ചാത്തന്നൂര്‍: കശുവണ്ടി മേഖലയില്‍ വട്ടിപ്പലിശക്കാരുടെ പിടി മുറുകുന്നതായി പരാതി. സംസ്ഥാനത്താകെ ഓപ്പറേഷന്‍ കുബേര വഴി കൊള്ളപ്പലിശക്കാരെ നിയമത്തിനുമുന്നില്‍ കൊണ്ടുവരുമ്പോഴാണ് കശുവണ്ടി മേഖലയിലെ വട്ടിപ്പലിശക്കാര്‍ ഒരു നടപടിയും നേരിടാതെ രക്ഷപ്പെടുന്നത്. തമിഴ്‌നാട്ടില്‍നിന്നുള്ളവരും പ്രദേശവാസികളും ഉള്‍പ്പെടെ നിരവധി പേരാണ് ചാത്തന്നൂര്‍, കൊട്ടിയം മേഖലയിലെ വിവിധ കശുവണ്ടി ഫാക്ടറികള്‍ കേന്ദ്രീകരിച്ച് പലിശക്ക് പണം നല്‍കുന്നത്. കുറഞ്ഞ വേതനത്തില്‍ പണിയെടുക്കുന്ന തൊഴിലാളികളില്‍ ഭൂരിഭാഗവും പണം വാങ്ങിയിട്ടുണ്ട്. പണം നല്‍കിയതിന് ശേഷം ആഴ്ചയിലൊരിക്കല്‍ പലിശ പിരിക്കാന്‍ എത്തുകയാണ് പതിവ്. സംസ്ഥാനമൊട്ടാകെ വ്യാപക റെയ്ഡ് അരങ്ങേറിയപ്പോഴും കശുവണ്ടി മേഖലയിലെ പലിശക്കാരുടെ എണ്ണത്തില്‍ കുറവ് സംഭവിച്ചിരുന്നില്ല. കൂടാതെ വ്യാപാര സ്ഥാപനങ്ങള്‍, വ്യവസായസ്ഥാപനത്തിലെ തൊഴിലാളികള്‍, ടാക്‌സി െ്രെഡവര്‍മാര്‍ എന്നിവര്‍ക്കാണ് പണം നല്‍കിവരുന്നത്. പലിശക്കാരെക്കുറിച്ച് പൊലീസിന് വ്യക്തമായ വിവരം ലഭിച്ചിട്ടും നടപടി സ്വീകരിച്ചില്ല. പൊലീസ് പേരിന് പരിശോധന നടത്തുകയും തെളിവ് ലഭിച്ചില്ലെന്ന രീതിയില്‍ റെയ്ഡ് അവസാനിപ്പിക്കുകയും ചെയ്യുകയാണ് പതിവ്. രാഷ്ട്രീയപാര്‍ട്ടികളുടെ പിന്‍ബലമുള്ള ഇവരും പോലീസും ഒത്തുകളിച്ച് ഇത്തരക്കാര്‍ക്ക് ചൂട്ട് പിടിക്കുന്നതായാണ് ആരോപണം.
Friday, 20 February 2015
മോഷ്ടാക്കള്‍ പെരുകുമ്പോള്‍ പോലീസ് ഇരുട്ടില്‍ തപ്പുന്നു--by ArunSatheesan
ചാത്തന്നൂര്‍: രാത്രിയെന്നോ പകലെന്നോ ഭേദമില്ലാതെ കള്ളന്മാര്‍ വിലസുകയാണ്. ദിനംപ്രതി മോഷണങ്ങള്‍ പെരുകുന്നു. എന്തു ചെയ്യണമെന്ന് അറിയാതെ ഇരുട്ടില്‍ തപ്പുന്ന പോലീസ് സംവിധാനം. പട്രോളിങ് ശക്തമാണെന്ന് പോലീസ് അവകാശപ്പെടുമ്പോഴും ചാത്തന്നൂര്‍, കൊട്ടിയം മേഖലകളില്‍ മോഷണങ്ങള്‍ വര്‍ധിക്കുകയാണ്. രണ്ട് മാസത്തിനിടെ ചെറുതും വലുതുമായ നിരവധി മോഷണങ്ങളാണ് ചാത്തന്നൂര്‍ കമ്മിഷണര്‍ ഓഫിസ് പരിധിയില്‍ റിപ്പോര്‍ട്ട് ചെയ്തത്. ഉത്സവ സീസണായതോടെയാണ് മോഷ്ടാക്കള്‍ സജീവമായത്. കൊട്ടിയത്ത് രണ്ട് വീടുകളില്‍ മോഷണവും നിരവധി വീടുകളില്‍ മോഷണശ്രമവും നടന്നിട്ടുണ്ട്. വീടുകളുടെ കതകുകള്‍ തകര്‍ത്ത് അകത്തുകടന്ന മോഷ്ടാക്കള്‍ രണ്ട് വീടുകളില്‍നിന്ന് പത്തര പവന്‍ സ്വര്‍ണം കവര്‍ന്നു. മോഷണം നടത്തി കടക്കുന്നതിനിടെ മോഷ്ടാവ് എസ്.ഐയുടെ മുന്നില്‍ വന്നുപെട്ടെങ്കിലും തലനാരിഴക്ക് രക്ഷപ്പെട്ടു. ഒരിടത്ത് വീട്ടുകാരെ മയക്കിയും മറ്റൊരു വീട്ടില്‍ മാര്‍ബിള്‍തറയില്‍ വെള്ളമൊഴിച്ചശേഷവുമാണ് മോഷണം നടത്തിയത്. കൊട്ടിയം തഴുത്തല മുരുക്കുംകാവ് ആക്കനാട് മേലതില്‍ പോലീസിന്റെ വിരലടയാള വിഭാഗത്തില്‍നിന്ന് റിട്ടയര്‍ ചെയ്ത സനല്‍കുമാറിന്റെ വീട്ടിലും മുരുക്കുംകാവിനടുത്ത് തീര്‍ഥത്തില്‍ നേതാജി വിജയന്റെ വീട്ടിലുമാണ് മോഷണം നടന്നത്. സനല്‍കുമാറിന്റെ കിടപ്പുമുറിയിലെ അലമാരയില്‍ സൂക്ഷിച്ച ആറുപവന്‍ സ്വര്‍ണമാണ് കവര്‍ന്നത്. അടുക്കളവാതില്‍ തകര്‍ത്ത് അകത്തുകടന്ന മോഷ്ടാക്കള്‍ മൂന്ന് കതകുകള്‍ തകര്‍ത്താണ് മോഷണം നടത്തിയത്. സനല്‍കുമാറിന്റെ വീടിന്റെ ഏകദേശം നൂറുമീറ്റര്‍ അകലെയുള്ള നേതാജി വിജയന്റെ വീടിന്റെയും അടുക്കളവാതില്‍ തകര്‍ത്ത് അകത്തുകടന്ന മോഷ്ടാക്കള്‍ അലമാരയില്‍ സൂക്ഷിച്ച നാലര പവന്‍ സ്വര്‍ണം കവര്‍ന്നു. ഇതുകൂടാതെ രാജു, ബാബു, ഷാജഹാന്‍ തുടങ്ങിയവരുടെ വീടുകളിലും നിരവധി വീടുകളിലും മോഷണശ്രമം നടന്നു. ഇതുകൂടാതെ വടക്കേവിള കൂനമ്പായിക്കുളത്ത് വീടിന്റെ വാതിലുകള്‍ തകര്‍ത്ത് അകത്തുകടന്ന മോഷ്ടാക്കള്‍ സ്വര്‍ണവും പണവും വിലപിടിപ്പുള്ള ഇലക്‌ട്രോണിക് ഉപകരണങ്ങളും കവര്‍ന്നു. വാറഴികം മുക്കില്‍ ചിറ്റയത്ത് ഐഷാസില്‍ വാടകക്ക് താമസിക്കുന്ന ബഷീറിന്റെ വീട്ടിലാണ് മോഷണം നടന്നത്. പത്തുപവന്‍ സ്വര്‍ണവും 75,000 രൂപയും ഡിജിറ്റല്‍ ടിവിയും ലാപ്‌ടോപ്പുമാണ് കവര്‍ന്നത്. ചാത്തന്നൂരില്‍ താഴം സത്യനിവാസില്‍ ബിഎസ്എന്‍എല്‍ എന്‍ജിനിയര്‍ സത്യന്റെ വീട്ടില്‍ നിന്നും ഒരു ലക്ഷം രൂപയും രണ്ടു പവനും കവര്‍ന്നത് പട്ടാപകലാണ്. പരവൂര്‍ നഗരത്തില്‍ ചൊവ്വാഴ്ച നടന്ന കാവടിഘോഷയാത്രക്കിടെ കടയുടെ മുന്നില്‍ പൂട്ടിവച്ചിരുന്ന മോട്ടോര്‍ ബൈക്ക് മോഷ്ടിച്ചു. പരവൂര്‍ വിനോദ് ജുവലറിക്കുമുന്നില്‍ വച്ചിരുന്ന ബൈക്കാണ് മോഷണം പോയത്. പോലീസ് സുരക്ഷ ശക്തമാണെന്ന് പറയുന്നതല്ലാതെ മോഷണം തടയുന്നില്ലെന്നാണ് ജനങ്ങളുടെ പരാതി.പോലീസില്‍ പരാതിപ്പെട്ടിട്ടും പ്രയോജനവുമില്ലത്രെ. കൊട്ടിയം പോലീസ് സ്‌റ്റേഷന്റെ ചുറ്റളവിലാണ് തുടര്‍ച്ചയായി മോഷണപരമ്പര അരങ്ങേറിയത്. പകല്‍ക്കള്ളന്മാരുടെ സാന്നിധ്യവും കൊട്ടിയം, ചാത്തന്നൂര്‍ മേഖലകളില്‍ റിപ്പോര്‍ട്ട് ചെയ്തിരുന്നു. പോലീസ് ഊര്‍ജിതമായി അന്വേഷണം നടത്തി കുറ്റവാളികളെ കണ്ടെത്തണമെന്ന്‌നാട്ടുകാര്‍ ആവശ്യപ്പെട്ടു. മോഷ്ടാക്കളെ പിടിക്കേണ്ട പോലീസാകട്ടെ ഇപ്പോള്‍ ഊടുവഴികളില്‍ നിന്ന് ഹെല്‍മറ്റ് ധരിച്ച് പോകുന്ന ബൈക്ക് യാത്രികരെ പോലും തടഞ്ഞുനിര്‍ത്തി പരിശോധന നടത്തുന്ന തിരക്കിലും. മിക്കവാറുമെല്ലാവരും ഇപ്പോള്‍ ഹെല്‍മറ്റ് ധരിച്ചാണ് ഇരുചക്രവാഹനങ്ങളില്‍ ഇപ്പോള്‍ യാത്ര ചെയ്യുന്നത്. അതുകൊണ്ടുതന്നെ രേഖാപരിശോധനയിലാണ് ശുഷ്‌കാന്തി. ഇതിനിടയില്‍ കള്ളന്മാരെ പിടികൂടാനെവിടെ നേരമെന്നാണ് നാട്ടുകാര്‍ ചോദിക്കുന്നത്. വാഹനം തടഞ്ഞുനിര്‍ത്തി പരിശോധിക്കരുതെന്ന ആഭ്യന്തരവകുപ്പിന്റെ നിര്‍ദ്ദേശം പോലും കാറ്റില്‍പറത്തിയാണ് പോലീസിന്റെ ഹെല്‍മറ്റ് വേട്ട.
പള്ളിക്കമണ്ണടി പാലം യാഥാര്‍ത്ഥ്യമാകുന്നു ഇത് ബിജെപിയുടെ സമരവിജയം
Sunday, 1 February 2015
ചാത്തന്നൂര്‍ കെഎസ്ആര്‍ടിസി ഡിപ്പോയിലെ വര്‍ക്ക്‌ഷോപ്പ് റാമ്പ് നിര്‍മ്മാണം അവതാളത്തില്‍ by ArunSatheesan
Subscribe to:
Posts (Atom)