,,,,,,,,,
ആദര്‍ശരാഷ്ട്രീയത്തിന്റെ ആള്‍രൂപമായിരുന്നു കെ.ജി.മാരാര്‍.
സാധാരണക്കാര്‍ക്കിടയില്‍ സാധാരണക്കാരനായി ജീവിക്കുകയും അസാധാരണ വ്യക്തിപ്രഭാവം നേടുകയും ചെയ്യാന്‍ അദ്ദേഹത്തിന്‌ സാധിച്ചു. ഒരു എംഎല്‍എക്കോ മന്ത്രിക്കോ ജനഹൃദയങ്ങളില്‍ ലഭിക്കാത്ത സ്ഥാനം അദ്ദേഹത്തിന്‌ ജനലക്ഷങ്ങളില്‍ ലഭിച്ചു. ഭരണസംവിധാനങ്ങളുടെ ഭാഗമാകാനുള്ള എല്ലാ അര്‍ഹതയും യോഗ്യതയും അദ്ദേഹത്തിനുണ്ടെന്ന്‌ വ്യക്തിപരമായി അറിയാന്‍ ശ്രമിച്ചവരെല്ലാം തിരിച്ചറിഞ്ഞിട്ടുണ്ട്‌. പക്ഷേ അതിനു വേണ്ടി നടന്നു വന്ന വീഥികള്‍ വ്യതിചലിക്കാന്‍ അദ്ദേഹം തയ്യാറായിരുന്നില്ല.
മാരാര്ജിയുടെ പൊതുജീവിതം ആരംഭിക്കുന്നത്‌ ആര്‍എസ്‌എസ്‌ പ്രചാരകനായിട്ടാണ്‌. 1956-ല്‍ പയ്യന്നൂരില്‍ ശാഖാ പ്രവര്‍ത്തനങ്ങള്‍ക്ക്‌ അദ്ദേഹം അടിത്തറപാകി. മാതൃകാ സ്വയംസേവകനെന്നപോലെ മാതൃകാ അധ്യാപകനുമായിരുന്നു അദ്ദേഹം. പറശ്ശിനിക്കടവ്‌ ഹൈസ്കൂളിലെ മലയാളം അധ്യാപകന്‍. ഭാരതീയ ജനസംഘത്തിന്റെ പ്രവര്‍ത്തനത്തിനായി അധ്യാപക ജോലി ഉപേക്ഷിച്ച്‌ ഇറങ്ങിയത്‌ വലിയൊരു സാഹസം തന്നെയായിരുന്നു.
അധികം താമസിയാതെ പ്രവര്‍ത്തനമേഖല സംസ്ഥാനവ്യാപകമായി. ജനസംഘത്തിന്റെ സംസ്ഥാന കാര്യദര്‍ശിയായും അടിയന്തരാവസ്ഥയ്ക്കു ശേഷം ജനതാ പാര്‍ട്ടിയുടെ സംസ്ഥാന സമിതി അംഗമായും അദ്ദേഹം പ്രവര്‍ത്തിച്ചു. ഭാരതീയ ജനതാ പാര്‍ട്ടി രൂപവത്കൃതമായ ശേഷം ഔദ്യോഗിക സ്ഥാനത്തിരുന്നപ്പോഴും അല്ലാത്തപ്പോഴും മാരാര്‍ജി അതിന്റെ പര്യായവും വക്താവുമായി അറിയപ്പെട്ടു. സാധാരണപ്രവര്‍ത്തകരുമായി മാത്രമല്ല അവരുടെ കുടുംബാംഗങ്ങളുമായും ഹൃദയംഗമമായ ബന്ധം പുലര്‍ത്തി. അദ്ദേഹം ഒരു വീട്ടില്‍ ചെന്നാല്‍ അതിഥിയായിട്ടല്ല കുടുംബാംഗമായിത്തന്നെയാണ്‌ വീട്ടുകാര്‍ കരുതിവന്നത്‌. രാഷ്ട്രീയ സ്വയംസേവക സംഘത്തില്‍ നിന്ന് ലഭിച്ച സംസ്കാരസമ്പന്നമായ പെരുമാറ്റമാണ്‌ അതിനു സഹായിച്ചത്‌.
1975 ജൂൺ 25-നും 1977 മാർച്ച് 21-നുമിടയിലുള്ള അടിയന്തിരാവസ്ഥക്കാലത്ത് ഇദ്ദേഹം അറസ്റ്റ് ചെയ്യപ്പെടുകയും 18 മാസം ജയിലിലടയ്ക്കപ്പെടുകയും ചെയ്തിരുന്നു. ജയിൽ മോചിതനായശേഷം ഇദ്ദേഹം ജനതാ പാർട്ടിയുടെ നേതാവാകുകയും കണ്ണൂർ ജില്ലാ പ്രസിഡന്റ് സ്ഥാനത്തെത്തുകയും ചെയ്തു. 1980-ൽ ഇദ്ദേഹം ബി.ജെ.പി സംസ്ഥാന സെക്രട്ടറിയായി. കേരള രാഷ്ട്രീയത്തിൽ ഇദ്ദേഹം സജീവമായിരുന്നു. സംസ്ഥാന ജനറൽ സെക്രട്ടറി, സംസ്ഥാന പ്രസിഡന്റ് എന്നീ സ്ഥാനങ്ങളും ഇദ്ദേഹം വഹിച്ചിട്ടുണ്ട്. ഭാരതീയ ജനതാ പാർട്ടിക്കുവേണ്ടി ഇദ്ദേഹം പല തിരഞ്ഞെടുപ്പുകളിലും മത്സരിച്ചിട്ടുണ്ട്.
ചുമരെഴുതിയും കൊടിനാട്ടിയും മുദ്രാവാക്യം വിളിച്ചും വളര്‍ന്ന നേതാവാണ്‌ മാരാര്‍ജി. കൈനനയാതെ മീന്‍ പിടിക്കാന്‍ നോക്കുന്ന രാഷ്ട്രീയക്കാര്‍ മേഞ്ഞുനടക്കുന്ന വര്‍ത്തമാനകാലത്ത്‌ കെ.ജി.മാരാര്‍ജിയെപ്പോലുള്ളവരെ സ്മരിക്കുന്നതുപോലും പുണ്യമാണ്‌.
